Luka 2:7 - Nyaa Shɔɔ Ɓɔɔ Laa a Ɓɛɛ

⁷ a yi jamari ɓiɓɛ kaa zang varɛ, leng wu nɛɛ sɛ̃ɛ fɔ̃ɔrɔ ɓɔɔ zang leng jaa rɛ̃ɛting nɛɛ mani ɓɛɛ. A wɔɔ wu ka yeti vuu ɓɔɔ zang tɛ̃ɛ vuu vaa vuu shaanang kagn ɓɛɛ. Ka ruu ɓɔɔ, ri walɛ gãa ɓɔɔ ri roo kagn ka nɔng ɓɔɔ zang shing zang zanti kpang ɓɛɛ.

Luka 2:7 Σταυροειδείς Αναφορές

Matiyu 1:25

Yusufu ɓang bii nɛɛ Marayamu doo gbete kpang, a Marayamu naa yi jaa kaa zang varɛ, a Yusufu ɓaa nung ɓiɓɛ nɛɛ Yeesɔ.

Matiyu 13:55

Wee wu jaa yɔɔ ɓɔɔ seere laa ɓɛɛ kpang ya? Wu Marayamu kɔ niiɓɛ kpang ya? Wu ti rɛɛ, Yakub nɛɛ Yusufu, nɛɛ Siman nɛɛ Yahuda kɔ jaa niiɓɛ kpang ya?

Matiyu 8:20

Yeesɔ kɔɔ wu tɔɔ, “Yeng roonang yaka jĩngti kagn, a saara jaaning ti kagn, a nɔng ɓɔɔ naa Jaa Shɔnzang shing yuu ɓiɓɛ kagn, ɓi kaa tɔ̀ɔ́ kagn kpang.”

Luka 10:34

A daa ka bii ɓiɓɛ daa sɔɔ wu nyaa vuu waa, nwãa nung kagn, a kãng kati. A tuu wu, shing wu ka dakn seesaa ɓiɓɛ a daa kaa nɛɛ wu ka gãa ɓɔɔ zang zanti ɔ̃sɔ kagn ɓɛɛ, a gãng jĩng ka wu ka nɔngkɔ.

Luka 2:6

Ɓɔɔ ri doo ka Bɛtalami, diki ɓɔɔ Marayamu yi jaa kagn naa arɛ,

Luka 2:8

Ka tipi kaɓa naabm, zang jagãng ri kagn nɔngkɔ. Ri roo ka dalɛ, ri gãng jĩng ka vuu vaa ɓarɛ nɛɛ zĩi.

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Galati 4:4

A ka ɓɔɔ laa ɓɔɔ Laa shingnɛ naa arɛ, Laa naa shong nyaa nɛɛ Jaa ɓiɓɛ. Jaa keɓe jaa soro yi wu, a ti dũng nyaa ɓɔɔ Laa dang zang Yahudi nɛɛ ri dũngnɛ.