Luka 12:4 - Nyaa Shɔɔ Ɓɔɔ Laa a Ɓɛɛ

⁴ “Masang, n kɔɔ nɔɔ, nɔɔ kaa vɔrɔ zang ɓɔɔ ri nyɔ gãmpãng bii kɔ shɛ̃ɛning a ri zunung vuu ɓɔɔ palɛnang tɔ̀ɔ́ nɛɛ knti kpang ɓɛɛ kpang.

Luka 12:4 Σταυροειδείς Αναφορές

Matiyu 10:28

Nɔ́ɔ kaa vɔrɔ zang ɓɔɔ ri nyɔ gãmpãng bii, a ri zunung ɓɔɔ ri nyɔ suru bii kpang ɓɛɛ kpang. Nɔɔ Kaa vɔrɔ Kpanti Laa ɓɔɔ nyɔ gãmpãng bii nɛɛ suru bii piti, ka nɔng ɓɔɔ waa ning ɓi jong kpang ɓɛɛ.

Yɔhana 15:13

Zang kasɛnang ɓɔɔ ɓa ɓɔɔ zang wu a yuu ɓiɓɛ, nɛɛ zang nyɔ wu vɔrɔ ka ruu rɛɛ ɓeesang kagn kpang.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Zang Shonang Yeesɔ 4:13

Zang ɓɔɔ ri jɛ̃ɛ zang ruu, ri zi naa ɓɔɔ Bituru nɛɛ Yɔhana ri rang yee ri kaa vɔrɔ kpang ɓɛɛ. A zang ti kɔɔ ri nɛɛ Bituru nɛɛ Yɔhana ɓarɛ zang waati, ri bee laa gngn kpang ɓɛɛ, ri mã naa ka danggn. Ri naa zi kati nɛɛ zang keɓe ri nwáng ɓarɛ nɛɛ Yeesɔ.

Filipi 1:28

Ń ti tãayi nɛɛ nɔɔ kaa vɔrɔ zang ɓɔɔ ri shing jĩng nɛɛ nɔɔ kpang ɓɛɛ kpang tingkiring. Wukɔ naa tusu ri kati nɛɛ Laa naa ningsi ri, nɔɔ naa wɔ manɛ katɔ. A nɔɔ ti zi tɔ nɛɛ Laa nɛɛ yuu ɓiɓɛ naa tusu ri ditɔ nɛɛ vuu keɓe nɔngkɔ.

Yakubu 2:23

Vuu keɓe nwang naa ɓɔɔ zang bee ka yeti Labeenang Laa ɓɛɛ. Zang beeyi nɛɛ, “Ibirayi shing danggn ka bii Laa, a Laa ta wu nɛɛ wu ɓi zang tɔ̃ɔ ka tĩng ɓiɓɛ. A zang ɓaa wu kaa nɛɛ wusang Laa.”

1 Bituru 3:14

Naa zang dàng mɔɔ doo jĩng, ka ruu ɓɔɔ mɔɔ palɛ vuu ɓɔɔ daa bii katɔ, Laa pàlɛ́ mɔɔ tɔ̃ɔ katɔ. Ka ruu nɔngkɔ, mɔɔ kaa vɔrɔ zang ɓɔɔ ri kasɛ nɛɛ ri palɛ mɔɔ shi kpang, kpang. Vuu ɓɔɔ wu ti kpãa mɔɔ kpang.

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.