Luka 5:24 - Nyaa Shɔɔ Ɓɔɔ Laa a Ɓɛɛ

²⁴ N masɛ yɔɔ keɓe ditɔ, tɔ̀ɔ, nɔ́ɔ zi kati nɛɛ, zang a Jaa Shɔnzang naa tɔ ka koo keɓe, nɛɛ wu yaa zang gbalang vuu shi kpang ɓarɛ.” A kɔɔ yɔɔ ɓɔɔ bii vɔ katɔ tɔɔ, “N kɔɔ mɔɔ, seepaa ta mɔɔ tuu laa ɓɔɔ zang ta mɔɔ kagn mɔɔ daa gãa.”

Luka 5:24 Σταυροειδείς Αναφορές

Matiyu 16:13

Yeesɔ naa a tɔ ka tipi Kayisariya Filipi, a hɛ̃ɛ zang ɓɔɔ ri mantɛ vuu ka bii ɓiɓɛ tɔɔ, “Zang kɔɔ ɓu nɛɛ ɓɔɔ n Jaa Shɔnzang, n ɓu wiya?”

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Matiyu 26:64

A Yeesɔ kasɛ wu nyaa kati tɔɔ, “Nn nkɔ. N kɔɔ nɔɔ, nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.”

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Matiyu 4:24

Ka ruu nɔngkɔ, nyaa Yeesɔ baa nɔng ka tipi Siriya nandon. A zang atɛ wu zang kɔnang ka zɔ̃ng zɔ̃ng, nɛɛ zang ɓɔɔ kɔnang ɓarɛ dang ri jĩng dɔɔli ɓɛɛ, nɛɛ zang ɓɔɔ suru shi kpang ka bii ɓarɛ, nɛɛ zang ɓɔɔ ri mã katɔ ɓɛɛ, a ɓɔɔ zang ɓɔɔ ri kàa katɔ ɓɛɛ. A Yeesɔ masɛ ri kaa nandon.

Matiyu 9:6

N másɛ̀ yɔɔ keɓe ditɔ, tɔ̀ɔ, nɔ́ɔ zi kati nɛɛ, zang a Jaa Shɔnzang naa tɔ, ka koo keɓe, nɛɛ wu yaa zang gba lang vuu shi kpang ɓarɛ.” A Yeesɔ kɔɔ yɔɔ ɓɔɔ bii vɔ katɔ nɛɛ, “Seepaa ta, mɔɔ tuu laa ɓɔɔ zang ta mɔɔ kagn, mɔɔ daa gãa.”

Luka 5:13

A Yeesɔ dĩi naa ɓiɓɛ lee wu, a kɔɔ wu tɔɔ, “N kasɛ tɔ, vuu bii ɓaaɓɛ wu waa nyaa ta.” A vuu bii yaa yɔɔ nɔng kaa tantɛnang.

Luka 5:18

Ka diki kaɓa, zang ri tuu zang ɓɔɔ bii vɔ katɔ ɓɔɔ ri ta ka laa nɛɛ ri atɛ wu ka tĩng Yeesɔ,

Luka 5:23

Ɓɔɔ zang kɔɔ nɛɛ, ‘Zang yaa mɔɔ gbalang vuu shi kpang ɓaaɓɛ tɔ.’ Nɛɛ ɓɔɔ zang kɔɔ nɛɛ, ‘Seepaa ta mɔɔ rarɛ.’ Ɓu wi kpãa kpang ka teteng yee ziti keɓe wiya?

Luka 7:14

A Yeesɔ arɛ naa lee naa ka laa ɓɔɔ zang tuu vɔrɔ kagn ɓɛɛ. Zang ɓɔɔ ri tuu vɔrɔ ri shii kaa kikiri. A kɔɔ vɔrɔ tɔɔ, “Jasang, n kɔ̀ɔ́ mɔɔ seepaa ta.”

Luka 8:54

A Yeesɔ yi jaa ka naa, a ɓaa jaa nyaa, a kɔɔ wu tɔɔ, “Jaa seepaa ta.”

Yɔhana 11:43

Kɔɔ tɔ naa weɓe, a ɓaa nyaa kaa nabm nɛɛ, “Liyazaru, nwáng ta, mɔɔ a ka biling.”

Yɔhana 17:2

Ka ruu ɓɔɔ, mɔɔ a m naa tɔ ka yuu zang piti. Mɔɔ nɛɛ, n a zang ɓɔɔ mɔɔ a m ri ka naa, suru bii ɓɔɔ waa nyaa kpang ta ɓɛɛ.

Yɔhana 3:13

Zang ɓɔɔ vang gngn daa ka lapa kpang, ɓi nkɔ Jaa Shɔnzang ɓɔɔ n shooro nɛɛ lapa kɔ shɛ̃ɛning.”

Yɔhana 5:27

Ti á Jaa naa tɔ nɛɛ wu jɛ̃ɛ zang ruu ka ruu ɓɔɔ wukɔ Jaa Shɔnzang ɓɛɛ.

Zang Shonang Yeesɔ 14:10

A Bulu mɛɛ nyaa ka lapa tɔɔ, “Yupaa mɔɔ shii doo paa.” A yɔɔ yupaa kpãari, a gaayu ranang kati.

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Zang Shonang Yeesɔ 9:34

Bituru kɔɔ wu tɔɔ, “Aniya Yeesɔ Kirisi masɛ mɔɔ tɔ. Yupaa mɔɔ palɛ latãng ɓaaɓɛ waasɛ̃.” A Aniya tantɛ paa yunang.

Zang Shonang Yeesɔ 9:40

Bituru nwangsɛ ri nɛɛ yeti gãa nandon, a tang ka tipi, gaa Laa, a raa jĩng ka vɔrɔ, a kɔɔyi tɔɔ, “Tabita, yupaa ta.” A Tabita puu jĩng, ɓɔɔ zi Bituru, yupaa nwang doopaa.

Vuu ɓɔɔ zang nwangsɛ Yɔhana 1:13

Ka teteng rɛɛ vuu ɓɔɔ zang shĩili waa zàáng sɔɔ kagn kaɓa, n zi zang shiiyi, “nwàng kaa jaa nwang shɔnzang”. Hãa fɔ̃ɔrɔ beebang, à wu ka jĩng doo, a mã vuu ɓɔɔ zang ti nɛɛ zinariya ka danggn.