Luka 2:47 - Nyaa Shɔɔ Ɓɔɔ Laa a Ɓɛɛ

⁴⁷ Zang piti ɓɔɔ ri tãa vuu ɓɔɔ wu kɔɔyi, ri mã naa ka danggn, ka ruu zũnang ɓiɓɛ, nɛɛ nyaa ɓɔɔ wu kasɛ ɓɛɛ.

Luka 2:47 Σταυροειδείς Αναφορές

Matiyu 13:54

Daa shɛ̃ɛ gari ɓiɓɛ tɔ, a gaa zang tɔɔsung vuu tusunang ka gãa zɔɔ kpalɛnang ɓarɛ. Zang ɓɔɔ ri tãa yee ɓiɓɛ, ri mã naa ka danggn. Ri tɔɔ, “Yɔɔ keɓe, walɛ zũnang keɓe ka niya? Ɓu wi a wu naa ɓɔɔ wu palɛ vuu kɔ zang zirɛ zang mã naa ka danggn nɛɛ mani wiya?

Matiyu 22:33

Zang ɓɔɔ ri kpalɛ zɔɔ tãa tɔ naa weɓe, ri mã naa ka danggn, ka ruu vuu ɓɔɔ wu tusu ɓɛɛ.

Matiyu 7:28

Ɓɔɔ Yeesɔ naa hangsɛ nyaa ruu keɓe kɔɔnang tɔ, zang ɓɔɔ ri kpalɛ zɔɔ ri mã naa ka danggn, ka ruu vuu tusunang ɓiɓɛ.

Maraku 1:22

Zang ɓɔɔ ri tãa vuu ɓɔɔ wu tusu, ri mã naa ka danggn, ka naa ɓɔɔ, wu tusu vuu ɓɛɛ, ka ruu ɓɔɔ, tusu ri vuu ɓi naa ɓɔɔgn. Tùsù zang ɓi naa zang ɓɔɔ ri tusu zang vuu ɓɛɛ kpang.

Maraku 11:18

A zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri tãayi, a ri gaa tɔɔsung gbalang ɓɔɔ ri naa nyɔ wu vɔrɔ ɓɛɛ kãanang kati. Ri kaa vɔrɔ Yeesɔ ka ruu ɓɔɔ, zang ɓɔɔ ri kpalɛ zɔɔ piti, ri mã naa ka danggn, ka ruu vuu ɓɔɔ wu tusu ɓɛɛ.

Maraku 6:2

Ka Diki Ɔ̃sɔnang zang Yahudi, Yeesɔ gaa tɔɔsung vuu tusunang ka gãa zɔɔ kpalɛnang zang Yahudi. Zang piti ɓɔɔ ti tãa vuu ɓɔɔ wu tusu, ri mã naa ka danggn. Ri hɛ̃ɛyi tɔɔ, “Yɔɔ keɓe zi vuu keɓe ɓi biya nɔngkɔ viya? Laa a wu zũnang vi nɔngkɔ viya? Zunung ɓɔɔ wu palɛ vuu ɓɔɔ ruu zirɛ ruu mã naa ka danggn katɔ.

Luka 2:18

Zang ɓɔɔ ri tãa vuu ɓɔɔ zang jagãng kaɓa ri kɔɔyi, ri mã naa ka danggn.

Luka 2:46

Ri kãa wu diki taati, a ri naa ĩi wu ka Gãa Laa. Nwang tɔ ka teteng zang Yahudi ɓɔɔ ri tusu zang vuu ɓɛɛ. Ɓaa shoo ka yee ɓɔɔ ri rangkɛ, wu ti hɛ̃ɛlɛ ri ruu.

Luka 4:22

Zang piti rang vuu tɔ̃ɔ ka yuu ɓiɓɛ. A ri mã naa ka danggn ka ruu yee tɔ̃ɔ ɓɔɔ nwangnɛ nyaa ɓiɓɛ ɓɛɛ. A ri hɛ̃ɛyi tɔɔ, “Wee ɓu bɛɛ jaa Yusufu kpang ya?”

Luka 4:32

A ri mã naa ka danggn, ka ruu naa ɓɔɔ wu tusu ri vuu ɓɛɛ. Tusu zang vuu, mɔɔ kɔ̀ɔ́ nɛɛ zi tɔ nɛɛ vuu ɓɔɔ wu kɔɔyi wukɔ niizang.

Yɔhana 7:15

Zang Yahudi ri mã naa ka danggn, a ri kɔɔyi nɛɛ, “Yɔɔ keɓe pálɛ̀ biya zi vuu nɔngkɔ, ti mantɛ vuu gngn kpang viya?”

Yɔhana 7:46

Zang ɓɔɔ ri gã Gãa Laa, ri kɔɔ ri nɛɛ, “Zang ɓɔɔ ràng yee gngn naa yɔɔ keɓe kpang.”