Luka 2:10 - Nyaa Shɔɔ Ɓɔɔ Laa a Ɓɛɛ

¹⁰ Zang nyaa shonang Laa ɓɔɔ ka lapa, kɔɔ ri tɔɔ, “Nɔɔ kaa vɔrɔ kpang, n atɛ nɔɔ ruu tɔ̃ɔ, ɓɔɔ a nɔɔ tĩnang tãanang dɔɔli, ɓɔɔ zang piti naa tãa tĩnang ɓiɓɛ ɓɛɛ.

Luka 2:10 Σταυροειδείς Αναφορές

Matiyu 14:27

A Yeesɔ rang yee kaa tantɛnang nɛɛ ri, tɔɔ, “Nɔ́ɔ kaa vɔrɔ kpang. Ɓi nkɔ.”

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Matiyu 28:5

A zang nyaa shonang Laa ɓɔɔ lapa kaɓa, kɔɔ zang soro ɓɔɔ ri daa jĩng lennang ka yuu sàa kaɓa nɛɛ, “Nɔ́ɔ kaa vɔrɔ kpang, n zi tɔ, nɔɔ kãa Yeesɔ ɓɔɔ zang ɓaa wu naa ka laa ɓɛɛ.

Maraku 1:15

“Diki a tɔ, diki ɓɔɔ Laa roo Kpanti yaa kaa naabm. Nɔɔ kɔ̃sɔ yeti manɛ ta, nɔ́ɔ shing danggn ka Ruu Tɔ̃ɔ Laa.”

Maraku 16:15

A kɔɔ ri tɔɔ, “Nɔɔ dita ka koo piti, nɔɔ daa rang zang piti, Ruu Tɔ̃ɔ Kpanti Laa.

Luka 1:13

A zang nyaa shonang Laa kɔɔ wu tɔɔ, “Mɔ́ɔ kaa vɔrɔ kpang Zakariya, Laa tãa vuu ɓɔɔ mɔɔ gaa ɓɛɛ tɔ. Soro ɓaaɓɛ Alisabatu yi mɔɔ jaa ditɔ zang varɛ, mɔ́ɔ ɓaa nung ɓiɓɛ nɛɛ Yɔhana.

Luka 1:19

A zang nyaa shonang Laa ɓɔɔ ka lapa kasɛ wu nyaa tɔɔ, “Nkɔ Jibirilu ɓɔɔ shíi ka tĩng Laa ɓɛɛ. Laa shong m nɛɛ n naa rang yee nɛɛ mɔɔ, nɛɛ n kɔɔ mɔɔ ruu tɔ̃ɔ keɓe.

Luka 1:30

A zang nyaa shonang Kpanti Laa kɔɔ wu tɔɔ, “Mɔɔ kaa vɔrɔ kpang Marayamu, Laa tãa tĩnang ɓaaɓɛ dɔɔli.

Luka 2:11

Zang yi nɔɔ zang ɓɔɔ naa ta yuu manɛ tɔ lɛɛkɔ ka gari ɓɔɔ zang yi Dawuda kagn ɓɛɛ. Wukɔ Kpanti Kirisi.

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Luka 8:1

Knti bee kpang, Yeesɔ naa seepaa nɛɛ nɔng kaɓa, daarɛ ka rɛɛ gari bang bang nɛɛ ɓɔɔ tɔkɔlɔng, tɔkɔlɔng. Rang zang yee tɔ̃ɔ Laa. Kɔɔ zang ruu tɔ̃ɔ ka yuu Kpanti ɓɔɔ Laa naa roo ɓɛɛ. Daarɛ nɛɛ zang kopi tu ziti ɓɔɔ ri mantɛ vuu ka bii ɓiɓɛ ning.

Zang Shonang Yeesɔ 13:32

“Ruu atɛ nɔɔ ruu tɔ̃ɔ, ruu kɔɔ nɔɔ nɛɛ, nyaa ɓɔɔ Laa a rɛɛ dabang ɓuru,

Rooma 10:15

A zang ɓɔɔ yuu paa biya wu daa kɔɔ zang Ruu Laa, zang nɛɛ shong wu katɔ kpang ɓɛɛ viya? Labeenang Laa kɔɔyi tɔɔ, “Zang ɓɔɔ ri à Ruu Tɔ̃ɔ kɔɔnang, doo ɓarɛ shili dɔɔli.”

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.