Luka 17:2 - Nyaa Shɔɔ Ɓɔɔ Laa a Ɓɛɛ

² Daa ɓɔɔ zang mã wu ree bang ka turu, zang tasɛ wu ka yeti mii waapo tɔ, ka ɓɔɔ wu nɛɛ shing jaa gbete ka teteng wujɛ seseere keɓe, wu palɛ shi kpang ɓɛɛ.

Luka 17:2 Σταυροειδείς Αναφορές

Matiyu 17:27

A ka ruu ɓɔɔ rùu nɛ̀ɛ́ lasɛ ri yeti ɓɛɛ, dita ka mii waapo, mɔɔ daa loo galong. Tuu jaazĩi ɓɔɔ mɔɔ gaayu yinang mɔɔ puu nyaa ɓiɓɛ. Mɔɔ wàlɛ́ saka ɓɔɔ daa ɓɔ̀ɔ́ gãa Laa shunang ɓaaɓɛ nɛɛ ɓɔɔ mɛɛ piti ditɔ ka nyaa ɓiɓɛ. Tuu saka kaɓa, mɔɔ a ri, ka ruu ɓaaɓɛ nɛɛ ɓɔɔ mɛɛ.”

Matiyu 18:10

“Nɔɔ palɛ tɔ̃ɔ, nɔ́ɔ pɛ̃́ɛrɛ̀ jaa tɔkɔlɔng gbete ka teteng wujɛ keɓe nɛɛ jĩng gɔɔnang kpang. N kɔɔ nɔɔ, zang nyaa shonang Laa ɓɔɔ ɓarɛ, ɓɔɔ ri ka lapa, ri pɛ̃ɛrɛ ɓi waa nyaating Daa mɛɛ ɓɔɔ ka lapa diki diki.

Matiyu 18:14

Daa manɛ ɓɔɔ ka lapa, nwang doo nɔngkɔ. Kasɛ nɛɛ jaa tɔkɔlɔng gbete ka teteng wujɛ seseere keɓe, wu shaarɛ kpang.

Matiyu 26:24

Jaa Shɔnzang naa vɔ katɔ naa ɓɔɔ Labeenang Kpanti Laa kɔɔ ɓɛɛ. A jĩng dannang kagn yuu zang ɓɔɔ naa nyɔ yuu Jaa Shɔnzang ɓɛɛ. Zang nɛɛ yi zang kaɓa kpang kɔ gbã̀ágbãa, wukɔ nɛɛ daa wu.”

Maraku 9:42

“Zang ɓɔɔ palɛ jaa gbete ka teteng wujɛ seseere kɔ ri shing danggn ka bii mɛɛ ɓee, palɛ vuu shi kpang, jĩng ɓɔɔ zang kaɓa naa dangnɛ ɓa ɓɔɔ zang nɛɛ mã ree bang ka turu ɓiɓɛ, zang tasɛ wu ka yeti mii waapo katɔ.

Yɔhana 21:15

Ri hangsɛ vuu shaanang tɔ, a Yeesɔ ràng Siman Bituru yee tɔɔ, “Siman jaa Yɔhana, mɔɔ kasɛ m ɓa ɓɔɔ rɛɛ zang keɓe ri kasɛ m ɓɛɛ katɔ ya?” A kasɛ Yeesɔ nyaa tɔɔ, “Nn, Kpanti mɔɔ zi tɔ, n kasɛ mɔɔ katɔ.” Yeesɔ kɔɔ wu tɔɔ, “Hnti zang mɛɛ.”

1 Koranti 9:15

Naa doo nɔngkɔ piti, n tɔɔ gngn nɛɛ, zang ɓɔɔ wu a m vuu ɓɔɔ kpang. Wee n bée laa keɓe, n bee wu nɛɛ nɔɔ a m vuu ɓɔɔ kpang. N vɔ katɔ gbã̀ágbãa, ka ɓɔɔ zang ɓɔɔ nɛɛ zãa m vuu ɓɔɔ n dɔɔ bii kagn ɓɛɛ.

1 Koranti 9:22

Naa n nwàng nɛɛ zang ɓɔɔ ri shing danggn gn gbãng gbãng ka vuu ɓɔɔ ri shing danggn kagn ɓɛɛ kpang, n risi yuu mɛɛ naa ri. Tɔ̀ɔ, n atɛ ri, ri naa dũng Yeesɔ Kirisi. Naa zang nwang doo naa viya, n kasɛ tɔ n risi yuu mɛɛ naa ri. Tɔ̀ɔ, n palɛ vuu ɓɔɔ n zunung katɔ nandon, n gɔ̃ zang ɓɔɔ nɛɛ teteng ɓarɛ ri a ka bii Laa, tɔ̀ɔ, Laa wu ta yuu ɓarɛ kati.