Luka 17:1 - Nyaa Shɔɔ Ɓɔɔ Laa a Ɓɛɛ

¹ Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Vuu ɓɔɔ nwãarɛ zang, zang palɛ vuu shi kpang a ɓi ditɔ kɔ nwani. Jĩng dannang kagn yuu zang ɓɔɔ vuu keɓe a nɛɛ bii ɓiɓɛ ɓɛɛ.

Luka 17:1 Σταυροειδείς Αναφορές

Matiyu 16:23

Yeesɔ raa jĩng kɔɔ Bituru tɔɔ, “Dita kaaɓa Sheetang! Mɔkɔ vuu ɓɔɔ nɔɔ m gbalang ɓɛɛ. Mɔɔ rɛ̃rɛ ɓáa vuu ɓɔɔ Laa rɛ̃rɛ kpang, mɔɔ rɛ̃rɛ ɓáa vuu ɓɔɔ shɔnzang kasɛ ɓɛɛ.”

Matiyu 18:7

Jĩng dannang kagn yuu koo keɓe, ka ruu vuu ɓɔɔ nwãarɛ zang ka yeti ɓiɓɛ ɓɛɛ. Vuu ɓɔɔ naa weɓe, a ɓi katɔ, a jĩng dannang kagn yuu shɔnzang ɓɔɔ vuu keɓe a nɛɛ bii ɓiɓɛ ɓɛɛ.

Luka 16:31

A Ibirayi kɔɔ wu tɔɔ, ‘Naa ri ɓaa shoo ka labeenang rɛɛ Musa nɛɛ zang nyaa shonang Laa kpang, naa zang ɓɔɔ vɔ tɔ seepaa doori, ri ɓaa shoo doo ka nyaa ɓiɓɛ kpang kɔ.’ ”

Rooma 14:13

Ka ruu nɔngkɔ, ruu yaa ruu ɓɔɔ ruu dɔng zɔɔ ɓɛɛ ta. Nɔ́ɔ shing ka yeti manɛ nɛɛ nɔɔ shing ɓaazung ɓɔɔ dũng doo Laa kɔ, wu kpaa doo kpang, wu ti palɛ vuu shi kpang, kpang.

Rooma 16:17

Manzung, ɓɔɔ ri dũng doo Laa kɔ ɓɛɛ, n gaa nɔɔ katɔ, nɔɔ gãng jĩng ka zang ɓɔɔ ri basɛ teteng zang, a ri ti shing zang ɓɔɔ ri shing danggn, ri yaa gbalang Laa ɓɛɛ. Ri tusu nɔɔ vuu náa ɓɔɔgn naa ɓɔɔ zang tusu nɔɔ tɔ ɓɛɛ kpang. Nɔɔ yaa gbalang ɓarɛ katɔ.

1 Koranti 10:32

Palɛ waasɛ̃, mɔɔ pálɛ̀ vuu ɓɔɔ lasɛ zang ɓɔɔ yeti kpang, naa zang keɓe ri doo zang Yahudi, naa doo zang ɓɔɔ ri dũ̀ng Laa kpang, naa doo zang ɓɔɔ ri dũng Laa ɓɛɛ.

1 Koranti 11:19

Nɔɔ basɛ zɔɔ katɔ, ka ruu ɓɔɔ, naa nɔngkɔ kpang, zang zi zang ɓɔɔ ri dũng Yeesɔ Kirisi nɛɛ yeti gbete kpang ɓɛɛ.

1 Koranti 8:13

Ka ruu nɔngkɔ, naa n zirɛ vuu shaanang ɓɔɔ n shaayi shing manzung katɔ wu palɛ vuu shi kpang, n shaa vuu shaanang kaɓa takpang dòndòng. N nɛ̀ɛ́ shing manzung wu ning gbalang.

1 Timoti 4:1

Suru kɔɔ tɔ faarik nɛɛ, diki a ditɔ, zang ɓɔɔ ri naa yaa danggn ɓɔɔ ri shing ka bii Laa ɓɛɛ. Ri naa ɓaa shoo ka nyaa rɛɛ suru shi kpang ɓɔɔ nwãarɛ zang ɓɛɛ. Ri naa dũng vuu ɓɔɔ suru shi kpang ri tusu ɓɛɛ.

Vuu ɓɔɔ zang nwangsɛ Yɔhana 2:14

A vuu shi kpang ɓɔɔ nɔɔ palɛ kaa gn, ɓɔɔ n kasɛ kpang ɓɛɛ. Zang ɓɔɔ kagn ka teteng manɛ ɓɔɔ ri palɛ vuu ɓɔɔ yɔɔ ɓɔɔ zang ɓaa wu nɛɛ Balamu tusu zang ɓɛɛ. Balamu ɓɔɔ kpɛ̃ɛrɛ Balak naa ɓɔɔ wu shing zang Isirela, ri palɛ vuu shi kpang, nɛɛ ri shaa vuu shaanang ɓɔɔ zang a vaka, nɛɛ ri palɛ dũndũng.

Vuu ɓɔɔ zang nwangsɛ Yɔhana 2:20

A vuu ɓɔɔ nɔɔ palɛ kaa gn gbete ɓɔɔ n kasɛ kpang ɓɛɛ. Naa ɓɔɔ nɔɔ yaa jaa soro kaɓa, ɓɔɔ zang ɓaa wu nɛɛ Jezebel, nwàng ka teteng manɛ ɓɛɛ. A kpɛ̃ɛrɛ zang mɛɛ, nwãarɛ ri nɛɛ ri palɛ dũndũng, nɛɛ ri ti shaa vuu shaanang ɓɔɔ zang a vaka ɓɛɛ.