Luka 16:2 - Nyaa Shɔɔ Ɓɔɔ Laa a Ɓɛɛ

² A yɔɔ ying ɓaa nyaa ka zang shonang hɛ̃ɛ wu tɔɔ, ‘N tãa ɓu nyaa vi ka yuu ɓaaɓɛ viya? Bee m naa ɓɔɔ mɔɔ palɛ shonang nɛɛ vuu naa mɛɛ ɓɛɛ ta, ka ruu ɓɔɔ, mɔɔ nwàng zang shonang mɛɛ takpang ɓɛɛ.’

Luka 16:2 Σταυροειδείς Αναφορές

Matiyu 12:36

N kɔɔ nɔɔ, ka diki ɓɔɔ Laa naa jɛ̃ɛ zang ruu, naa jɛ̃ɛ zang ruu ɓi doo ka ruu yee shi kpang ɓɔɔ ri rangkɛ kɛɛm kɛɛm ɓɛɛ kɔ.

Matiyu 20:8

“Kaa nɛɛ làa nyaa vàa, yɔɔ jaa kɔɔ zang bang zang shonang, ɓiɓɛ tɔɔ, ‘Ɓaa zang shonang nyaa ta, mɔɔ shu ri saka shonang ɓarɛ. Gaayu nɛɛ zang doo knti kɔ shɔɔnang, tɔ̀ɔ mɔɔ naa hangsɛ nyaa ka nɛɛ zang ɓɔɔ ri a tĩng shɔɔnang ɓɛɛ.’

Luka 12:20

A Laa naa kɔɔ yɔɔ tɔɔ, ‘Shoko kiɓi, lɛ̀ɛ́kɔ nɛɛ zĩi keɓe, mɔɔ vɔ kaa tɔ. Vuu kɔ mɔɔ shĩ̀lí ɓɛɛ, naa raa ɓu kaa ɓɔɔ wiya?’ ”

Luka 12:42

A kpanti kasɛ wu nyaa tɔɔ, “Ɓu wi zang shonang tɔ̃ɔ, a ti zũng katɔ wiya? Ɓɔɔ zang gãa ɓiɓɛ yaa wu gãa ka naa, nɛɛ wu alɛ zang vuu shaanang ka laa vuu shaanang ɓarɛ wiya?

Luka 16:1

Yeesɔ kɔɔ zang ɓɔɔ ri mantɛ vuu ka bìí ɓiɓɛ tɔɔ, “Yɔɔ ɓɔɔ kagn zang ying. Shing zang shonang ɓɔɔ nɛɛ wu gãng wu jĩng ka vuu naa ɓiɓɛ. A zang naa kɔɔ yɔɔ ying tɔɔ, zang shonang kaɓa lasɛ mɔɔ vuu kana.

Luka 16:3

A zang shonang hɛ̃ɛ yuu ɓiɓɛ tɔɔ, ‘Wee yɔɔ gãa mɛɛ ta shonang ɓɔɔ ka naa mɛɛ tɔ, n palɛ ɓu kaa biya? Kaka mɛɛ ti daa ɓɔ̀ɔ́ jaa lannang takpang. Yusɛ̃ɛ ti tuu m vuu gaanang katɔ.

Rooma 14:12

Zang naa shing zang ɓu ditɔ, wu kɔɔ Laa vuu ɓɔɔ wu palɛ ɓɛɛ.

1 Koranti 1:11

Rɛɛ manzung, n kɔɔ vuu keɓe, ka ruu ɓɔɔ, zang ɓɔɔ ka teteng zang ɓɔɔ ri ka gãa Kuluwi ri kɔɔ m nɛɛ, zang ɓɔɔ ri haa nyaa nɛɛ zɔɔ ka teteng manɛ.

1 Koranti 4:2

Vuu ɓɔɔ zang kasɛ ka bìí zang ɓɔɔ gãng zang jĩng ka vuu ɓɛɛ, wu gãng jĩng ka vuu nɛɛ yeti gbete.

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

2 Koranti 5:10

Ka ruu ɓɔɔ, ruu nandon ruu naa shii ditɔ ka tĩng Yeesɔ Kirisi, wu jɛ̃ɛ rùu rúu. Wu jɛ̃ɛ ruu rúu, wu ti pàlɛ̀ zang ɓu vuu naa ɓɔɔ daa naa katɔ ɓɛɛ. Yeesɔ pàlɛ́ ruu vuu ka doo vuu tɔ̃ɔ nɛɛ vuu shi kpang ɓɔɔ zang ɓu palɛ ka koo keɓe ɓɛɛ.

1 Timoti 4:14

Palɛ shonang nɛɛ vuu ɓɔɔ Suru Laa a mɔɔ ɓɛɛ, mɔɔ yaa kpang. Ɓɔɔ wu a mɔɔ ka ɓɔɔ zang nyaa shonang ri rang yee, a zang bang Gãa Laa ri shìng mɔɔ naa ka yuu ɓɛɛ.

1 Timoti 5:24

Vuu shi kpang zang ɓɔɔ tusu bii tantɛnang, bɛ̀ɛ́ zang kɔɔ gn kpang nɛɛ ri palɛ vuu shi kpang tɔ kpang. Vuu shi kpang zang ɓɔɔ tusu bii pati kpang, tusu bii ɓi nɛɛ knti.

1 Bituru 4:10

Laa palɛ nɔɔ tɔ̃ɔ tɔ ka gbalang náabm̀ náabm̀. Laa a zang ɓu naa vuu palɛnang wu palɛ vuu ka zɔ̃ng zɔ̃ng. Ka ruu nɔngkɔ, zang ɓu wu palɛ tɔ̃ɔ, wu palɛ shonang nɛɛ naa ɓɔɔ Laa a wu, wu yi zang ɓɔɔ naa ka bii.

1 Bituru 4:5

Diki a doo kana, ɓɔɔ zang ɓɔɔ ri dãa nɔɔ keɓe, ri naa shii ka tĩng Laa, ri kɔɔ naa ɓɔɔ ri nwàng ka koo keɓe ɓɛɛ. Diki bee kpang, ɓɔɔ Laa naa dɔng zang ɓɔɔ ri ningkãari ka koo keɓe nɛɛ zang ɓɔɔ ri vɔlɔ tɔ ruu ɓɛɛ.

Vuu ɓɔɔ zang nwangsɛ Yɔhana 20:12

N ti zi zang ɓɔɔ ri vɔlɔ tɔ ɓɛɛ. Zang bang nɛɛ wujɛ, ri shiiri ka tĩng laa nwannang kpanti kaɓa. A zang atɛ rɛɛ labeenang ɓɔɔ, zang púlù ka tĩng ɓarɛ. Zang ti puu labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ. A zang jɛ̃ɛ zang ɓɔɔ ri vɔlɔ tɔ ruu ka doo shonang ɓɔɔ ri palɛ ɓɛɛ, ɓɔɔ zang beere ka rɛɛ labeenang kaɓa ɓɛɛ.