Luka 23:2 - Nyaa Shɔɔ Ɓɔɔ Laa a Ɓɛɛ

² Ri kãa gbalang ɓɔɔ ri kɔɔrɔ wu ruu ka yuu ɓiɓɛ nɛɛ, “Ruu ĩi zang keɓe nwãarɛ zang ɓuru, nɛɛ zang wu shù Kayisa kpanti tipi Rooma saka tipi kpang. Nɛɛ wukɔ ti Kirisi, nɛɛ wu doo kpanti kɔ.”

Luka 23:2 Σταυροειδείς Αναφορές

Matiyu 17:27

A ka ruu ɓɔɔ rùu nɛ̀ɛ́ lasɛ ri yeti ɓɛɛ, dita ka mii waapo, mɔɔ daa loo galong. Tuu jaazĩi ɓɔɔ mɔɔ gaayu yinang mɔɔ puu nyaa ɓiɓɛ. Mɔɔ wàlɛ́ saka ɓɔɔ daa ɓɔ̀ɔ́ gãa Laa shunang ɓaaɓɛ nɛɛ ɓɔɔ mɛɛ piti ditɔ ka nyaa ɓiɓɛ. Tuu saka kaɓa, mɔɔ a ri, ka ruu ɓaaɓɛ nɛɛ ɓɔɔ mɛɛ.”

Matiyu 22:21

Ri kasɛ wu nyaa tɔɔ, “Ɓɔɔ Kayisa.” A Yeesɔ kɔɔ ri tɔɔ, “Nɔɔ a Kayisa vuu ɓiɓɛ ta, nɔɔ ti a Kpanti Laa ɓɔɔ ɓiɓɛ.”

Matiyu 27:11

Zang a tɔ nɛɛ Yeesɔ ka tĩng gɔmna, a gɔmna hɛ̃ɛ wu tɔɔ, “Mɔkɔ kpanti zang Yahudi ya?” Yeesɔ kasɛ wu nyaa tɔɔ, “Nn, nkɔ.”

Maraku 12:17

A Yeesɔ kɔɔ ri tɔɔ, “Vuu ɓɔɔ nɛɛ ɓɔɔ Kayisa, nɔɔ a wu, nɔɔ ti a Kpanti Laa vuu ɓiɓɛ.” Ɓɔɔ ri tãa naa weɓe, ri mã naa ka danggn, ka ruu nyaa ɓɔɔ wu kasɛ ɓɛɛ.

Maraku 15:2

Bilatu hɛ̃ɛ Yeesɔ tɔɔ, “Mɔkɔ kpanti zang Yahudi ya?” A Yeesɔ kasɛ wu nyaa tɔɔ, “Nn, nkɔ.”

Luka 23:14

A kɔɔ ri nɛɛ, “Nɔɔ atɛ m yɔɔ keɓe, nɔɔ tɔɔ palɛ zang, nɛɛ zang haa nyaa. Ɓɔɔ n hɛ̃ɛlɛ wu ka tĩng manɛ, n ĩi wu nɛɛ vuu shi kpang ɓɔɔ nɔɔ kɔɔrɔ ka yuu ɓiɓɛ gbete kpang.

Luka 23:5

A ri yì wu tĩng ka bii nɛɛ, “Yɔɔ keɓe palɛ zang nɛɛ zang ri haa nyaa nɛɛ vuu ɓɔɔ wu tusu zang ɓɛɛ ka tipi Yahudi. Gaayu ka tipi Galili sasak, a nɔng ka nihn.”

Yɔhana 18:29

Ka ruu nɔngkɔ, Bilatu nwang kaa biling, daa ĩi ri, a hɛ̃ɛyi tɔɔ, “Nɔɔ nɛɛ, vuu shi kpang ɓɔɔ yɔɔ keɓe palɛ ɓu viya?”

Yɔhana 18:30

Ri kasɛ wu nyaa tɔɔ, “Naa nɛɛ palɛ vuu shi kpang ɓɔɔ kagn kpang, ruu nɛɛ atɛ wu ka bii ɓaaɓɛ kpang.”

Yɔhana 19:12

Ɓɔɔ Bilatu tãa naa weɓe, kãa gbalang nɛɛ wu yaa Yeesɔ naa. Zang Yahudi ri gòo nyaa, ri kɔɔ Bilatu tɔɔ, “Mɔɔ nɛɛ yaa wu naa tɔ, mɔɔ ɓáa Kayisa ɓeesang kpang. Zang ɓɔɔ ɓaa yuu ɓiɓɛ nɛɛ wu kpanti, ɓi zang ɓɔɔ shing jĩng nɛɛ Kayisa kpang ɓɛɛ.”

Zang Shonang Yeesɔ 24:13

Naa mɔɔ ti hɛ̃ɛ ri nɛɛ ri tusu mɔɔ vuu gbete ɓɔɔ tusu nɛɛ vuu kɔ ri ɓàá m nyaavaa ka yuu ɓiɓɛ ɓee niizang kɔ nwani, ri tusu mɔɔ kpang.

Zang Shonang Yeesɔ 24:5

Ruu zirɛ yɔɔ keɓe, kpãa zang dɔɔli, shing zang Yahudi ɓɔɔ ri ka koo piti nɛɛ ri haa nyaa. Wukɔ ti zang bang rɛɛ vàá zang ɓɔɔ zang ɓaa ri nɛɛ zang Nazara ɓɛɛ.

Rooma 13:7

Vuu ɓɔɔ ri nɛɛ dṹng nɔɔ, nɔɔ shu ri ta. Nɔɔ shù zang ɓɔɔ ta saka tipi, saka tipi. Nɔɔ a zang ɓɔɔ ri ta saka ka yuu vuu ɓɔɔ nɔɔ mãlɛ́ ɓɛɛ, saka ɓiɓɛ. Zang ɓɔɔ nɛɛ daa naa sennang katɔ, nɔɔ seng wu. Nɔɔ a zang ɓɔɔ daa naa bannang katɔ, bannang.