Luka 2:34 - Nyaa Shɔɔ Ɓɔɔ Laa a Ɓɛɛ

³⁴ Simiyon shìng ri naa ka yuu ɓarɛ, a gaa ri Laa kati. Kɔɔ Marayamu nàá Yeesɔ tɔɔ, “Laa zɔ̃ng jaa keɓe nɛɛ wu naa nwáng zang ɓɔɔ zang Isirela dɔɔli naa shaarɛ ka ruu ɓiɓɛ. Zang dɔɔli ti naa ta yuu ɓarɛ, ka ruu ɓiɓɛ. Wu ti naa nwáng zang ɓɔɔ zang rang wu katɔ ɓɛɛ.

Luka 2:34 Σταυροειδείς Αναφορές

Matiyu 11:19

Jaa Shɔnzang àrɛ, shaa katɔ, ti ɓoo katɔ. Zang ti kɔɔyi tɔɔ, ‘Nɔɔ zi zang nyɔkɔ keɓe, zang ɓɔɔ ɓoo saa dɔɔli. Wusang zang saka tipi tanang nɛɛ zang ɓɔɔ ri dũng nyaa ɓɔɔ Laa dang kpang kɔ doori ɓɛɛ.’ Zũnang Laa tusu bii ka vuu tɔ̃ɔ ɓɔɔ shɔnzang palɛ ɓɛɛ.”

Matiyu 12:46

Yeesɔ rang yee doo naa nyaa nɛɛ zang ɓɔɔ ri kpalɛ zɔɔ ka bii ɓiɓɛ ɓɛɛ, a nàá Yeesɔ nɛɛ rɛɛ jaa nàá Yeesɔ ri shii ka biling. Ri kasɛ nɛɛ ri rang yee nɛɛ Yeesɔ.

Matiyu 21:44

[Shɔnzang ɓɔɔ nɛɛ naa watɛ ka tari keɓe, bii ɓiɓɛ naa kaka ditɔ. Tari kɔ nɛɛ watɛ jong ka yuu shɔnzang, shɔnzang kaɓa nangkɛ náà zũng tapuru.]”

Matiyu 27:63

Ri kɔɔ wu tɔɔ, “Kpanti, ruu kpaa danggn ruu ɓɔɔ yɔɔ sèé kaɓa kɔɔ ka diki ɓɔɔ wu doo ningkãari tɔ. Kɔɔyi tɔɔ, wu naa seepaa ditɔ nɛɛ saa, ka lee ɓɔɔ diki naa daa taati ɓɛɛ.

Luka 2:35

Tɔ̀ɔ, wu naa shing rɛ̃rɛnang ɓɔɔ ka yeti zang wu nwangsɛ bii kati. Yeti naa lasɛ mɔɔ, kɔng mɔɔ ka yeti naa ɓɔɔ zang ɓaa mɔɔ nɛɛ yere bang ɓɛɛ.”

Yɔhana 3:20

Zang ɓɔɔ pálɛ̀ vuu shi kpang, kasɛ ruu nɔng yakɛnang ɓi kpang. À nɔng ɓɔɔ yakɛ katɔ ɓi kpang, ka ruu ɓɔɔ, kasɛ nɛɛ zang zi vuu shi kpang ɓiɓɛ kpang ɓɛɛ.

Yɔhana 5:18

Ka ruu rúu kɔ wu kɔɔ ɓɛɛ, zang Yahudi ri kãa gbalang kaa gbãng gbãng nɛɛ ri nyɔ wu vɔrɔ. Wu ka ruu ɓɔɔ, wu ta nyaa ɓɔɔ zang dang ka yuu Diki Ɔ̃sɔnang kɔ shɛ̃ɛning kpang. Ka ruu ɓɔɔ, ti ɓaa Laa nɛɛ Daa ɓiɓɛ ɓɛɛ. Gãsɛ yuu ɓiɓɛ kaa teetee nɛɛ Laa.

Zang Shonang Yeesɔ 13:45

Ɓɔɔ rɛɛ zang Yahudi ri zi zang ɓɔɔ ri kpalɛ dɔɔli ri kaa sũnyaa gbãng gbãng. Ri laa nyaa vuu ɓɔɔ Bulu kɔɔrɔ ɓɛɛ ri ti dãlɛ wu.

