Luka 6:2 - Nyaa Shɔɔ Ɓɔɔ Laa a Ɓɛɛ

² Ɓɔɔ zang Farisi ri zi naa weɓe, ri hɛ̃ɛyi, ri tɔɔ, “Nɔɔ ɓá nyaa ɓɔɔ Laa dang ka ruu vi, nɔɔ palɛ shonang ka Diki Ɔ̃sɔnang viya?”

Luka 6:2 Σταυροειδείς Αναφορές

Matiyu 12:2

Ɓu doo ɓɔɔ zang Farisi ri zi naa weɓe, ri hɛ̃ɛ Yeesɔ tɔɔ, “Zirɛ, zang ɓɔɔ ri mantɛ vuu ka bii ɓaaɓɛ ri palɛ shonang ka Diki Ɔ̃sɔnang. Ri ta nyaa dannang tɔ.”

Matiyu 15:2

“Zang ɓɔɔ ri mantɛ vuu ka bii ɓaaɓɛ, ri ɓa nyaa ɓɔɔ daa ɓuru dang ka ruu viya? Ka ruu vi, ri shaa vuu shaanang, ri sɔɔ náa ɓarɛ naa ɓɔɔ daa ɓuru tusu rùu kpang viya?”

Maraku 2:24

A zang Farisi hɛ̃ɛ Yeesɔ tɔɔ, “Zirɛ zang ɓaaɓɛ ri palɛ shonang ka Diki Ɔ̃sɔnang ka ruu viya?”

Luka 5:33

A zang kaɓa ri ti hɛ̃ɛ wu tɔɔ, “Zang ɓɔɔ ri mantɛ vuu ka bii Yɔhana, nɛɛ ɓɔ̀ɔ́ zang Farisi, ri seng nyaalaa ɓarɛ katɔ nɛɛ Laa gaanang piti, a ɓɔɔ ɓaaɓɛ ri sèng ɓarɛ kpang, ka ruu viya?”

Yɔhana 5:16

Ka ruu ɓɔɔ, Yeesɔ palɛ vuu keɓe ka Diki Ɔ̃sɔnang, rɛɛ zang bang bang zang Yahudi ri gaayu gbalang kãanang ɓɔɔ ri kpãa wu ɓɛɛ.