Luka 5:22 - Nyaa Shɔɔ Ɓɔɔ Laa a Ɓɛɛ

²² Yeesɔ ti zi vuu ɓɔɔ ri rɛ̃rɛ ka yeti ɓarɛ ɓi tɔ. A hɛ̃ɛ ri tɔɔ, “Nɔɔ rɛ̃rɛ nɔngkɔ, ka ruu viya?

Luka 5:22 Σταυροειδείς Αναφορές

Matiyu 12:15

Yeesɔ zi tɔ naa weɓe, a seepaa nɛɛ nɔng kaɓa, daayi. Zang dɔɔli ri dũuru wu ka knti, a masɛ zang ɓɔɔ vuu palɛ ri katɔ ka teteng ɓarɛ nandon.

Matiyu 12:25

Yeesɔ zi vuu ɓɔɔ ri rɛ̃rɛ ɓi tɔ, a kɔɔ ri tɔɔ, “Naa zang ɓɔɔ kpanti ɓarɛ gbete ri nɛɛ basɛ zɔɔ, ri shàarɛ̀ ɓarɛ tɔ. Zang gari nɛɛ basɛ zɔɔ tɔ, gari ɓarɛ shàarɛ̀ ɓi tɔ. Zang ɓɔɔ ka yeti gãa gbete nɛɛ basɛ zɔɔ tɔ, ri naa nwang ɓi takpang kɔ doori.

Matiyu 9:4

Yeesɔ ti zi vuu ɓɔɔ ri rɛ̃rɛ ka yeti ɓarɛ ɓi tɔ. A hɛ̃ɛ ri tɔɔ, “Nɔɔ rɛ̃rɛ vuu shi kpang vi ka yeti manɛ nɔngkɔ viya?

Maraku 8:17

Yeesɔ ti zi ruu ɓɔɔ ri kɔɔrɔ ka naa ɓarɛ ɓii tɔ, a hɛ̃ɛ ri tɔɔ, “Nɔɔ kɔɔrɔ ɓu ka ruu vi, nɛɛ borodi ka naa manɛ kpang viya?” Nɔɔ zi ɓu gn kpang ya? Nɔɔ zi dĩiri vuu ɓɔɔ n tusu nɔɔ kpang ya?

Luka 24:38

A hɛ̃ɛ ri tɔɔ, “Nɔɔ kaa vɔrɔ viya? A nɔɔ ti hɛ̃ɛlɛ nyaa ka yeti manɛ nɔngkɔ viya?

Luka 5:21

A zang ɓɔɔ ri tusu zang vuu, nɛɛ zang Farisi ri gaa tɔɔsung ruu hɛ̃ɛlɛnang kaa naa ɓarɛ tɔɔ, “Yɔɔ kɔ rang yee shi kpang ka yuu Laa ɓee ɓu wiya? Ɓi Laa kɔ gbete yaa zang gbalang vuu shi kpang ɓɔɔ zang palɛ ɓɛɛ.”

Luka 5:23

Ɓɔɔ zang kɔɔ nɛɛ, ‘Zang yaa mɔɔ gbalang vuu shi kpang ɓaaɓɛ tɔ.’ Nɛɛ ɓɔɔ zang kɔɔ nɛɛ, ‘Seepaa ta mɔɔ rarɛ.’ Ɓu wi kpãa kpang ka teteng yee ziti keɓe wiya?

Zang Shonang Yeesɔ 5:3

Bituru hɛ̃ɛ wu nɛɛ, “Hananiya, ka ruu vi sheetang ta rɛ̃rɛnang ɓaaɓɛ, mɔɔ sùú Suru Laa sèé, a mɔɔ vaa saka tipi ɓɔɔ mɔɔ mãlɛ́ mɔɔ yiti viya?

Yahudi 4:12

Ruu Laa palɛ shonang katɔ. Wɔng nyaa ɓa yere bang ɓɔɔ nyaa ziti katɔ. Basɛ suru bii katɔ nɛɛ suru. Wu ti basɛ rɛɛ gboko nɛɛ sɛ̃ɛting kaka. Ti dɔng ruu katɔ ka yuu vuu ɓɔɔ zang rɛ̃rɛ nɛɛ vuu ɓɔɔ zang mang ka yeti ɓɛɛ.

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.