Zang Shonang Yeesɔ 17:6

Ɓɔɔ ri ĩi Bulu nɛɛ Siila kpang, ri gɔ̃ yɔɔ ɓɔɔ zang ɓaa wu nɛɛ Jaasong nɛɛ rɛɛ zang ɓɔɔ ka teteng zang ɓɔɔ ri shing danggn tɔ ɓɛɛ, ri daa nɛɛ ri ka tĩng rɛɛ zang bang gari. Ri goo nyaa nɛɛ, “Zang keɓe ri kpãa zang tɔ nɛɛ nɔng piti piti. Wee ri a tɔ ka gari ɓuru ɓɛɛ,

Zang Shonang Yeesɔ 24:5

Ruu zirɛ yɔɔ keɓe, kpãa zang dɔɔli, shing zang Yahudi ɓɔɔ ri ka koo piti nɛɛ ri haa nyaa. Wukɔ ti zang bang rɛɛ vàá zang ɓɔɔ zang ɓaa ri nɛɛ zang Nazara ɓɛɛ.

Zang Shonang Yeesɔ 28:22

Ruu kasɛ ruu tɔɔ ruu tãa vuu ɓɔɔ ka yeti ɓaaɓɛ ɓɛɛ. Ka ruu ɓɔɔ, ruu zi tɔ zang ráng ruu nɛɛ nɔng piti piti ka ruu gbalang keɓe.”

Zang Shonang Yeesɔ 4:26

Rɛɛ kpanti zang koo ri kpalɛ bii, a rɛɛ zang bang bang, ri tɔ̀ng zɔɔ nɔng gbete nɛɛ ri gaa nyaa nɛɛ Kpanti Laa nɛɛ Kirisi ɓiɓɛ’.

Zang Shonang Yeesɔ 6:7

Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.

Rooma 9:32

Ri walɛ kpang ka ruu viya? Ka ruu ɓɔɔ, ri shing gn ɓarɛ ka vuu tɔ̃ɔ ɓɔɔ ri pálɛ̀ ɓɛɛ, wu ka danggn ɓɔɔ ri shing ka bii Laa kpang. Ri kpaa doo ka tari ɓɔɔ shing zang, zang kpaa doo ɓɛɛ.

1 Koranti 1:23

A ruu kɔ̀ɔrɔ́ zang ɓuru ruu Yeesɔ Kirisi, ɓɔɔ zang ɓaa wu naa ka laa ɓɛɛ. Ruu keɓe làsɛ́ rɛɛ zang Yahudi yeti katɔ, zang ɓɔɔ ri kɔɔ ɓarɛ nɛɛ ɓi ruu shoko.

Yahudi 7:1

Malakisadak keɓe, bɛ̀ɛ́ wukɔ kpanti nɔng ɓɔɔ zang ɓaa nɛɛ Salama ɓɛɛ, a ti zang ɓɔɔ dɔɔ vuu ka Gãa Laa, Laa ɓɔɔ ɓa zang piti ɓɛɛ. Kpisi Ibirayi yuu, ka ɓɔɔ Ibirayi gbãayu nɛɛ nɔng ɓɔɔ wu shaa rɛɛ kpanti ka sĩiri ɓɛɛ, a gàa Ibirayi Laa nɛɛ Laa shingnɛ Ibirayi wu tãa tĩnang.

Yahudi 7:7

Wu vuu nyaa laanang kpang, zang ɓɔɔ gaa Laa, wukɔ zang bang ka yuu zang ɓɔɔ zang gaa wu Laa nɛɛ Laa pàlɛ̀ wu tɔ̃ɔ ɓɛɛ.

1 Bituru 4:14

Naa zang ri dãa nɔɔ, ka ruu ɓɔɔ nɔɔ dũng Kirisi, nɔ́ɔ tãa manɛ tĩnang. Nɔɔ nɛɛ dǎng jĩng nɔngkɔ, Suru Laa ɓɔɔ ɓa zang piti bannang katɔ, naa nwang nɛɛ nɔɔ ning.