Luka 22:18 - Nyaa Shɔɔ Ɓɔɔ Laa a Ɓɛɛ

¹⁸ N kɔ̀ɔ́ nɔɔ, n ɓoo mii inabi ɓɔɔ takpang, diki ɓɔɔ Laa naa roo Kpanti kagn nɛɛ a tɔ, n naa ɓooyi.”

Luka 22:18 Σταυροειδείς Αναφορές

Matiyu 16:18

N kɔɔ mɔɔ, mɔkɔ Bituru. Dĩiri nung keɓe ɓi pɛngkɛ. N mãa gãa mɛɛ, zang ɓɔɔ ri naa shing gn ka bii mɛɛ, ka yuu pɛngkɛ keɓe kɔ. Vɔrɔ zunung ɓɔɔ wu lasɛ kpang.

Matiyu 26:29

N kɔɔ nɔɔ, n naa ɓoo mii jĩng laa inabi tɔ̀ɔ́ nɛɛ nɔɔ tɔkn kpang, n naa ɓoo kaa ɓɔɔ shɔɔ ɓɔɔ ruu daa ɓoo nɛɛ nɔɔ ka nɔng ɓɔɔ Daa mɛɛ roo Kpanti ɓɛɛ.”

Maraku 14:23

A ti tuu juwa, zãa Kpanti Laa, a á ri nɛɛ ri ɓoo vuu ɓɔɔ kagn ɓɛɛ, ri ɓooro ka nyaa zɔɔ nandon.

Maraku 14:25

N kɔɔ nɔɔ ruu ɓɔɔ niizang kɔ nwani, n naa ɓoo mii jĩng laa inabi tɔ̀ɔ́ nɛɛ nɔɔ tɔkn kpang. N naa ɓoo kaa ɓɔɔ shɔɔ ɓɔɔ ruu daa ɓoo nɛɛ nɔɔ ka nɔng ɓɔɔ Daa mɛɛ roo Kpanti ɓɛɛ.”

Maraku 15:23

Ri a wu sàa ɓɔɔ zang nwɛ̃ɛtɛ nɛɛ vuu ɓɔɔ zang ɓaa nɛɛ muru ɓɛɛ, nɛɛ wu ɓooyi, a ɓoo kpang.

Maraku 9:1

A kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ kagn teteng zang kɔ ri shiiri ɓee, ri zǐ Kpanti ɓɔɔ Laa roo ɓɛɛ ka gbongkarɛ tɔ̀ɔ, ri vɔrɛ.”

Luka 21:31

Dòo nɔngkɔ, nɔɔ nɛɛ zi vuu keɓe nɛɛ gaayu palɛnang nɛɛ, nɔɔ zi kati, nɛɛ diki ɓɔɔ Laa naa roo Kpanti kagn a naabm tɔ.

Luka 22:16

N kɔɔ nɔɔ tɔ, n shaa vuu shaanang nyaalaa keɓe ɓɔɔ takpang. N naa shaa ka ɓɔɔ niizang ɓɔɔ zang naa shaa kaa ɓɔɔ Laa naa roo Kpanti ɓɛɛ.”

Luka 9:27

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ ri kagn teteng zang kɔ ka nihn ɓee ri vɔ kpang. Ri zi kpanti ɓɔɔ Laa roo ɓɛɛ gbongkarɛ.”

Kolosi 1:13

Tà yuu ɓuru nɛɛ nɔng ɓɔɔ tɔ̀ɔ katɔ ɓɛɛ, atɛ ruu ka nɔng ɓɔɔ Jaa ɓiɓɛ ɓɔɔ wu kasɛ dɔɔli, roo kpanti ɓɛɛ.