Luka 15:5 - Nyaa Shɔɔ Ɓɔɔ Laa a Ɓɛɛ

⁵ Nɛɛ ĩi tɔ, tãa tĩnang dɔɔli. Tuuyi wu lu ka zã̀ngzã̀ng wu a gãa kaa nɛɛ mani.

Luka 15:5 Σταυροειδείς Αναφορές

Luka 15:32

Daa ɓɔɔ ruu shaa vuu shaanang ruu tãa tĩnang tɔ, ka ruu ɓɔɔ, jaa naaɓɛ keɓe nwang naa ɓɔɔ vɔ katɔ a hingsi jĩng tɔkn. Ning katɔ, a n ĩi wu tɔkn ɓɛɛ.’ ”

Luka 15:4

“Naa zang gbete ka teteng manɛ mã mɛ̀ɛrɛ́ laa maani, a ɓɔɔ gbete ningnɛ palɛ biya? Yaa ɓɔɔ laa dɛ̃ɛti tu kopi tu mandɛ̃ɛti kaɓa ka nɔngkɔ ka gbongkarɛ, wu daa kãa ɓɔɔ ning kaɓa, wu ĩiyi.

Luka 15:6

Nɛɛ shɛ̃ɛ gãa tɔ, wu ɓaarɛ nyaa ka rɛɛ ɓeesang nɛɛ zang ɓɔɔ ri roo nyaa gãa gbete ɓɛɛ, nɛɛ ri naa shaa vuu shaanang, ri tãa tĩnang nɛɛ wu, ka ruu ɓɔɔ, wu ĩi mɛ̀ɛrɛ́ ɓiɓɛ ɓɔɔ ning ɓɛɛ.

Luka 19:9

A Yeesɔ kɔɔ Zaka tɔɔ, “Lɛɛkɔ Laa ta yuu zang ɓɔɔ ri ka gãa keɓe tɔ. Ka ruu ɓɔɔ, mɔɔ ɓaa doo jaa Ibirayi kɔ ɓɛɛ.

Luka 23:43

Yeesɔ kasɛ wu nyaa tɔɔ, “Niizang n kɔɔ mɔɔ, lɛɛkɔ mɔɔ nwang nɛɛ n ka Paradayisi, nɔng ɓɔɔ tĩnang waa nyaa kpang ɓɛɛ.”

Yɔhana 15:11

“N kɔ̀ɔ́ nɔɔ vuu keɓe, tɔ̀ɔ, nɔɔ tãa tĩnang ɓɔɔ n tãa ɓɛɛ kaa jong. Tĩnang manɛ wu nwang kaa nyaa kiiri.

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Afisa 3:7

Laa shing m nɛɛ n nwang zang shonang ɓɔɔ kɔɔ zang Ruu Tɔ̃ɔ, nɛɛ bìí vuu tɔ̃ɔ ɓɔɔ wu a m ɓɛɛ. Laa a m vuu tɔ̃ɔ keɓe nɛɛ naa vuu palɛnang ɓiɓɛ.

1 Tesalonika 1:5

Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔɔ nɔɔ ɓɛɛ, ruu kɔɔ wu nɛɛ nyaa waati kpang. Laa a ruu naa vuu palɛnang ɓiɓɛ tɔ nɛɛ Suru ɓiɓɛ, a ruu ti shing danggn tɔ gbãng gbãng ka yuu Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔ̀ɔ nɔɔ ɓɛɛ. Nɔɔ zi zɔ̃ng nwannang ɓɔɔ ruu nwangnɛ, ɓɔɔ bɛ̀ɛ́ ruu doo nɛɛ nɔɔ ɓɛ̀ɛ́ tɔ. Ruu palɛ vuu keɓe nandon ruu tɔɔ ruu yi nɔɔ naa ka bii.

2 Timoti 2:26

Shoo naa lu ri ditɔ, ri wɔ nɛɛ naa suru shi kpang ɓɔɔ lang saka yi ri kagn, a shing ri, nɛɛ ri palɛ vuu ɓɔɔ wu kasɛ ɓɛɛ.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.