Luka 2:9 - Nyaa Shɔɔ Ɓɔɔ Laa a Ɓɛɛ

⁹ A zang nyaa shonang Laa ɓɔɔ ka lapa, naa nwang nyaa ka bii ɓarɛ, a nɔng yakɛnang Kpanti Laa naa yakɛ nɔng ɓɔɔ ri kagn, a ri kaa vɔrɔ.

Luka 2:9 Σταυροειδείς Αναφορές

Matiyu 1:20

Ɓɔɔ wu rɛ̃rɛ doo ka naa ɓɛɛ, zang nyaa shonang Kpanti Laa ɓɔɔ ka lapa, naa a ka bìí ɓiɓɛ, a kɔɔ wu ka yeti rɔ̃kɔnang tɔɔ, “Yusufu jaa zɔ̃ng Dawuda, mɔ́ɔ káa vɔrɔ soro ɓaaɓɛ Marayamu shinnang kpang. Jaa kɔ wu tuu ka yeti ɓee, a ɓi nɛɛ bìí Suru Laa.

Luka 1:28

Zang nyaa shonang Laa ɓɔɔ ka Lapa arɛ naa kɔɔ wu tɔɔ, “N jee mɔɔ nyaa, zang ɓɔɔ Laa zɔ̃ng ka teteng zang soro ɓɛɛ. Laa ɓi nɛɛ mɔɔ ning.”

Luka 2:8

Ka tipi kaɓa naabm, zang jagãng ri kagn nɔngkɔ. Ri roo ka dalɛ, ri gãng jĩng ka vuu vaa ɓarɛ nɛɛ zĩi.

Luka 24:4

Ri shi ka nɔngkɔ, ri zi vuu ɓɔɔ ri palɛ takpang. Ri rɛ̃rɛ doo naa, a ri zi zang varɛ ziti, ri shii tɔ nɛɛ fɔ̃ɔrɔ puru kalang kalang kɔlɔ katɔ, ka kagn ɓarɛ naabm.

Yɔhana 12:41

Ishaya kɔɔ vuu keɓe, ka ruu ɓɔɔ, zi bannang Yeesɔ ɓɛɛ, a rang ruu ka yuu ɓiɓɛ.

Zang Shonang Yeesɔ 12:7

Zang nyaa shonang Laa ɓɔɔ ka lapa ɓɛɛ, nwang nyaa ka yeti sãa. Shiiyi, a yeti sãa yakɛ kaa gbayi gbayi. Zang nyaa shonang Laa bìí zĩiti Bituru ka nyaa zãngzãng a hingsi wu. Kɔɔ wu tɔɔ, “Yupaa pati.” Soo saka ɓɔɔ zang mãlɛ naa Bituru nɛɛ mani tantɛ tɛ̃ɛnang ka tipi.

Zang Shonang Yeesɔ 27:23

Ka ruu ɓɔɔ, ka ɓɔɔrɔ nɛɛ zĩi, zang nyaa shonang Laa ɓɔɔ ka lapa nɛɛ a ka bii mɛɛ. Laa ɓɔɔ n zang ɓiɓɛ, a n ti bang wu ɓɛɛ.

Zang Shonang Yeesɔ 5:19

Nɛɛ zĩi zang nyaa shonang Laa ɓɔɔ ka lapa arɛ naa puu nyaa sãa, a nwangsɛ ri ka biling. A kɔɔ ri tɔɔ,

2 Koranti 3:18

Ɓɔɔ ruu dũng Laa nɔngkɔ, sɛ̃ɛ fɔ̃ɔrɔ keɓe zùu jĩng ɓuru kpang, ruu zi bannang Kpanti Laa katɔ. Bannang keɓe, ɓɔɔ a nɛɛ bii Kpanti Laa ɓɔɔ ɓi suru ɓɛɛ, rìsí ruu kana, tɔ̀ɔ, ruu nwang naa wukɔ. Ti gìsí ruu bannang ɓɔɔ naa ɓɔɔ ɓiɓɛ gbãng gbãng ɓɛɛ kana, ka yuu zɔɔ, yuu zɔɔ.

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Yahudi 12:21

Niizang, vuu ɓɔɔ ri zirɛ shing baabii dɔɔli, vuu bìí shingnɛ Musa kɔɔyi nɛɛ, “N kaa vɔrɔ dɔɔli, bii zaa m kagn.”

Vuu ɓɔɔ zang nwangsɛ Yɔhana 18:1

Vuu keɓe naa ɓa tɔ, a n zi zang nyaa shonang Laa ɓɔɔ ka lapa ɓɛɛ, a nɛɛ lapa a ka tipi. Naa vuu palɛnang ɓiɓɛ bang dɔɔli, a bii ɓiɓɛ yakɛ nɔng ka koo nandon.

Vuu ɓɔɔ zang nwangsɛ Yɔhana 20:11

A n zi láa ɓɔɔ kpanti nwáng kagn bang puru, a n ti zi zang nwàng ka yuu ɓiɓɛ. Tipi nɛɛ lapa ri yuku kana, ri yaa tĩng ɓiɓɛ zang zi ri takpang.