Luka 3:11 - Nyaa Shɔɔ Ɓɔɔ Laa a Ɓɛɛ

¹¹ A kasɛ ri nyaa tɔɔ, “Zang ɓɔɔ fɔ̃ɔrɔ ɓiɓɛ ziti, wu a zang ɓɔɔ fɔ̃ɔrɔ ɓiɓɛ kagn kpang, gbete. Zang ɓɔɔ vuu shaanang ɓiɓɛ kagn wu basɛ doo nɔngkɔ nɛɛ zang ɓɔɔ vuu shaanang ɓiɓɛ kagn kpang ɓɛɛ.”

Luka 3:11 Σταυροειδείς Αναφορές

Matiyu 25:40

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang gbete ɓɔɔ wukɔ tɔkɔlɔng ka teteng rɛɛ manzung keɓe, nɔɔ pàlɛ̀ nkɔ.’

Luka 11:41

Nɔɔ a zang ɓɔɔ vuu ka naa ɓarɛ kpang ɓɛɛ, vuu ɓɔɔ ka yeti waka manɛ ɓɛɛ. Vuu manɛ piti nwang ditɔ tɔ̃ɔ tɔ̃ɔ.

Luka 18:22

Ɓɔɔ Yeesɔ tãa naa weɓe, a kɔɔ wu tɔɔ, “Yàa mɔɔ kaa vuu gbete. Mãlɛ́ vuu ɓaaɓɛ nandon, mɔɔ basɛ zang ɓɔɔ vuu ka naa kpang ɓɛɛ saka. Tɔ̀ɔ, mɔɔ arɛ mɔɔ dũng knti mɛɛ. Mɔɔ naa walɛ vuu naa ditɔ ka lapa.”

Luka 19:8

A Zaka shii paa, kɔɔ Yeesɔ tɔɔ, “Dabang, n basɛ vuu naa mɛɛ nɔng ziti, n tuu nɔng gbete n basɛ zang ɓɔɔ vuu ka naa ɓarɛ kpang ɓɛɛ, zang ɓɔɔ n nɛɛ shaa wu vuu kagn, n sɔɔrɔ wu vuu ɓɔɔ n shaa ɓɛɛ tìng dɛ̃ɛti.”

Yɔhana 13:29

Zang ɓɔɔ ri kɔɔ ɓarɛ nɛɛ naa ɓɔɔ duku saka ɓarɛ ka naa Yahuda kɔ, Yeesɔ kɔɔ wu nɛɛ wu hoo vuu ɓɔɔ ri shaa ɓɛɛ. Zang ɓɔɔ ri kɔɔ ɓarɛ nɛɛ Yeesɔ shong wu nɛɛ wu daa a zang ɓɔɔ vuu ka naa kpang saka.

Zang Shonang Yeesɔ 10:2

Koneliyu ɓi zang ɓɔɔ dũng Laa ɓɛɛ. Bang Laa nɛɛ zang gãa ɓiɓɛ piti. Yi rɛɛ zang Yahudi ɓɔɔ vuu ka naa ɓarɛ kpang naa ka bii, ti gaa Laa diki diki.

Zang Shonang Yeesɔ 10:31

a kɔɔyi tɔɔ, ‘Koneliyu, Laa tãa gaanang ɓɔɔ mɔɔ gaa wu tɔ, danggn vuu tɔ̃ɔ ɓɔɔ mɔɔ pàlɛ́ zang ti ning wu kpang.

Zang Shonang Yeesɔ 10:4

Koneliyu ã̀tɛ zang nyaa shonang Laa ɓɔɔ ka lapa ɓɛɛ jĩng ka bii. Bii kaa wu vɔrɔ, a kasɛ nyaa tɔɔ, “Ɓu viya Kpanti.” Zang nyaa shonang Laa ɓɔɔ ka lapa, kasɛ wu nyaa tɔɔ, “Laa tãa gaanang ɓɔɔ mɔɔ gaa wu tɔ. Ti zi tɔ̃ɔ ɓɔɔ mɔɔ pàlɛ́ zang tɔ, ka ruu nɔngkɔ, danggn ɓaaɓɛ ning Laa kpang.

