Luka 24:6 - Nyaa Shɔɔ Ɓɔɔ Laa a Ɓɛɛ

⁶ Tɔ̀ɔ́ nɔng kpang, yupaa tɔ. Nɔɔ kpaa danggn vuu ɓɔɔ wu kɔɔ nɔɔ bɛ̀ɛ́ doo ka tipi Galili ɓɛɛ.

Luka 24:6 Σταυροειδείς Αναφορές

Matiyu 12:40

Naa ɓɔɔ Yunana nwang ka yeti jaazĩi nɛɛ laagɛ̃ nɛɛ zĩi diki taati ɓɛɛ. Jaa Shɔnzang naa nwáng doo nɔngkɔ ka tipi dii, nɛɛ laagɛ̃, nɛɛ zĩi diki taati.

Matiyu 16:21

Yeesɔ gàa zang ɓɔɔ ri mantɛ vuu ka bii ɓiɓɛ tɔɔsung yee rannang ka diki kaɓa, nɛɛ wu daa Urushalima ditɔ. Wu daa dang jĩng ditɔ gbãng gbãng, ka naa zang bang gãa Laa, nɛɛ rɛɛ Kpanti zang ɓɔɔ ri dɔɔ Laa vuu, nɛɛ zang ɓɔɔ ri tusu zang vuu ɓɛɛ. Ri naa nyɔ wu vɔrɔ kati. A Laa naa wisi wu paa ka lee ɓɔɔ diki daa taati ɓɛɛ.

Matiyu 27:63

Ri kɔɔ wu tɔɔ, “Kpanti, ruu kpaa danggn ruu ɓɔɔ yɔɔ sèé kaɓa kɔɔ ka diki ɓɔɔ wu doo ningkãari tɔ. Kɔɔyi tɔɔ, wu naa seepaa ditɔ nɛɛ saa, ka lee ɓɔɔ diki naa daa taati ɓɛɛ.

Matiyu 28:6

Tɔ̀ɔ́ nɔng kpang, seepaa tɔ naa ɓɔɔ wu kɔɔ ɓɛɛ. Nɔɔ a ta, nɔɔ zi nɔng ɓɔɔ bɛ̀ɛ́ roo kagn ɓɛɛ.

Maraku 16:6

A yɔɔ jasang kaɓa kɔɔ ri tɔɔ, “Nɔ́ɔ mã naa ka danggn kpang.” Nɔɔ kãa Yeesɔ yɔɔ Nazara ɓɔɔ zang ɓaa wu naa ka laa ɓɛɛ. Tɔ̀ɔ́ nɔng kpang, zang wisi wu paa tɔ. Nɔɔ pɛ̃ɛrɛ nɔng ɓɔɔ zang wɔɔ wu kagn ɓɛɛ.

Maraku 8:31

Yeesɔ gaa ri tɔɔsung vuu tusunang tɔɔ, “Ɓɔɔ n Jaa shɔnzang n naa dang jĩng ditɔ dɔɔli. Zang bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri naa bɛ̃ɛ m ditɔ. Zang naa nyɔ m vɔrɔ, Laa naa wisi m paa ka lee ɓɔɔ diki daa taati ɓɛɛ.”

Luka 24:34

Ri kɔɔrɔ nɛɛ, “Kpanti Yeesɔ yupaa tɔ nɛɛ sàa niizang, nwang nyaa tɔ ka bii Siman.”

Luka 24:5

Zang soro keɓe ri kaa vɔrɔ dɔɔli, a ri ɓaa yuu ka dii. A zang varɛ bìí ri hɛ̃ɛ ri nɛɛ, “Ka ruu vi nɔɔ kãa zang ɓɔɔ Suru kagn bii ɓiɓɛ ka nɔng ɓɔɔ zang gbãa vɔrɔ viya?

Luka 9:22

A ti kɔɔ ri tɔɔ, “Jaa shɔnzang naa dang jĩng ditɔ dɔɔli. Zang bang, bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri ti bɛ̃ɛ wu, ri nyɔ wu vɔrɔ. Laa naa wisi wu paa ka lee ɓɔɔ diki daa taati ɓɛɛ.”

Luka 9:44

“Nɔɔ ɓaa shoo ta nɔɔ tãa vuu ɓɔɔ n kɔɔ nɔɔ ɓɛɛ, tɔɔ danggn wu ning nɔɔ kaa takpang. Ka ruu ɓɔɔ zang ɓɔɔ naa tuu Jaa Shɔnzang ditɔ, a zang ɓɔɔgn ri nyɔ wu vɔrɔ ɓɛɛ.”

Zang Shonang Yeesɔ 2:24

Laa ta wu nɛɛ naa vɔrɔ, a wisi wu paa nɛɛ saa ka ruu ɓɔɔ, daa naa ɓɔɔ vɔrɔ yiti wu kpang ɓɛɛ.

2 Tesalonika 2:5

Danggn ning nɔɔ katɔ ya? Ɓɔɔ n doo nɛɛ nɔɔ, n kɔɔ nɔɔ vuu keɓe tɔ nandon.