Luka 5:17 - Nyaa Shɔɔ Ɓɔɔ Laa a Ɓɛɛ

¹⁷ Diki ɓɔɔ kagn, Yeesɔ tusu zang vuu kana, a zang Farisi nɛɛ zang ɓɔɔ ri zi labeenang Laa dɔɔli ɓɔɔ alɛ nɛɛ gari piti ɓɔɔ ka tipi Galili, nɛɛ Yahudi, a ɓɔɔ gari Urushalima nandon, ri nwáng kagn nɔngkɔ. A Laa a Yeesɔ naa ɓɔɔ wu màsɛ́ zang kɔnang nɛɛ mani kati.

Luka 5:17 Σταυροειδείς Αναφορές

Matiyu 11:5

Zang jĩng ringtang ri zi nɔng kana, zang ɓɔɔ kàa katɔ ri ti ra kana, a kɔnang zang vuu bii ti yaa ri nɔng kana. Zang ɓɔɔ shoo gbooto ri ti tãa nɔng kana, n ti wisi zang ɓɔɔ ri vɔlɔ ɓɛɛ paa kana. Zang ti rǎng zang ɓɔɔ vuu ka naa kpang Ruu Tɔ̃ɔ Laa kana.

Matiyu 15:1

A zang Farisi ɓɔɔ nɛɛ zang ɓɔɔ ri tusu zang vuu, ri a ka bii Yeesɔ nɛɛ Urushalima. Ri hɛ̃ɛ Yeesɔ tɔɔ,

Maraku 1:45

Yɔɔ ɓɔɔ vuu bii shaa kaɓa, daayi daa kɔ̀ɔrɔ̀ zang vuu ɓɔɔ Yeesɔ pàlɛ̀ wu ɓi doo nɛɛ mani. Ka ruu nɔngkɔ, Yeesɔ walɛ gbalang ɓɔɔ wu nwang bii ka dalɛ, wu daa gari ɓɔɔgn takpang. Nwalɛ kaa nɔng ɓɔɔ zang kagn kpang ɓɛɛ. Zang ti daa bii Yeesɔ ɓi doo nɛɛ mani, nɛɛ nɔng piti, piti.

Maraku 16:18

Naa ri yi sɔkɔ nɛɛ naa, kɔ ri ɓoo zɔ̃pɔ ɓɔɔ nyɔ zang katɔ, palɛ ri vuu ɓɔɔ kpang. Ri naa shing naa ɓarɛ ka bii zang ɓɔɔ vuu palɛ ri katɔ, bii zang kɔnang, wu ti yaa ri nɔng.”

Maraku 3:22

A zang ɓɔɔ ri tusu labeenang ɓɔɔ Musa beeyi, ɓɔɔ ri a nɛɛ Urushalima, ri kɔɔyi tɔɔ “Bahazabu kagn bii ɓiɓɛ. Nwangsɛ suru shi kpang ɓi nɛɛ naa ɓɔɔ kpanti suru shi kpang a wu ɓɛɛ.”

Maraku 5:30

Yeesɔ tantɛ zinang nɛɛ, naa zang masɛnang ɓɔɔ Laa a wu, masɛ zang ɓɔɔ tɔ. A raa jĩng hɛ̃ɛ zang ɓɔɔ ri dũng wu ɓɛɛ tɔɔ, “Ɓu wi, lee naa ka fɔ̃ɔrɔ mɛɛ wiya?”

Maraku 7:1

Zang Farisi nɛɛ zang ɓɔɔ ri tusu zang vuu, ri a nɛɛ Urushalima, ri naa kiiri Yeesɔ nyaa ka teteng.

Luka 15:2

A ɓɔɔ zang Farisi nɛɛ zang ɓɔɔ ri tusu zang labeenang Kpanti Laa, zi rɛɛ zang keɓe, ka bii Yeesɔ hn ɓɛɛ, ri gaa tɔɔsung yee gɔ̃ɔrɔnang ka naa ɓarɛ, ri kɔɔrɔ nɛɛ, “Yɔɔ keɓe ta zang ɓɔɔ ri palɛ vuu shi kpang ti shaa vuu nɛɛ ri.”

