Luka 3:22 - Nyaa Shɔɔ Ɓɔɔ Laa a Ɓɛɛ

²² a Suru Laa shooro kaa naa koro ka yuu ɓiɓɛ. A ri tãa yee nɛɛ lapa nɛɛ, “Mɔkɔ Jaa mɛɛ ɓɔɔ yeti mɛɛ kasɛ gbãng gbãng ɓɛɛ.”

Luka 3:22 Σταυροειδείς Αναφορές

Matiyu 12:18

“Wee zang shonang mɛɛ ɓɔɔ n zɔ̃ngnɛ, n ti kasɛ ruu ɓiɓɛ gbãng gbãng kɔ. N a wu suru mɛɛ ditɔ, wu tusu zang doo laa ɓɔɔ ka koo keɓe piti, ruu ɓɔɔ niizang kati.

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Matiyu 27:43

Shing danggn ka bii Laa, Laa nɛɛ kasɛ ruu ɓiɓɛ katɔ, wu ta wu ta. Ka ruu ɓɔɔ, kɔɔyi tɔɔ, wukɔ Jaa Laa ɓɛɛ.”

Matiyu 3:13

Ka diki kaɓa, Yeesɔ seepaa nɛɛ Galili, a ka rang Urudung, nɛɛ Yɔhana wu naa palɛ wu batizima.

Matiyu 3:16

Ɓɔɔ Yɔhana pàlɛ̀ wu batizima hn, Yeesɔ nwang kaa nɛɛ mii, a lapa tantɛ kaa puunang, a zi Suru Laa shooro kaa naa koro, naa nwáng ka yuu ɓiɓɛ.

Matiyu 3:17

Ri ti tãa yee nɛɛ lapa tɔɔ, “Wee jaa mɛɛ ɓɔɔ yeti mɛɛ kasɛ wu gbãng gbãng ɓɛɛ kɔ.”

Maraku 1:11

A ri ti tãa yee nɛɛ lapa tɔɔ, “Mɔkɔ jaa mɛɛ ɓɔɔ n kasɛ gbãng gbãng kɔ.”

Maraku 1:9

Diki nɛɛ tɔɔ wu bee tɔkɔlɔng, Yeesɔ a kaa nɛɛ Nazara ɓɔɔ ka tipi Galili, a Yɔhana palɛ wu batizima ka mii rang Urudung.

Maraku 9:7

A sãmbong arɛ naa zuu ri kati. Ri ti tãa yee nɛɛ yeti sãmbong tɔɔ, “Wee jaa mɛɛ ɓɔɔ yeti mɛɛ kasɛ gbãng gbãng kɔ, nɔɔ ɓaa shoo ka nyaa ɓiɓɛ ning.”

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Luka 4:21

A kɔɔ ri kati tɔɔ, “Ruu Laa kɔ nɔɔ tãayi, n gã lɛɛkɔ ɓee, nwáng tɔ niizang.”

Yɔhana 1:32

Yɔhana kɔɔ ruu keɓe tɔɔ, “N zi Suru Laa a nɛɛ lapa naa koro, a naa nwàng ka yuu ɓiɓɛ.

Yɔhana 12:28

Daa mɛɛ palɛ vuu ɓɔɔ zang a mɔɔ bannang ɓɛɛ ta.” A zang tãa yee kaa nɛɛ lapa kɔɔyi nɛɛ, “N tusu zang bannang mɛɛ tɔ, n ti paasɛ ditɔ tɔkn.”

Yɔhana 5:37

A Daa ɓɔɔ shong m ti kɔɔ ruu jong ka yuu mɛɛ. Nɔɔ tãa yee Daa gngn kpang, nɔɔ ti zi waa nyaating ɓiɓɛ gngn kpang.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Kolosi 1:13

Tà yuu ɓuru nɛɛ nɔng ɓɔɔ tɔ̀ɔ katɔ ɓɛɛ, atɛ ruu ka nɔng ɓɔɔ Jaa ɓiɓɛ ɓɔɔ wu kasɛ dɔɔli, roo kpanti ɓɛɛ.

1 Bituru 2:4

Ka ruu nɔngkɔ, nɔɔ a naabm ka bii ɓiɓɛ. Wukɔ tari ɓɔɔ nwang ɓi dòndòng kaɓa, ɓɔɔ a zang suru bii, ɓɔɔ shɔnzang ri bɛ̃ɛyi naa vuu ɓɔɔ shi kpang ɓɛɛ. Ka jĩng Laa ɓɔɔ zɔ̃ng wu, wu ɓi zang ɓɔɔ daa naa ɓɔɔ zang a wu bannang ɓa zang piti katɔ ɓɛɛ.