Luka 6:21 - Nyaa Shɔɔ Ɓɔɔ Laa a Ɓɛɛ

²¹ Tĩnang tãanang ɓi ɓɔɔ manɛ, ɓɔɔ nyɔkɔ nyɔ nɔɔ katɔ kãntang keɓe ɓɛɛ, Laa naa a nɔɔ vuu shaanang ɓɔɔ yi nɔɔ buru ɓɛɛ ditɔ. “Tĩnang tãanang ɓi ɓɔɔ manɛ ɓɔɔ nɔɔ kaa nyavɔ kãntang keɓe ɓɛɛ, ka ruu ɓɔɔ, nɔɔ naa laarɛ ditɔ ɓɛɛ.

Luka 6:21 Σταυροειδείς Αναφορές

Matiyu 5:4

Tĩnang tãanang ɓi ɓɔ̀ɔ́ zang ɓɔɔ ri káa katɔ ɓɛɛ, Kpanti Laa naa àlɛ́ ri miiri ditɔ.

Matiyu 5:6

Tĩnang Tãanang ɓi ɓɔɔ zang ɓɔɔ ri kasɛ katɔ gbãng gbãng nɛɛ ri palɛ vuu ɓɔɔ Kpanti Laa kasɛ nɛɛ yeti ɓarɛ gbete ɓɛɛ. Laa naa a ri gbalang ditɔ ri palɛ vuu keɓe.

Luka 1:53

Á zang ɓɔɔ vuu ka naa ɓarɛ kpang, vuu tɔ̃ɔ tɔ̃ɔ tɔ gaagaa. A sɔ́ɔrɔ̀ zang ying naa waati.

Luka 6:20

Yeesɔ tuu jĩng pɛ̃ɛrɛ zang ɓɔɔ ri mantɛ vuu ka bii ɓiɓɛ, a kɔɔ ri nɛɛ: “Tĩnang tãanang ɓi ɓɔɔ manɛ, ɓɔɔ vuu ka naa manɛ kpang ɓɛɛ. Ka ruu ɓɔɔ, Laa naa a nɔkɔ vuu tɔ̃ɔ ɓɔɔ wu a zang ɓɔɔ ri ta wu nɛɛ wukɔ Kpanti ɓɛɛ.

Luka 6:22

Tĩnang tãanang ɓi ɓɔɔ manɛ kɔ, naa zang kasɛ ruu manɛ kpang, zang bɛ̃ɛ nɔɔ, zang dãa nɔɔ, zang kɔɔ nɛɛ nɔɔ shi kpang, ka ruu Jaa Shɔnzang.

Luka 6:25

Jĩng dannang kagn yuu manɛ, ɓɔɔ buru manɛ puu katɔ kãntang keɓe ɓɛɛ, nyɔkɔ naa nyɔ nɔɔ ditɔ. “Jĩng dannang kagn yuu manɛ ɓɔɔ nɔɔ laarɛ katɔ kãntang keɓe, ka ruu ɓɔɔ, yeti manɛ naa lasɛ ditɔ gbãng gbãng, nɔɔ ti naa kaa nyavɔ ditɔ dɔɔli ɓɛɛ.

Yɔhana 11:35

Yeesɔ kaayi nɛɛ miiri ka jĩng.

Yɔhana 4:10

Yeesɔ kasɛ wu nyaa tɔɔ, “Naa mɔɔ nɛ̀ɛ́ zi vuu ɓɔɔ Laa a zang tɔ. A mɔɔ nɛɛ ti zi zang ɓɔɔ gaa mii ka naa ɓaaɓɛ tɔ. Mɔɔ nɛ̀ɛ́ gàa wu tɔ, wu nɛ̀ɛ́ á mɔɔ mii ɓɔɔ a zang Suru bii ɓɔɔ waa nyaa kpang tɔ.”

Yɔhana 6:35

Yeesɔ kɔɔ ri kati tɔɔ, “Nkɔ borodi ɓɔɔ a zang suru bii ɓɛɛ. Zang ɓɔɔ nɛɛ a ka bìí mɛɛ, nyɔkɔ nyɔ wu takpang. Zang ɓɔɔ nɛɛ ti shing danggn ka bìí mɛɛ, sutu mãa wu takpang.

1 Koranti 4:11

Wee ruu rang yee ka nyaa ɓee, nyɔkɔ nyɔ ruu katɔ, sutu mã ruu, ruu hã̀lɛ̀ ɓuru sɛ̃ɛ fɔ̃ɔrɔ ka bii, zang dang ruu jĩng, a gãa ɓɔɔ ruu nwáng kagn ti kpang.

2 Koranti 11:27

N lee tɔ, ka nɔng ɓɔɔ n palɛ shonang gbãng gbãng ɓɛɛ. Diki mɛɛ dɔɔli n roo hingro kpang. Lee ɓɔɔ n shaa vuu kpang, n ti ɓoo mii kpang. Diki mɛɛ dɔɔli vuu shaanang daa nyaa mɛɛ kpang. Sɔ̀ɔrɔ́ ti si m, a fɔ̃ɔrɔ ɓɔɔ n hãa ka bii kpang.

2 Koranti 12:10

Ka ruu nɔngkɔ, n tãa tĩnang ka ɓɔɔ n lakɛ naa ka bii kpang, nɛɛ dãanang ɓɔɔ zang dãa m, nɛɛ vuu ɓɔɔ kpãa m ka yeti, nɛɛ jĩng ɓɔɔ zang dang m, nɛɛ vuu ɓɔɔ kpãarɛ m ka zɔ̃ng zɔ̃ng ɓɛɛ ka ruu Yeesɔ Kirisi. Ka ruu ɓɔɔ, kaka nɛɛ tɔ̀ɔ́ ka bii mɛɛ kpang, n tãa kaka ka laa kaɓa kɔ jong.

2 Koranti 6:10

Zang làsɛ́ ruu yeti katɔ, a ruu tãa kaa tĩnang diki diki, mɔɔ kɔɔ nɛɛ vuu ka naa ɓuru kpang, a ɓi rukɔ shing zang ri wàlɛ́ vuu naa. Mɔɔ kɔɔ nɛɛ vuu ka naa ɓuru kpang, a ɓeekpang vuu piti ɓi ka naa ɓuru.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 21:3

N tãa yee nabm nwangnɛ, nɔng láa nwannang kpanti, kɔɔyi nɛɛ “Zirɛ, Laa a tɔ, naa nwang kaa teteng shɔnzang. Naa nwang kaa nɛɛ ri, ri naa nwang kaa zang ɓiɓɛ jong. Laa nɛɛ yuu ɓiɓɛ naa nwang nɛɛ ri, ti naa nwang kaa Laa ɓarɛ.

Vuu ɓɔɔ zang nwangsɛ Yɔhana 7:16

Nyɔkɔ nyɔ ri takpang, sutu ti mãa ri takpang. A laa ɓɔɔ túu ɓɛɛ, nyɔ ri bii takpang.