Luka 17:3 - Nyaa Shɔɔ Ɓɔɔ Laa a Ɓɛɛ

³ Nɔɔ gãng jĩng kagn. “Ɓaazung nɛɛ palɛ vuu shi kpang, mangkɛ wu katɔ. Nɛɛ yaa vuu shi kpang palɛnang tɔ, nɛɛ kɔ̃sɔ yeti tɔ, mɔɔ ti yaa wu gbalang vuu shi kpang ɓɔɔ wu palɛ mɔɔ ɓɛɛ.

Luka 17:3 Σταυροειδείς Αναφορές

Matiyu 18:21

Bituru naa arɛ hɛ̃ɛ Yeesɔ tɔɔ, “Kpanti, naa manzung palɛ m vuu shi kpang diki diki, n yaa wu gbalang doo nɛya? Nung dakn manziti ya?”

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

Afisa 5:15

Ka ruu nɔngkɔ, nɔɔ gãng jĩng ka nwannang manɛ waasɛ̃. Nɔ́ɔ nwàng wu naa shoko kpang, nɔɔ nwáng naa zang ɓɔɔ ri zũng katɔ ɓɛɛ.

Yahudi 12:15

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ wàlɛ̀ tɔ̃ɔ Laa kpang, a zang ɓɔɔ nɛ̀ɛ́ ta yeti ɓɔɔ la katɔ ɓɛɛ, ɓɔɔ shingnɛ, nyaa haanang seepaa, ɓɔɔ lasɛ zang dɔɔli ɓɛɛ.

Yakubu 5:19

Rɛɛ manzung, zang gbete ka teteng manɛ nɛɛ yaa gbalang ɓɔɔ niizang, a zang ɓɔɔ nɛɛ sɔɔrɔ wu tɔkn,

2 Yɔhana 1:8

Nɔɔ gãng jĩng kagn, nɔɔ nɛ̀ɛ́ loo vuu ɓɔɔ nɔɔ pálɛ́ shonang ka ruu ɓiɓɛ ɓɛɛ. Laa wu naa a nɔɔ vuu ɓɔɔ wu shing nɔɔ katɔ nyaa kiiri.