Luka 4:20 - Nyaa Shɔɔ Ɓɔɔ Laa a Ɓɛɛ

²⁰ A leng labeenang bìí kati a sɔ̀ɔrɔ̀ zang ɓɔɔ palɛ shonang ka gãa kaɓa, a raa tɔɔsung nwang ka tipi. Zang ɓɔɔ ri kpalɛ zɔɔ ka gãa zɔɔ kpalɛnang kaɓa, ri tɛ̃ɛ wu jĩng ka bii nandon.

Luka 4:20 Σταυροειδείς Αναφορές

Matiyu 26:55

A Yeesɔ raa jĩng, hɛ̃ɛ zang ɓɔɔ ri a wu yinang tɔɔ, “Nɔɔ see yere bang nɛɛ labasaa ka naa gaagaa, nɛɛ nɔɔ naa yi ɓu nkɔ naa zang shɔngɓɔ ya? N nwalɛ ka yeti Gãa Laa kɔ diki diki, n tusu zang vuu, nɔɔ yi m kpang.

Matiyu 27:60

A daa wɔɔ ka yeti sàa shɔɔ ɓiɓɛ, ɓɔɔ wu shu ka tari bang ɓɔɔ naa yeng puru ɓɛɛ. A jĩiri tari bang, ku nyaa sàa ka nɛɛ mani, a daa kati.

Luka 19:48

A ri walɛ gbalang kaa takpang, ka ruu ɓɔɔ, zang piti ri ɓaa shoo, ri tãa yee ɓɔɔ wu rang ɓɛɛ, ri kasɛ nɛɛ yee gbete wu ɓa ri kpang.

Luka 4:17

A zang a wu labeenang Laa ɓɔɔ Ishaya zang nyaa shonang Laa bee ɓɛɛ, a kãlɛ, puuyi, a ka nɔng ɓɔɔ zang beeyi nɛɛ,

Luka 4:21

A kɔɔ ri kati tɔɔ, “Ruu Laa kɔ nɔɔ tãayi, n gã lɛɛkɔ ɓee, nwáng tɔ niizang.”

Luka 5:3

A Yeesɔ shɛ̃ɛ ka yeti tonsi ɓɔɔ gbete. Tonsi ɓɔɔ wu shɛ̃ɛ ka yeti ɓiɓɛ kaɓa, ɓi ɓɔɔ Siman. A Yeesɔ kɔɔ Siman tɔɔ, wu dɔ̃ tonsi nɛɛ nyaa rang, wu daa nɛɛ mani ka yeti mii tɔkɔlɔng. A Yeesɔ nwang ka yeti tonsi, tusu zang ɓɔɔ ri kpalɛ zɔɔ vuu kana nɛɛ nɔngkɔ.

Yɔhana 8:2

Nɛɛ gãndi zãngzãng, gbãayu tɔkn ka Gãa Laa, a zang dɔɔli ri kpálɛ̀ zɔɔ ka bii ɓiɓɛ. Nwang ka tipi a gaa ri yuu vuu tusunang kati.

Zang Shonang Yeesɔ 16:13

Ka Diki Ɔ̃sɔnang ruu nwang ka nyaa gari biling, ruu daa ka nyaa rang. Ruu tɔɔ naa ruu wàlɛ́ nɔng Laa gaanang katɔ ka nɔng. Ruu nwang ka nɔngkɔ, ruu ràng rɛɛ zang soro ɓɔɔ ri kpálɛ́, yee Laa.

Zang Shonang Yeesɔ 3:12

Ɓɔɔ Bituru zi zang, kɔɔ ri tɔɔ, “Rɛɛ manzung, zang Isirela nɔɔ mã naa ka danggn ka ruu vuu keɓe ka ruu viya, a nɔɔ tɛ̃ɛ rùu jĩ́ng ka bii nɔngkɔ viya? Nɔɔ kɔɔ nɛɛ ruu masɛ yɔɔ keɓe nɛɛ naa vuu palɛnang yuu ɓuru, kɔ́ ka ruu vuu tɔ̃ɔ ɓɔɔ ruu pálɛ̀ Laa ɓɛɛ ya?