Luka 13:11 - Nyaa Shɔɔ Ɓɔɔ Laa a Ɓɛɛ

¹¹ A jaa soro kagn nɔngkɔ, ɓɔɔ suru shi kpang kagn bii ɓiɓɛ saa kopi tu mantaati ɓɛɛ. Lang wu katɔ, zunung ɓɔɔ wu wisi bii ɓiɓɛ paa kpang.

Luka 13:11 Σταυροειδείς Αναφορές

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Maraku 9:21

A Yeesɔ hɛ̃ɛ daa jaa tɔɔ, “Diki ɓɔɔ kɔnang keɓe gaa wu yuu bee tɔ ya?” A kasɛ Yeesɔ nyaa tɔɔ, “Gaa wu yuu bee doo tɔkɔlɔng.”

Luka 13:12

Ɓɔɔ Yeesɔ zi wu, ɓaa wu nyaa tɔɔ, “Jaa soro, kɔnang ɓaaɓɛ yaa mɔɔ nɔng tɔ.”

Luka 13:16

A ka ruu vi, jaa zɔ̃ng Ibirayi zang soro kɔ sheetang mã wu, saa kopi tu mantaati, zang yaa wu naa ka Diki Ɔ̃sɔnang kpang viya?

Luka 21:28

Vuu keɓe nɛɛ gaayu palɛnang tɔ, nɔɔ tuu jĩng ka lapa, nɔɔ pɛ̃ɛrɛ, ka ruu ɓɔɔ, laa ɓɔɔ zang ta yuu manɛ kagn, a naabm tɔ ɓɛɛ.”

Luka 8:2

A ɓɔɔ zang soro ɓɔɔ wu nwangsɛ suru shi kpang ka bii ɓarɛ, nɛɛ zang soro ɓɔɔ wu màsɛ̀ ri kɔnang ɓɔɔ yiki ri ɓɛɛ. Zang soro kaɓa ɓi rɛɛ Marayamu ɓɔɔ Zang ɓaa nɛɛ Magadaliya, ɓɔɔ Yeesɔ nwangsɛ suru shi kpang manziti nɛɛ bii ɓiɓɛ ɓɛɛ.

Luka 8:27

Ɓɔɔ Yeesɔ nwang nɛɛ yeti tonsi hn, a zang gbete ɓɔɔ suru shi kpang ka bii ɓiɓɛ, nwang nɛɛ gari kaɓa, arɛ naa ɓee wu yuu kati. Diki ɓɔɔ yɔɔ kaɓa hãa fɔ̃ɔrɔ ka bii kpang bee tɔ. Ti roo gãa kpang. Roo ɓi ka nɔng yuu sàa.

Luka 8:43

A jaa soro ɓɔɔ zĩi kpaa wu daa saa kopi tu ziti, zang ɓɔɔ zunung wu masɛnang kagn kpang

Zang Shonang Yeesɔ 3:2

Yɔɔ ɓɔɔgn, zang yí wu kàa katɔ. Zang tùurú wu diki diki, zang naa shing wu ka nyaa Gãa Laa ɓɔɔ zang ɓaa nɛɛ, “Shi Dɔɔli” ɓɛɛ. Gàarɛ́ vuu ka naa zang ɓɔɔ ri álɛ̀ ka Gãa Laa ɓɛɛ.

Zang Shonang Yeesɔ 4:22

Yɔɔ ɓɔɔ zang pálɛ̀ vuu ɓɔɔ zang zirɛ zang mã naa ka danggn, ɓɔɔ zang masɛ wu keɓe, sáa ɓiɓɛ ɓá laa ziti katɔ.