Luka 5:1 - Nyaa Shɔɔ Ɓɔɔ Laa a Ɓɛɛ

¹ Diki ɓɔɔ kagn, Yeesɔ shii ka nyaa mii waapo Janesara, a zang ɓɔɔ ri kpalɛ zɔɔ ri màasɛ́ wu, ri kasɛ nɛɛ ri tãa yee Laa.

Luka 5:1 Σταυροειδείς Αναφορές

Matiyu 11:12

Zang yeti shi kpang gaa tɔɔsung Kpanti roonang Laa lasɛnang nɛɛ diki ɓɔɔ Yɔhana ɓɔɔ palɛ zang batizima rang yee Laa ɓɛɛ. Ri ti kãa gbalang ɓɔɔ ri ta ɓɛɛ doo kana kɔ sasak.

Matiyu 14:34

Ri ta mii tɔ, ri a ka tipi Janesara.

Maraku 3:9

Zang ɓɔɔ ri kpalɛ zɔɔ ka bii Yeesɔ ri shang dɔɔli, ka ruu nɔngkɔ, Yeesɔ kɔɔ zang ɓɔɔ ri mantɛ vuu ka bii ɓiɓɛ nɛɛ ri pàlɛ̀ wu tonsi katɔ pati, ka ruu ɓɔɔ zang nɛɛ màasɛ́ wu ɓɛɛ.

Maraku 4:1

Diki nɛɛ tɔɔ bee tɔkɔlɔng, Yeesɔ naa gaa tɔɔsung vuu tusunang kaa tɔkn, ka nyaa mii waapo Galili. Zang ɓɔɔ ri kpalɛ zɔɔ ka bii ɓiɓɛ ri dɔɔli, ka ruu nɔngkɔ, Yeesɔ vang tonsi daa nwang kagn yuu mii. Zang ɓɔɔ ri kpalɛ zɔɔ nandon ri ti shiiri ɓarɛ ka nyaa dang gãnggãng.

Maraku 5:24

A Yeesɔ daa ka nɛɛ wu ning. Zang dɔɔli ri dũuru wu kati. Ri ti kpalɛ wu bii kana.

Maraku 6:53

Ri ta mii tɔ, ri naa a ka tipi Janesara. A ri mã tonsi ɓarɛ ka nyaa gãnggãng ka nɔngkɔ.

Luka 12:1

Zang ri kpalɛ zɔɔ ɓarɛ tɔ labang gaagaa, nɔng doo naanang kagn kpang. Ri vãlɛ kaa yuu zɔɔ. A Yeesɔ gaa tɔɔsung yee rannang kaa nɛɛ zang ɓɔɔ ri mantɛ vuu ka bii ɓiɓɛ kɔ shɔɔnang tɔɔ, “Nɔɔ gãng jĩng ka yisi zang Farisi. Yisi ɓarɛ ɓi nwãarɛnang ɓɔɔ ri nwãarɛ zang nɛɛ vuu palɛnang ɓɛɛ.

Luka 5:2

A Yeesɔ raa jĩng zi tonsi ziti ɓɔ̀ɔ́ zang jaazĩi yinang ka nyaa mii waapo. Zang jaazĩi yinang kaɓa, ri nwang tɔ nɛɛ yeti tonsi, ri sɔɔ kaa jang jaazĩi ɓarɛ.

Luka 8:22

Diki ɓɔɔgn, Yeesɔ vang tonsi nɛɛ zang ɓɔɔ ri mantɛ vuu ka bii ɓiɓɛ, a kɔɔ ri tɔɔ, “Ruu ta nɔɔ rang ta, ruu daa nɔɔ nyaa rang ɓɔɔ dang.” A ri seepaa daanang kati.

Luka 8:23

Ri daa kana yeti tonsi, a hingro yi Yeesɔ kati. A jasung bang naa seepaa rannang ka yuu waapo. Mii a kana yeti tonsi, tonsi nɛɛ wu ɔ̃ɔ kaa tɔ,

Luka 8:33

A suru shi kpang kaɓa ri nwangkɛ nɛɛ bii yɔɔ, ri daa hãlɛ nyaa ka bii gãnya. A gãnya kɔ gaagaa ɓa, yuku ri sɔɔ gbalang nyaa rang ɓɔɔ hɛ̃ɛrɛ ɓɛɛ. Ri daa ɔ̃ɔrɔ ka yeti mii nandon, a ri vɔlɔ.

Luka 8:45

A Yeesɔ hɛ̃ɛyi tɔɔ, “Ɓu wi lee m naa ka bii wiya?” Ɓɔɔ zang piti ri laa nyaa tɔ, nɛɛ ri zi kpang, Bituru naa kɔɔ Yeesɔ kati tɔɔ “Dabang, mɔɔ hɛ̃ɛ nɔngkɔ, ka ruu viya? Mɔɔ zi kpang nɛɛ zang kɔ ri kiiri mɔɔ nyaa ka teteng rikɔ màasɛ́ mɔɔ kpang ya?”

Yɔhana 1:40

Ka teteng zang ɓɔɔ ri mantɛ vuu ka bii Yɔhana ɓɔɔ ri tãa vuu ɓɔɔ wu kɔɔyi, a ri dũng Yeesɔ kaɓa. Zang ɓaa ɓɔɔ gbete nɛɛ Anduru jaa naa Siman ɓɔɔ zang ɓaa wu nɛɛ Bituru ɓɛɛ.

Yɔhana 6:1

Diki naa bee tɔ tɔkɔlɔng, Yeesɔ ta waapo Galili, ɓɔɔ zang ti ɓaa dòo nɛɛ waapo Tiberiya kɔ ɓɛɛ, ka dang.

Yahudi 13:7

Danggn wu ning nɔɔ zang bang manɛ ɓɔɔ ri ràng nɔɔ yee Laa ɓɛɛ kpang. Nɔɔ pɛ̃́ɛrɛ́ vuu ɓɔɔ nwannang ɓarɛ nwàng ri ɓɛɛ, nɔɔ màsɛ̀ danggn shinnang ɓarɛ.