Luka 19:5 - Nyaa Shɔɔ Ɓɔɔ Laa a Ɓɛɛ

⁵ Yeesɔ naa a tɔ ka doo laa ɓɔɔ Zaka vang kagn, a tuu jĩng ka lapa kɔɔ wu tɔɔ, “Zaka, shooro ta tipi pati. N daa roo lɛ̀ɛ́ ka gãa ɓaaɓɛ kɔ.”

Luka 19:5 Σταυροειδείς Αναφορές

Luka 19:10

Ka ruu ɓɔɔ, n Jaa Shɔnzang n arɛ nɛɛ n naa kãa zang ɓɔɔ ri ning gbalang katɔ, tɔ̀ɔ, n ta yuu ɓarɛ kati ɓɛɛ.”

Luka 19:2

A yɔɔ zang bang zang saka tipi tanang ɓɔɔ ɓi zang ying, ɓɔɔ zang ɓaa wu nɛɛ Zaka kagn nɔngkɔ.

Luka 19:4

Ka ruu nɔngkɔ, Zaka yuu ka tĩng, daa vang ka laa zulung ɓɔɔ ka nyaa gbalang ɓɔɔ Yeesɔ naa tɛɛ nɛɛ mani ɓɛɛ.

Luka 19:6

Zaka tantɛ kaa shɔrɔnang ka tipi, daa nɛɛ Yeesɔ ka gãa, a wu laa nwannang. Tãa tĩnang dɔɔli, ka ruu ɓɔɔ, Yeesɔ a ka gãa ɓiɓɛ ɓɛɛ.

Yɔhana 1:48

Natanalu hɛ̃ɛ wu nɛɛ, “Mɔɔ pálɛ̀ bɛ̀ɛ́ mɔɔ zi m nɔngkɔ viya?” Yeesɔ kasɛ nyaa tɔɔ, “N zi mɔɔ dòo ka doo laa sĩiri bɛ̀ɛ́ Filibu daa ɓaa mɔɔ nyaa gn kpang.”

Yɔhana 14:23

Yeesɔ kasɛ wu nyaa tɔɔ, “Zang ɓɔɔ nɛɛ kasɛ m katɔ, dũng vuu ɓɔɔ n tusu katɔ. Daa mɛɛ kasɛ wu katɔ. Ruu ti a nɛɛ Daa mɛɛ ka bii ɓiɓɛ ruu nwáng nɛɛ wu.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

Afisa 3:17

Tɔ̀ɔ, Kirisi wu nwang kaa yeti manɛ ka ruu danggn ɓɔɔ nɔɔ shing ka bii ɓiɓɛ ɓɛɛ. N gaa Laa wu shingnɛ, nɔ́ɔ nwang naa laa ɓɔɔ dĩiri ɓiɓɛ yi naa tipi gbãng gbãng ka zɔɔ manɛ. Nɔ́ɔ ti nwang kaa naa gãa ɓɔɔ zang loo doo ɓiɓɛ ka yuu zɔɔ kasɛnang ɓɛɛ.

Yahudi 13:2

Nɔɔ yaa zang zanti tanang ka gãa manɛ kpang, Ka ruu ɓɔɔ, zang ɓɔɔ ri pálɛ́ nɔngkɔ, a ri ta zang nyaa shonang Laa ɓɔɔ ri ka lapa ɓɛɛ tɔ̃ɔ, ri zi kpang.

Vuu ɓɔɔ zang nwangsɛ Yɔhana 3:20

Nɔɔ zirɛ, n shii ka nyaa gãa, n waa nyaa gãa. Zang ɓɔɔ nɛɛ tãa yee mɛɛ, nɛɛ puu nyaa gãa, n shɛ̃ɛ ka yeti gãa ɓiɓɛ. Ruu shaa vuu shaanang nɛɛ zɔɔ nɔng gbete.