Luka 4:34 - Nyaa Shɔɔ Ɓɔɔ Laa a Ɓɛɛ

³⁴ “Ayii. Yeesɔ yɔɔ Nazara, ruu, ɓaaɓɛ hãa kagn nɛɛ ruu ya? Mɔɔ arɛ nɛɛ mɔɔ naa nyɔkɔ ruu katɔ ya? N zi mɔɔ tɔɔ, mɔkɔ zang shonang Laa ɓɔɔ a nɛɛ bii Laa ɓɛɛ.”

Luka 4:34 Σταυροειδείς Αναφορές

Matiyu 8:29

Ri sãa nyaa ka lapa nɛɛ, “Rúu ɓaaɓɛ hãa kagn nɛɛ rùu ya, Jaa Laa? Diki a gn kpang, mɔɔ arɛ, nɛɛ mɔɔ naa dang ruu jĩng kaa naa talang ya?”

Maraku 1:24

“Mɔɔ kãa vi ka bii ɓuru viya? Yeesɔ yɔɔ Nazara? Mɔɔ arɛ nɛɛ mɔɔ naa nyɔkɔ ruu katɔ ya? N zi mɔɔ nung tɔ, mɔkɔ zang tɔ̃ɔ ɓɔɔ à nɛɛ bii Laa ɓɛɛ.”

Maraku 1:34

A Yeesɔ masɛ zang ɓɔɔ vuu palɛ ri ka zɔ̃ng zɔ̃ng ɓɛɛ dɔɔli. A ti nwangsɛ suru shi kpang nɛɛ bii zang dɔɔli. Yàa suru shi kpang gbalang ɓɔɔ ri rang yee ɓɛɛ kpang, ka ruu ɓɔɔ, ri zi wu nung tɔ ɓɛɛ.

Maraku 5:7

A mɛɛ nyaa ka lapa tɔɔ, “Mɔɔ kãa vi ka bii mɛɛ viya? Yeesɔ Jaa Kpanti Laa? N zɔɔrɔ mɔɔ katɔ nɛɛ nung Laa, mɔɔ dang m jĩng kpang.”

Luka 1:35

A zang nyaa shonang Laa kɔɔ wu tɔɔ, “Suru Laa naa a ditɔ ka bii ɓaaɓɛ. Náa bannang Laa naa zuu mɔɔ ditɔ. Ka ruu nɔngkɔ, jaa ɓɔɔ vuu shi kpang ɓi ka yeti ɓiɓɛ kpang kɔ mɔɔ naa yi ɓee, zang naa ɓaa wu nɛɛ Jaa Laa.

Luka 4:33

Ka gãa zɔɔ kpalɛnang zang Yahudi kaɓa, zang ɓɔɔ suru shi kpang ka bii ɓiɓɛ kagn. A mɛɛ nyaa nabm ka lapa tɔɔ,

Luka 4:41

A suru shi kpang ti nwangkɛ kaa nɛɛ bii zang dɔɔli. Ri mɛɛrɛ nyaa kana nɛɛ, “Mɔkɔ Jaa Laa.” A mangkɛ ri, kasɛ nɛɛ ri rang yee ka yuu ɓiɓɛ kpang, ka ruu ɓɔɔ, ri zi tɔ nɛɛ wukɔ Kirisi ɓɛɛ.

Luka 8:28

Ɓɔɔ wu zi Yeesɔ hn, mɛɛ nyaa ka lapa, a tang ka tĩng ɓiɓɛ. Mɛɛrɛ nyaa kana nabm, nɛɛ “Mɔɔ kãa vi ka bìí mɛɛ viya? Yeesɔ Jaa Kpanti Laa. N zɔ̃ɔrɔ mɔɔ katɔ, mɔɔ dang m jĩng kpang.”

Luka 8:37

A zang tipi Ganasara nandon ri bakɛ Yeesɔ nɛɛ wu dita, ka ruu ɓɔɔ ri kaa vɔrɔ dɔɔli ɓɛɛ. A Yeesɔ vang tonsi gbãayu kati.

