Luka 4:41 - Nyaa Shɔɔ Ɓɔɔ Laa a Ɓɛɛ

⁴¹ A suru shi kpang ti nwangkɛ kaa nɛɛ bii zang dɔɔli. Ri mɛɛrɛ nyaa kana nɛɛ, “Mɔkɔ Jaa Laa.” A mangkɛ ri, kasɛ nɛɛ ri rang yee ka yuu ɓiɓɛ kpang, ka ruu ɓɔɔ, ri zi tɔ nɛɛ wukɔ Kirisi ɓɛɛ.

Luka 4:41 Σταυροειδείς Αναφορές

Matiyu 26:63

Yeesɔ ti ãa nyaa ɓi kagn kpang. A Kpanti zang ɓɔɔ ri dɔɔ vuu kà Gãa Laa, kɔɔ wu tɔɔ, “N zɔ̃ɔrɔ mɔɔ katɔ nɛɛ Kpanti Laa ɓɔɔ ningkãari ɓɛɛ, kɔɔ ruu jong. Mɔkɔ Kirisi Jaa Kpanti Laa ɓɔɔ naa a ɓɛɛ ya?”

Matiyu 4:3

A Sheetang arɛ naa gãsɛ wu tɔɔ, “Mɔkɔ nɛɛ Jaa Kpanti Laa, risi tari keɓe ta, ri rì borodi.”

Matiyu 8:16

Ka diki kaɓa nɛɛ laarang, zang átɛ́ wu zang ɓɔɔ suru shi kpang ka bii ɓarɛ, a nwàngsɛ̀ ri suru shi kpang ɓarɛ kaa nɛɛ yee ɓɔɔ wu rang ɓɛɛ kɔ shɛ̃ɛning. A ti masɛ zang ɓɔɔ vuu palɛ ri katɔ nandon.

Matiyu 8:29

Ri sãa nyaa ka lapa nɛɛ, “Rúu ɓaaɓɛ hãa kagn nɛɛ rùu ya, Jaa Laa? Diki a gn kpang, mɔɔ arɛ, nɛɛ mɔɔ naa dang ruu jĩng kaa naa talang ya?”

Matiyu 8:4

A Yeesɔ kɔɔ wu tɔɔ, “Mɔ́ɔ daa kɔɔ zang ɓɔɔ kpang. Daayi, mɔ́ɔ daa tusu zang ɓɔɔ dɔ́ɔ vuu ka Gãa Laa, bii ɓaaɓɛ. Mɔɔ ti dɔ̀ɔ Kpanti Laa vuu ɓɔɔ Musa dang nyaa ɓɛɛ, tɔ̀ɔ, zang ri zi kagn, nɛɛ vuu bii ɓaaɓɛ waa nyaa tɔ.”

Maraku 1:25

A Yeesɔ mangkɛ suru shi kpang tɔɔ, “Voo nyaa ta! Nwáng ta mɔɔ yàa wu bii.”

Maraku 1:32

Nɛɛ laarang bɛ̀ɛ́ laa hãa nyaa tɔ dii, zang atɛ wu zang kɔnang nɛɛ zang ɓɔɔ suru shi kpang ka bii ɓarɛ ɓɛɛ kaa dɔɔli.

Maraku 1:34

A Yeesɔ masɛ zang ɓɔɔ vuu palɛ ri ka zɔ̃ng zɔ̃ng ɓɛɛ dɔɔli. A ti nwangsɛ suru shi kpang nɛɛ bii zang dɔɔli. Yàa suru shi kpang gbalang ɓɔɔ ri rang yee ɓɛɛ kpang, ka ruu ɓɔɔ, ri zi wu nung tɔ ɓɛɛ.

Maraku 3:11

Zang ɓɔɔ suru shi kpang kagn bii ɓarɛ nɛɛ zi Yeesɔ tɔ, ri ti tang nɛɛ gutu ka tĩng ɓiɓɛ, ri sãlɛ nyaa nɛɛ “Mɔkɔ Jaa Laa.”

Luka 4:39

A Yeesɔ daa ka bii Siman ɓeekpeng, a daa shii paa ka yuu ɓiɓɛ, a mangkɛ bii ɓɔɔ zaa wu kati, a bii yaa wu nɔng kati. A Siman ɓeekpeng seepaa kaa tantɛnang, kãa ri vuu shaanang.

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Yakubu 2:19

Nɔɔ shing danggn tɔ, nɛɛ Laa ɓi gbete kɔ nwani. Wukɔ tɔ̃ɔ, Suru shi kpang ri zi tɔ kɔ doori, bii káa ri vɔrɔ kagn.