Luka 5:30 - Nyaa Shɔɔ Ɓɔɔ Laa a Ɓɛɛ

³⁰ Zang Farisi nɛɛ zang ɓɔɔ ri tusu zang vuu, ɓɔɔ ri doo zang Farisi kɔ, ri hɛ̃ɛlɛ zang ɓɔɔ ri mantɛ vuu ka bii Yeesɔ kana nɛɛ, “Ka ruu vi, nɔɔ shaa vuu shaanang nɔɔ ti ɓooro vuu nɛɛ zang saka tipi tanang nɛɛ zang ɓɔɔ ri dũng nyaa ɓɔɔ Laa dang ɓɛɛ kpang kɔ doori viya?”

Luka 5:30 Σταυροειδείς Αναφορές

Matiyu 5:46

Naa nɔɔ kàsɛ́ ruu zang ɓɔɔ ri kasɛ ruu manɛ kɔ shɛ̃ɛning, nɔɔ naa walɛ ɓu vi ka bii Kpanti Laa viya? Zang ɓɔɔ ri ta saka tipi, ri palɛ wu nɔngkɔ doori kpang ya?

Matiyu 9:11

Ɓu doo ɓɔɔ zang Farisi ri zi naa weɓe, ri hɛ̃ɛ zang ɓɔɔ ri mantɛ vuu ka bii Yeesɔ nɛɛ, “Maalang manɛ shaa vuu nɛɛ zang ɓɔɔ ri ta saka tipi, nɛɛ zang ɓɔɔ ri dũng nyaa ɓɔɔ Laa dang kpang ka ruu viya?”

Maraku 2:16

Ɓɔɔ zang Farisi ɓɔɔ ri tusu zang ɓarɛ labeenang, ri zi Yeesɔ shaa vuu nɛɛ zang ɓɔɔ ri dũ̀ng nyaa ɓɔɔ Laa dangnɛ kpang hn, ri hɛ̃ɛ zang ɓɔɔ ri mantɛ vuu ka bìí ɓiɓɛ nɛɛ, “Shaa vuu nɛɛ zang ɓɔɔ ri ta saka tipi, nɛɛ zang ɓɔɔgn ɓɔɔ ri dũ̀ng nyaa ɓɔɔ Laa dangnɛ kpang ka ruu viya?”

Maraku 7:3

(Zang Farisi nɛɛ zang Yahudi nandon, ri sɔɔ naa katɔ gbongkarɛ naa ɓɔɔ daa ɓarɛ túsú, tɔɔ ri shaa vuu shaanang kati.

Maraku 9:16

A Yeesɔ hɛ̃ɛ zang ɓɔɔ ri mantɛ vuu ka bii ɓiɓɛ tɔɔ, “Nɔɔ rangkɛ ɓu ruu vi nɛɛ ri viya?”

Luka 18:11

Yɔɔ Farisi seepaa gaa Laa, a kɔɔ ruu bang bang ka yuu ɓiɓɛ tɔɔ, ‘Laa n zãa mɔɔ tɔ, ka ruu ɓɔɔ, n nwang m naa zang ɓɔɔ nimbang ɓɔɔ ri ta zang vuu nɛɛ ɓangge, nɛɛ zang ɓɔɔ ri palɛ vuu shi kpang, nɛɛ zang dũndũng kpang. N m ti naa zang ɓɔɔ ta saka tipi kaɓa kpang ɓɛɛ.

Luka 19:7

Zang ɓɔɔ ri zi vuu ɓɔɔ Yeesɔ palɛ, ri gaa tɔɔsung yee gɔ̃ɔrɔnang kaa nandon tɔɔ, “Yɔɔ keɓe daa roo lɛ̀ɛ́ ka gãa zang ɓɔɔ palɛ vuu shi kpang.”

Luka 5:17

Diki ɓɔɔ kagn, Yeesɔ tusu zang vuu kana, a zang Farisi nɛɛ zang ɓɔɔ ri zi labeenang Laa dɔɔli ɓɔɔ alɛ nɛɛ gari piti ɓɔɔ ka tipi Galili, nɛɛ Yahudi, a ɓɔɔ gari Urushalima nandon, ri nwáng kagn nɔngkɔ. A Laa a Yeesɔ naa ɓɔɔ wu màsɛ́ zang kɔnang nɛɛ mani kati.

Luka 5:21

A zang ɓɔɔ ri tusu zang vuu, nɛɛ zang Farisi ri gaa tɔɔsung ruu hɛ̃ɛlɛnang kaa naa ɓarɛ tɔɔ, “Yɔɔ kɔ rang yee shi kpang ka yuu Laa ɓee ɓu wiya? Ɓi Laa kɔ gbete yaa zang gbalang vuu shi kpang ɓɔɔ zang palɛ ɓɛɛ.”

Luka 7:34

A Jaa Shɔnzang arɛ, shaa vuu shaanang katɔ, ti ɓoo katɔ. Nɔɔ ti kɔɔyi nɛɛ, ‘Nɔɔ zi zang nyɔkɔ keɓe, ɓi ti zang ɓɔɔ ɓoo saa dɔɔli ɓɛɛ. Yi wusang ɓi nɛɛ zang ɓɔɔ ri ta saka tipi nɛɛ zang ɓɔɔ ri doo zang ɓɔɔ ri palɛ vuu shi kpang kɔ ɓɛɛ.’

Luka 7:39

Ɓu doo ɓɔɔ zang Farisi ɓɔɔ ɓaa Yeesɔ nyaa zi naa weɓe, kɔɔ ka yeti ɓiɓɛ tɔɔ, “Naa yɔɔ keɓe nɛɛ zang nyaa shonang Laa, nɛɛ zi jaa soro kɔ lee wu naa ka bii ɓɛɛ tɔ. Nɛɛ ti zi naa nwannang jaa soro keɓe tɔ, ka ruu ɓɔɔ, jaa soro keɓe ɓi zang ɓɔɔ palɛ vuu shi kpang ɓɛɛ.”

Zang Shonang Yeesɔ 23:9

Ri haa nyaa kana nabm, a zang ɓɔɔ ri zi nyaa dannang Laa dɔɔli ɓɛɛ, ɓɔɔ ri ɓarɛ ka vàá zang Farisi kɔ doori ɓɛɛ, ri shii paa, ri laa nyaa ka yuu ruu keɓe nabm, ri tɔɔ, “Ruu zi vuu shi kpang ɓɔɔ yɔɔ keɓe palɛ ɓuru kpang. A nɛɛ zang nyaa shonang Laa ɓɔɔ ka lapa, kɔ́ suru nɛɛ rang wu yee, nɔɔ zi tɔ ya?”