Luka 2:46

Ri kãa wu diki taati, a ri naa ĩi wu ka Gãa Laa. Nwang tɔ ka teteng zang Yahudi ɓɔɔ ri tusu zang vuu ɓɛɛ. Ɓaa shoo ka yee ɓɔɔ ri rangkɛ, wu ti hɛ̃ɛlɛ ri ruu.

Luka 5:21

A zang ɓɔɔ ri tusu zang vuu, nɛɛ zang Farisi ri gaa tɔɔsung ruu hɛ̃ɛlɛnang kaa naa ɓarɛ tɔɔ, “Yɔɔ kɔ rang yee shi kpang ka yuu Laa ɓee ɓu wiya? Ɓi Laa kɔ gbete yaa zang gbalang vuu shi kpang ɓɔɔ zang palɛ ɓɛɛ.”

Luka 5:30

Zang Farisi nɛɛ zang ɓɔɔ ri tusu zang vuu, ɓɔɔ ri doo zang Farisi kɔ, ri hɛ̃ɛlɛ zang ɓɔɔ ri mantɛ vuu ka bii Yeesɔ kana nɛɛ, “Ka ruu vi, nɔɔ shaa vuu shaanang nɔɔ ti ɓooro vuu nɛɛ zang saka tipi tanang nɛɛ zang ɓɔɔ ri dũng nyaa ɓɔɔ Laa dang ɓɛɛ kpang kɔ doori viya?”

Luka 6:19

Zang ɓɔɔ ri kpalɛ zɔɔ ɓɛɛ ri kasɛ nɛɛ ri lee Yeesɔ naa ka bii, ka ruu ɓɔɔ, naa zang masɛnang nwangkɛ nɛɛ bii ɓiɓɛ, masɛ zang ɓɛɛ.

Luka 7:30

A zang Farisi nɛɛ zang ɓɔɔ ri zi labeenang Laa dɔɔli, ri bɛ̃ɛ vuu ɓɔɔ Laa kasɛ nɛɛ ri palɛ ɓɛɛ tɔ nɛɛ Yɔhana wu pàlɛ̀ ri batizima kpang.

Luka 8:46

Yeesɔ ti kɔɔ tɔkn tɔɔ, “Zang ɓɔɔ lee m naa kagn bii, ka ruu ɓɔɔ, n zi naa zang masɛnang ɓɔɔ Laa a m nwang tɔ nɛɛ bii mɛɛ ɓɛɛ.”

Yɔhana 3:10

Yeesɔ kasɛ wu nyaa tɔɔ, “Ɓɔɔ mɔkɔ zang ɓɔɔ tusu zang Isirela vuu kɔ nwani, mɔɔ zi vuu keɓe doo kpang nɛɛ mani ya?

Yɔhana 3:21

Zang ɓɔɔ palɛ vuu ɓɔɔ niizang ɓɛɛ, á ɓi katɔ ka nɔng ɓɔɔ yakɛ katɔ ɓɛɛ, tɔ̀ɔ, zang zi kati nɛɛ vuu ɓɔɔ wu pálɛ̀, ɓi Laa yi wu naa kagn.

Zang Shonang Yeesɔ 19:11

Laa palɛ vuu ɓɔɔ zang zirɛ zang mã naa ka danggn dɔɔli, ɓɔɔ zang zi gngn kpang ɓɛɛ nɛɛ naa Bulu.

Zang Shonang Yeesɔ 4:30

Dĩi naa ɓaaɓɛ mɔɔ masɛ zang. Mɔɔ a ruu naa, rúu palɛ vuu ɓɔɔ zang zirɛ zang mã naa ka danggn, nɛɛ nung Yeesɔ, zang shonang ɓaaɓɛ ɓɔɔ shi kpang ɓi kagn bii ɓiɓɛ kpang ɓɛɛ.”

Zang Shonang Yeesɔ 5:34

A zang gbete ka teteng ɓarɛ, yɔɔ Farisi ɓɔɔ zang ɓaa wu nɛɛ Gamaliyel. Yɔɔ keɓe tusu zang nyaa dannang Laa, a zang ti á wu bannang dɔɔli. A shii paa ka teteng ɓarɛ, a kɔɔyi nɛɛ zang nwangsɛ rɛɛ zang shonang Yeesɔ ka biling ka gbongkarɛ.