Luka 22:53 - Nyaa Shɔɔ Ɓɔɔ Laa a Ɓɛɛ

⁵³ N nwáng nɛɛ nɔɔ diki diki ka yeti Gãa Laa, nɔɔ tɔɔ kpang nɛɛ nɔɔ yi m kpang. Lɛɛkɔ làá manɛ kɔ arɛ, nɛɛ làá zang ɓɔɔ ri nwang ka nɔng tĩiri ɓɛɛ.

Luka 22:53 Σταυροειδείς Αναφορές

Matiyu 21:23

A Yeesɔ naa daa tɔkn yeti Gãa Laa. Tusu zang vuu kana, a zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi, ri a ka bii ɓiɓɛ. Ri hɛ̃ɛ wu tɔɔ, “Mɔɔ walɛ naa vuu palɛnang keɓe ka niya? Ɓu wi, a mɔɔ naa vuu keɓe palɛnang wiya?”

Luka 22:52

A Yeesɔ hɛ̃ɛ rɛɛ zang bang bang zang ɓɔɔ ri dɔɔ vuu ka Gãa Laa ɓɛɛ, nɛɛ rɛɛ zang bang zang ɓɔɔ ri gã Gãa Laa ɓɛɛ, a ɓɔɔ rɛɛ zang bang zang Yahudi nɛɛ, “Nɔɔ a ka bii mɛɛ kɔ nɔngkɔ nɛɛ yere bang, a ɓɔɔ labasaa mɔɔ kɔɔ nɛɛ n zang ɓɔɔ shing zang nɛɛ ri haa nyaa ya?”

Luka 22:54

Zang yi wu, zang daa nɛɛ wu, zang atɛ wu ka gãa kpanti rɛɛ zang ɓɔɔ dɔɔ vuu ka Gãa Laa ɓɛɛ. Bituru dũng ri ka knti katara.

Yɔhana 12:27

A Yeesɔ kɔɔyi tɔɔ, “Jĩng dannang keɓe kpãa m tɔ yeti dɔɔli. N kɔɔ ɓu kaa nɛɛ viya? N kɔ̀ɔ nɛɛ, ‘Daa mɛɛ mɔ́ɔ yaa diki keɓe wu a ka yuu mɛɛ kpang ya?’ Kpang, n a ka ruu jĩng dannang ɓɔɔ diki keɓe kɔ.

Yɔhana 13:30

Yahuda ta borodi, a tantɛ nwannang daa biling. Bɛɛ kaa nɔng zĩi.

Yɔhana 14:30

N rang yee tɔ̀ɔ́ nɛɛ nɔɔ, làa bée naa ɓɔɔ n kasɛ ɓɛɛ kpang, ka ruu ɓɔɔ, zang ɓɔɔ wukɔ kpanti koo a ka naa ɓɛɛ. Zunung ɓɔɔ wu palɛ m vuu ɓɔɔ kpang.

Yɔhana 7:30

Ka ruu nɔngkɔ, ri kãa gbalang nɛɛ ri yi wu katɔ, a zang ɓɔɔ lee wu naa kaa tɔ̀ɔ́ bii kpang. Ka ruu ɓɔɔ laa ɓiɓɛ yaa doogn ɓɛɛ.

Yɔhana 7:45

Ka ɓɔɔ zang ɓɔɔ ri gã Gãa Laa ri gbãayu, rɛɛ zang bang zang ɓɔɔ ri dɔɔ vuu ka Gãa Laa, nɛɛ rɛɛ Farisi ri hɛ̃ɛ ri nɛɛ, “Nɔɔ átɛ̀ wu kpang ka ruu viya?”

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Afisa 6:12

Ka ruu ɓɔɔ, ruu gáa nyaa wu nɛɛ shɔnzang kpang ɓɛɛ. Ruu gaa nyaa ɓuru nɛɛ rɛɛ suru ɓɔɔ yeti ɓarɛ shi kpang, ɓɔɔ ri ka lapa ɓɛɛ, a ɓɔɔ kaa nɛɛ rɛɛ naa vuu palɛnang, nɛɛ rɛɛ kpanti koo jaa knti keɓe ɓɔɔ tɔ̀ɔ katɔ ɓɛɛ.

Kolosi 1:13

Tà yuu ɓuru nɛɛ nɔng ɓɔɔ tɔ̀ɔ katɔ ɓɛɛ, atɛ ruu ka nɔng ɓɔɔ Jaa ɓiɓɛ ɓɔɔ wu kasɛ dɔɔli, roo kpanti ɓɛɛ.