Afisa 4:28

Zang ɓɔɔ bɛ̀ɛ́ shɔngɓɔ wu yaa vuu ɓɔɔnang ta, wu gaayu shonang ɓɔɔ tɔ̃ɔ palɛnang ta nɛɛ naa ɓiɓɛ. Tɔ̀ɔ, wu walɛ vuu ɓɔɔ wu yi zang ɓɔɔ vuu ka naa ɓarɛ kpang naa ka bii.

1 Timoti 6:17

Kɔɔ zang ɓɔɔ ri zang ying ka koo keɓe ri tuu yuu ɓarɛ kpang. Ri shing gn ka vuu naa ɓɔɔ nwang dòndòng kpang, ɓɔɔ naa weɓe kpang. Ri shing gn ka bii Laa ɓɔɔ a ruu vuu piti, ka diki kpang, nɛɛ tɔ̀ɔ, ruu tãa tĩnang nɛɛ mani ɓɛɛ.

1 Timoti 6:18

Kɔɔ ri nɛɛ ri palɛ vuu ɓɔɔ tɔ̃ɔ ɓɛɛ. Ri nwang zang ying nɛɛ vuu tɔ̃ɔ ɓɔɔ ri palɛ ɓɛɛ. Ri mung naa kpang, ri a zang vuu, ri basɛ vuu ɓarɛ katɔ nɛɛ zang ɓɔɔ ɓɔ̀ɔ́ ɓarɛ kagn kpang.

Yahudi 6:10

Ka ruu ɓɔɔ, Laa ɓi zang ɓɔɔ palɛ vuu gn dang gbete kpang, danggn ning wu shonang manɛ kpang. Nɛɛ naa ɓɔɔ nɔɔ tusu nɛɛ nɔɔ kasɛ wu katɔ, ka ɓɔɔ nɔɔ yí zang ɓiɓɛ naa ka bii, a nɔɔ ti yi ri doo naa ɓɛɛ.

Yakubu 1:27

Laa dũnnang ɓɔɔ Daa ɓuru Laa zirɛ nɛɛ wukɔ kalang kalang, a ti tɔ̃ɔ ka jĩng ɓiɓɛ keɓe, nɛɛ zang lengke jĩng ka rɛɛ javɔ, nɛɛ rɛɛ suvɔ ɓɔɔ ri dang jĩng ɓɛɛ. Zang wu lee naa ka vuu shi kpang ɓɔɔ ka koo keɓe kpang.

Yakubu 2:14

Manzung, zang ɓɔɔ nɛɛ kɔɔyi nɛɛ wu shing danggn tɔ ka bii Laa, a pálɛ̀ shonang ɓɔɔ Laa kasɛ ɓɛɛ kpang, danggn shinnang keɓe nwǎng wu viya? Ta yuu ɓiɓɛ katɔ ya?

1 Yɔhana 3:17

Naa zang ɓɔɔ vuu naa ɓiɓɛ dɔɔli, zi ɓeezung ɓɔɔ dang jĩng, a raa wu yuu knti, ruu zang kasɛnang ɓɔɔ Laa a shɔnzang, kagn yeti ɓiɓɛ ya?

1 Yɔhana 4:20

Naa zang ɓɔɔ kɔɔyi tɔɔ, wu kasɛ Ruu Laa katɔ, a kasɛ ruu ɓeezung kpang, ɓi zang sèé. Ka ruu ɓɔɔ, zang ɓɔɔ kasɛ ruu ɓeezung ɓɔɔ wu zi katɔ kpang, kàsɛ́ Laa ɓɔɔ wu zi nɛɛ jĩng kpang, ɓi kaa biya?