Zang Shonang Yeesɔ 16:39

Ri daayi ri daa gaa Bulu nɛɛ Siila nɛɛ ri yàa ri gbalang vuu shi kpang ɓɔɔ ri palɛ ri ɓɛɛ ta. A ri nwangsɛ ri nɛɛ yeti sãa. Ri kɔɔ ri nɛɛ ri dita ri yaa gari.

Zang Shonang Yeesɔ 2:27

Ka ruu ɓɔɔ, mɔɔ yaa m ka nɔng vɔrɔ kpang ɓɛɛ, mɔɔ ti yaa vɔrɔ zang tɔ̃ɔ ɓaaɓɛ wu pũng ka sàa kpang.

Zang Shonang Yeesɔ 3:14

“Pálɛ́ vuu shi kpang ɓi kpang, ɓi ti zang tɔ̃ɔ, nɔɔ bɛ̃ɛ wu doo nɛɛ mani. Nɔɔ gàa Bilatu nɛɛ wu pàlɛ̀ nɔɔ tɔ̃ɔ, wu yàa nɔɔ zang ɓɔɔ nyɔkɔ zang vɔrɔ kɔ naa jong.

Zang Shonang Yeesɔ 4:27

Kpanti Hiridu nɛɛ kpanti Pontu Bilatu, ri kpalɛ yuu niizang ka gari keɓe nɛɛ zang ɓɔɔ ri zang Yahudi kpang, nɛɛ rɛɛ zang Isirela ka yuu Yeesɔ, zang shonang ɓaaɓɛ ɓɔɔ shi kpang kagn bii ɓiɓɛ kpang ɓɛɛ. Wukɔ Kirisi, zang ɓɔɔ mɔɔ zɔ̃ng ɓɛɛ.

Yahudi 2:14

Wee wujɛ bìí ri ta bii shɔnzang ɓee, a tuu bii jong nɔngkɔ, tɔ̀ɔ, wu vɔrɛ, wu ningsi sheetang kati. Zang ɓɔɔ zang a wukɔ naa vɔrɔ ɓɛɛ.

Yakubu 2:19

Nɔɔ shing danggn tɔ, nɛɛ Laa ɓi gbete kɔ nwani. Wukɔ tɔ̃ɔ, Suru shi kpang ri zi tɔ kɔ doori, bii káa ri vɔrɔ kagn.

1 Yɔhana 3:8

Zang ɓɔɔ palɛ vuu shi kpang sasak, ɓi jaa Sheetang, ka ruu ɓɔɔ, Sheetang pálɛ́ vuu shi kpang ɓi doo ka tĩng ɓɛɛ. Jaa Laa arɛ nɛɛ wu naa jili vuu ɓɔɔ Sheetang pálɛ́ kɔ.

Vuu ɓɔɔ zang nwangsɛ Yɔhana 20:2

Yi sɔkɔ bang kaɓa, ɓɔɔ nwang doo ka tĩng tɛ̃ɛ tɛ̃ɛ ɓɛɛ, ɓɔɔ zang ɓaa wu nɛɛ Sheetang, kpanti suru shi kpang ɓɛɛ. A mã wu nɛɛ sáa yɔ̀ng bang nɛɛ wu nwang ka nɔngkɔ saa labang gbete.

Vuu ɓɔɔ zang nwangsɛ Yɔhana 3:7

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Filadifiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ shi kpang ɓi ka bii ɓiɓɛ kpang, zang ɓɔɔ wu ɓi niizang ɓɛɛ. Wukɔ yiti shɔng saka nyaa gãa ɓɔɔ bɛ̀ɛ́ Dawuda yiti ɓɛɛ. Nɛɛ puu nyaa gãa tɔ, zang ɓɔɔ zunung kunang kagn kpang, nɛɛ ti ku tɔ, zang ɓɔɔ zunung puunang kagn kpang.