Luka 17:6 - Nyaa Shɔɔ Ɓɔɔ Laa a Ɓɛɛ

⁶ A Yeesɔ kasɛ ri nyaa tɔɔ, “Naa danggn ɓɔɔ nɔɔ shing ka bii Laa, nɛɛ nwang naa jĩng masita, nɔɔ nɛ̀ɛ́ kɔɔ laa zulung bang keɓe katɔ nɛɛ, ‘Ru ta nɛɛ yuu ɓaaɓɛ, mɔɔ daa shɔ bii ɓaaɓɛ ka yeti mii waapo.’ Ti palɛ katɔ naa ɓɔɔ nɔɔ kɔɔ ɓɛɛ.

Luka 17:6 Σταυροειδείς Αναφορές

Matiyu 14:29

A Yeesɔ kɔɔ Bituru tɔɔ, “A ta.” A Bituru seepaa nɛɛ yeti tonsi, ra ka yuu paa mii, daa kana bii Yeesɔ.

Matiyu 17:20

A Yeesɔ kasɛ ri nyaa tɔɔ, “Ka ruu ɓɔɔ, nɔɔ shing danggn ka bii Laa rɛ̃rɛkɛ ɓɛɛ. N kɔɔ nɔɔ ruu ɓɔɔ niizang kɔ nwani, naa danggn ɓɔɔ nɔɔ shing ka bii Laa nɛɛ kagn tɔkɔlɔng naa jĩng vuu ɓɔɔ zang ɓaa nɛɛ masita, nɔɔ nɛ̀ɛ́ kɔɔ kɔpɔ keɓe katɔ, nɛɛ ‘Wɔɔ ta nɛɛ nihn, mɔɔ daa kaaɓa,’ nɛ̀ɛ́ ti wɔɔ katɔ. Vuu ɓɔɔ nɛɛ ɓa nɔɔ yuu palɛnang kagn kpang.”

Matiyu 21:21

A Yeesɔ kasɛ ri nyaa tɔɔ, “N kɔ̀ɔ́ nɔɔ ruu ɓɔɔ niizang kɔ nwani, naa nɔɔ shing danggn ka bii mɛɛ, nɔɔ yaa danggn naa kpang, nɔɔ palɛ wu vuu kɔ n palɛ laa sĩiri ɓee kɔ shɛ̃ɛning kpang. Nɔɔ zunung ɓɔɔ nɔɔ kɔɔ kɔpɔ keɓe katɔ nɛɛ, ‘Rúu ta nɛɛ bii ɓaaɓɛ, mɔɔ daa watɛ ka mii waapo.’ Ti palɛ katɔ nɔngkɔ.

Maraku 4:31

Nwang naa jĩng vuu ɓɔɔ zang ɓaa nɛɛ masita ɓɛɛ. Wukɔ tɔkɔlɔng piti ka teteng jĩng vuu ɓɔɔ zang ɓarɛ ka tipi ɓɛɛ.

Maraku 9:23

Yeesɔ kɔɔ wu tɔɔ, mɔkɔ nɛɛ zunung danggn shinnang katɔ jong. Zang piti ɓɔɔ shing danggn ka bii Laa, vuu ɓɔɔ kpãa wu ɓi kagn kpang.

Luka 13:19

Nwang naa jĩng masita ɓɔɔ zang tuuyi, zang ɓaa ka jaa ɓɛɛ. Wu naa bangnɛ, jaaning ri kɔng saara ka nasãng ɓiɓɛ ɓɛɛ.”

Luka 17:7

“Naa zang gbete ka teteng manɛ, zang shonang ɓiɓɛ ɓɔɔ lang jaa, kɔ gã mɛ̀ɛrɛ́, a nɛɛ jĩngti, kɔɔ wu katɔ nɛɛ wu tantɛ daanang, wu daa nwang ka nɔng vuu shaanang, wu shaa vuu shaanang ɓiɓɛ ya?

Luka 19:4

Ka ruu nɔngkɔ, Zaka yuu ka tĩng, daa vang ka laa zulung ɓɔɔ ka nyaa gbalang ɓɔɔ Yeesɔ naa tɛɛ nɛɛ mani ɓɛɛ.

Luka 7:13

Ɓɔɔ Yeesɔ zi suvɔ ɓɔɔ jaa ɓiɓɛ vɔrɛ, gn ɓiɓɛ kɔng wu, a kɔɔ wu tɔɔ, “Mɔɔ kaa kpang.”

Luka 7:19

A Yɔhana ɓaa nyaa ka zang ɓɔɔ ri mantɛ vuu ka bii ɓiɓɛ ziti, a shong ri ka bii Yeesɔ. Yɔhana tɔɔ, ri daa hɛ̃ɛ Yeesɔ nɛɛ, “Wukɔ zang ɓɔɔ zang tɔɔ naa a ɓɛɛ ya? Kɔ, ruu gãng jĩng ka zang ɓɔɔgn?”

1 Koranti 13:2

Naa Laa a m naa vuu palɛnang, naa ɓɔɔ n kɔɔrɔ vuu ɓɔɔ Laa tusu m ɓɛɛ. Naa n ti zi vuu piti. Vuu ɓɔɔ Laa waasɛ katɔ ka yuu ɓiɓɛ n ti zi tɔ jong. Naa Laa a m dòo zɔ̃ng danggn shinnang ɓɔɔ naa n zunung katɔ, n kɔɔ kɔpɔ wu dɔ̃sɔ ka nɔng ɓɔɔgn. Naa n kasɛ zang kpang, n m vuu ɓɔɔ kpang tingkiring.