Luka 22:52 - Nyaa Shɔɔ Ɓɔɔ Laa a Ɓɛɛ

⁵² A Yeesɔ hɛ̃ɛ rɛɛ zang bang bang zang ɓɔɔ ri dɔɔ vuu ka Gãa Laa ɓɛɛ, nɛɛ rɛɛ zang bang zang ɓɔɔ ri gã Gãa Laa ɓɛɛ, a ɓɔɔ rɛɛ zang bang zang Yahudi nɛɛ, “Nɔɔ a ka bii mɛɛ kɔ nɔngkɔ nɛɛ yere bang, a ɓɔɔ labasaa mɔɔ kɔɔ nɛɛ n zang ɓɔɔ shing zang nɛɛ ri haa nyaa ya?”

Luka 22:52 Σταυροειδείς Αναφορές

Matiyu 26:47

Yeesɔ rang yee doo naa nyaa, a Yahuda zang gbete ka teteng zang kopi tu ziti ɓɔɔ ri mantɛ vuu ka bii ɓiɓɛ a kati. Yahuda a nɛɛ zang dɔɔli ɓɔɔ rɛɛ zang bang bang zang ɓɔɔ ri dɔ́ɔ vuu ka Gãa Laa, nɛɛ zang bang bang zang Yahudi ri shong ɓɛɛ ning. Zang kaɓa, ri see yere bang, nɛɛ labasaa ka naa ning.

Matiyu 26:55

A Yeesɔ raa jĩng, hɛ̃ɛ zang ɓɔɔ ri a wu yinang tɔɔ, “Nɔɔ see yere bang nɛɛ labasaa ka naa gaagaa, nɛɛ nɔɔ naa yi ɓu nkɔ naa zang shɔngɓɔ ya? N nwalɛ ka yeti Gãa Laa kɔ diki diki, n tusu zang vuu, nɔɔ yi m kpang.

Luka 22:37

N kɔ̀ɔ́ nɔɔ, vuu ɓɔɔ labeenang kɔɔ nɛɛ, ‘A zang ɓakɛ wu nɛɛ zang ɓɔɔ ri ta nyaa dannang ɓɛɛ.’ Nwang ditɔ niizang ka yuu mɛɛ. Ka ruu ɓɔɔ, vuu ɓɔɔ zang kɔɔ ka yuu mɛɛ nwáng kana niizang ɓɛɛ.”

Luka 22:4

A Yahuda daa tɔ̀ng zɔɔ nɛɛ rɛɛ kpanti zang ɓɔɔ ri dɔɔ vuu ka Gãa Laa, a ɓɔɔ rɛɛ zang bang bang ɓɔɔ ri gã Gãa Laa ɓɛɛ, naa ɓɔɔ wu nyɔ ri yuu Yeesɔ ɓɛɛ.

Luka 22:51

Yeesɔ kɔɔ ri nɛɛ, “Nɔ́ɔ palɛ vuu keɓe takpang.” A lee shoo yɔɔ nɛɛ naa, a màsɛ́ yɔɔ shoo.

Luka 22:53

N nwáng nɛɛ nɔɔ diki diki ka yeti Gãa Laa, nɔɔ tɔɔ kpang nɛɛ nɔɔ yi m kpang. Lɛɛkɔ làá manɛ kɔ arɛ, nɛɛ làá zang ɓɔɔ ri nwang ka nɔng tĩiri ɓɛɛ.

Yɔhana 17:12

Ɓɔɔ bɛ̀ɛ́ n doo nɛɛ ri, n yiti ri waasɛ̃ nɛɛ naa vuu palɛnang ɓaaɓɛ, ɓɔɔ mɔɔ á m ɓɛɛ. N yiti ri waasɛ̃, vuu ɓɔɔ lee ri naa ka bii kpang, a ɓɔɔ gbete ti ning kpang. Ɓi zang gbete ɓɔɔ bɛ̀ɛ́ nɛ̀ɛ́ ning ɓi katɔ kɔ nwani kɔ gbete. Ti ning ɓi ka náa ɓɔɔ zang bee ka yeti labeenang Laa tɛ̃ɛ tɛ̃ɛ nɛɛ naa ning ɓi katɔ kɔ nwani ɓɛɛ.

Zang Shonang Yeesɔ 5:26

A rɛɛ kpanti zang ɓɔɔ ri gã Gãa Laa nɛɛ zang ɓiɓɛ, ri daayi nɛɛ ri daa atɛ ri. Ri atɛ ri wu nɛɛ bàng kpang, ka ruu ɓɔɔ, ri kaa vɔrɔ, zang nɛɛ luku ri nɛɛ tari ɓɛɛ.