Luka 20:6 - Nyaa Shɔɔ Ɓɔɔ Laa a Ɓɛɛ

⁶ Ruu nɛɛ ti kɔɔ nɛɛ, ‘Shɔnzang a wu naa.’ Zang kɔ nihn ɓee, nandon ri luku ruu katɔ nɛɛ tari ka ruu ɓɔɔ, ri shing danggn tɔ nɛɛ bɛ̀ɛ́ Yɔhana ɓi zang nyaa shonang Laa ɓɛɛ.”

Luka 20:6 Σταυροειδείς Αναφορές

Matiyu 11:9

A nɔɔ daa ɓu vi zinang viya? Nɔɔ daa ka ruu zang nyaa shonang Kpanti Laa zinang ya? Nɔ́ngkɔ̀, n kɔɔ nɔɔ, zang nyaa shonang Laa kɔ, ti ɓa zang nyaa shonang Laa ɓi katɔ.

Matiyu 14:5

Hiridu nɛɛ wu nyɔ Yɔhana katɔ ka tipi tang, a kaa vɔrɔ zang, ka ruu ɓɔɔ, zang tɔɔ, Yɔhana zang nyaa shonang Laa ɓɛɛ.

Matiyu 21:26

Naa ruu kɔɔ wu nɛɛ, ‘Shɔnzang a wu,’ ruu káa vɔrɔ zang, ka ruu ɓɔɔ zang piti shing danggn tɔ nɛɛ, Yɔhana ɓi zang nyaa shonang Kpanti Laa ɓɛɛ.”

Matiyu 21:46

Ka ruu nɔngkɔ, ri nɛɛ ri yi Yeesɔ katɔ, a ri kaa vɔrɔ zang. Ka ruu ɓɔɔ zang dɔɔli shing danggn nɛɛ Yeesɔ ɓi zang nyaa shonang Kpanti Laa ɓɛɛ.

Matiyu 26:5

Ri kɔɔ zɔɔ tɔɔ, “Rúu palɛ ka diki ɓɔɔ zang shaa nyaalaa Pasika kpang, ka ruu ɓɔɔ zang nɛɛ pálɛ̀ nyaa ɓɛɛ.”

Maraku 12:12

Zang bang bang, zang Yahudi nɛɛ ri yi Yeesɔ katɔ, ka ruu ɓɔɔ, ri zi tɔ ka yeti ɓarɛ nɛɛ, Yeesɔ rang nyaa vuu jeenang ɓiɓɛ ka yuu ɓarɛ kɔ ɓɛɛ. A ri yaa wu, ri daayi, ka ruu ɓɔɔ, ri kaa vɔrɔ zang ɓɔɔ kpalɛ zɔɔ gaagaa ɓɛɛ.

Luka 1:76

A raa jĩng ka bii jaa rɛ̃ɛting a kɔɔ jaa tɔɔ, “Jaa mɛɛ, zang naa ɓaa mɔɔ nɛɛ zang nyaa shonang Laa, ka ruu ɓɔɔ, mɔɔ naa sɔ̀ɔ́ Kpanti ɓɔɔ naa a ɓɛɛ tĩng, mɔɔ pàlɛ́ wu gbalang ɓɛɛ.

Luka 20:5

A ri laa zɔɔ nyaa ka naa ɓarɛ nɛɛ, “Ruu nɛɛ kɔɔ nɛɛ batizima Yɔhana, Laa a wu naa. Hɛ̃ɛ ruu nɛɛ, ‘a ka ruu vi nɔɔ shing danggn ka bii Yɔhana kpang viya?’

Luka 20:7

A ri kasɛ wu nyaa nɛɛ, ri zi zang ɓɔɔ a Yɔhana naa batizima palɛnang kpang.

Luka 7:30

A zang Farisi nɛɛ zang ɓɔɔ ri zi labeenang Laa dɔɔli, ri bɛ̃ɛ vuu ɓɔɔ Laa kasɛ nɛɛ ri palɛ ɓɛɛ tɔ nɛɛ Yɔhana wu pàlɛ̀ ri batizima kpang.

Yɔhana 10:41

Zang dɔɔli ri a ka bii ɓiɓɛ, ri kɔɔrɔ nɛɛ, “Yɔhana pálɛ́ vuu ɓɔɔ zang zirɛ zang mã naa ka danggn ɓi kpang, vuu ɓɔɔ kɔɔ ka yuu yɔɔ keɓe nandon ɓi niizang kɔ nwani.”

Zang Shonang Yeesɔ 5:26

A rɛɛ kpanti zang ɓɔɔ ri gã Gãa Laa nɛɛ zang ɓiɓɛ, ri daayi nɛɛ ri daa atɛ ri. Ri atɛ ri wu nɛɛ bàng kpang, ka ruu ɓɔɔ, ri kaa vɔrɔ, zang nɛɛ luku ri nɛɛ tari ɓɛɛ.