Luka 20:1 - Nyaa Shɔɔ Ɓɔɔ Laa a Ɓɛɛ

¹ Diki ɓɔɔgn Yeesɔ tusu zang vuu, a ti kɔɔ zang Ruu Tɔ̃ɔ Laa ka Gãa Laa, a rɛɛ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri zi labeenang Laa dɔɔli ɓɛɛ, nɛɛ rɛɛ zang bang bang, ri a ka bii ɓiɓɛ.

Luka 20:1 Σταυροειδείς Αναφορές

Matiyu 26:55

A Yeesɔ raa jĩng, hɛ̃ɛ zang ɓɔɔ ri a wu yinang tɔɔ, “Nɔɔ see yere bang nɛɛ labasaa ka naa gaagaa, nɛɛ nɔɔ naa yi ɓu nkɔ naa zang shɔngɓɔ ya? N nwalɛ ka yeti Gãa Laa kɔ diki diki, n tusu zang vuu, nɔɔ yi m kpang.

Luka 20:2

A ri hɛ̃ɛ wu nɛɛ, “Kɔɔ ruu jong, wi a mɔɔ naa, a mɔɔ palɛ vuu kɔ mɔɔ palɛ ɓɛɛ wiya?”

Luka 8:1

Knti bee kpang, Yeesɔ naa seepaa nɛɛ nɔng kaɓa, daarɛ ka rɛɛ gari bang bang nɛɛ ɓɔɔ tɔkɔlɔng, tɔkɔlɔng. Rang zang yee tɔ̃ɔ Laa. Kɔɔ zang ruu tɔ̃ɔ ka yuu Kpanti ɓɔɔ Laa naa roo ɓɛɛ. Daarɛ nɛɛ zang kopi tu ziti ɓɔɔ ri mantɛ vuu ka bii ɓiɓɛ ning.

Yɔhana 18:20

Yeesɔ kasɛ wu nyaa tɔɔ, “N waa m katɔ n tùsù zang koo vuu kpang. Vuu ɓɔɔ n tusu piti, n tusu m ka gãa zɔɔ kpalɛnang, a ɓɔɔ ka yeti Gãa Laa. Nɔng ɓɔɔ zang Yahudi nandon ri kpalɛ kagn ɓɛɛ. N kɔ̀ɔ vuu ɓɔɔ m gngn nɛɛ nwĩiri kpang.

Zang Shonang Yeesɔ 4:1

Bituru nɛɛ Yɔhana ri rang yee doo ka naa nyaa nɛɛ zang ɓɔɔ ri kpalɛ zɔɔ ɓɛɛ, a rɛɛ zang ɓɔɔ ri dɔɔ vuu ka Gãa Laa, nɛɛ zang bang zang ɓɔɔ ri gã Gãa Laa nɛɛ rɛɛ Saduki, ri a ka bii ɓarɛ.

Zang Shonang Yeesɔ 6:12

Ɓɔɔ ri tãa ruu keɓe naa weɓe, yeti zang nɛɛ ɓɔɔ zang bang bang zang Yahudi, nɛɛ zang ɓɔɔ ri tusu zang labeenang Laa ɓɛɛ, lasɛ dɔɔli. Ri arɛ, ri naa yi Istifanu ri daa nɛɛ wu ka bii zang ɓɔɔ ri jɛ̃ɛ zang ruu ɓɛɛ.