Luka 11:1 - Nyaa Shɔɔ Ɓɔɔ Laa a Ɓɛɛ

¹ Diki ɓɔɔ kagn Yeesɔ gaa Laa ka nɔng ɓɔɔ ɓɛɛ. Hangsɛ nyaa tɔ, a zang gbete ka teteng zang ɓɔɔ ri mantɛ vuu ka bii ɓiɓɛ arɛ naa kɔɔ wu tɔɔ, “Dabang, kpɛ̃ɛrɛ ruu naa ɓɔɔ ruu gaa Laa jong, naa ɓɔɔ Yɔhana kpɛ̃ɛrɛ zang ɓɔɔ ri mantɛ vuu ka bii ɓiɓɛ ɓɛɛ.”

Luka 11:1 Σταυροειδείς Αναφορές

Luka 10:42

Vuu ɓɔɔ zang kasɛ ɓi gbete kɔ nwani. Marayamu ya ɓɔɔ tɔ̃ɔ ɓi tɔ. Zang ɓɔɔ ta kagn nɛɛ naa ɓiɓɛ tɔkn kpang.”

Luka 11:2

A Yeesɔ kɔɔ ri tɔɔ, “Nɔɔ nɛɛ gaa Laa, nɔɔ kɔɔ nɛɛ, ‘Daa ɓuru Laa, zang wu dɔɔ nung tɔ̃ɔ ɓaaɓɛ ta. Zang zirɛ nɛɛ mɔkɔ Kpanti.

Luka 6:12

Ka diki kaɓa, Yeesɔ naa daa Laa gaanang ka kɔpɔ. Yeesɔ gàa Laa nɛɛ zĩi sasak, nɔng gãntɛ nɛɛ mani.

Luka 7:13

Ɓɔɔ Yeesɔ zi suvɔ ɓɔɔ jaa ɓiɓɛ vɔrɛ, gn ɓiɓɛ kɔng wu, a kɔɔ wu tɔɔ, “Mɔɔ kaa kpang.”

Luka 7:19

A Yɔhana ɓaa nyaa ka zang ɓɔɔ ri mantɛ vuu ka bii ɓiɓɛ ziti, a shong ri ka bii Yeesɔ. Yɔhana tɔɔ, ri daa hɛ̃ɛ Yeesɔ nɛɛ, “Wukɔ zang ɓɔɔ zang tɔɔ naa a ɓɛɛ ya? Kɔ, ruu gãng jĩng ka zang ɓɔɔgn?”

Luka 9:18

Diki ɓɔɔ kagn Yeesɔ gaa Laa kana, a zang ɓɔɔ ri mantɛ vuu ka bii ɓiɓɛ ri kagn nɔngkɔ. Hangsɛ nyaalaa gaanang tɔ, a hɛ̃ɛ ri tɔɔ, “Zang ri kɔɔ ɓu nɛɛ nkɔ wiya?”

Luka 9:28

Diki mantaati ɓa tɔ, a Yeesɔ naa vang kɔpɔ daa gaa Laa. Daa nɛɛ rɛɛ Bituru nɛɛ Yɔhana nɛɛ Yakub kɔ shɛ̃ɛning.

Yahudi 5:7

Ka diki ɓɔɔ Yeesɔ nwáng ka koo keɓe, rangkɛ yee nɛɛ Laa a gaarɛ wu, mɛɛ nyaa ka lapa nɛɛ miiri ka jĩng. Gaa Laa ɓɔɔ zunung ɓɔɔ ta yuu ɓiɓɛ katɔ, wu vɔ kpang ɓɛɛ. A Laa tãa wu ka ɓɔɔ wisi wu paa nɛɛ saa ɓɛɛ, ka ruu ɓɔɔ, tuu yuu ɓiɓɛ kpang, a ti a Laa yuu ɓiɓɛ katɔ ɓɛɛ.

Yahuza 1:20

Rɛɛ masang ɓɔɔ manɛ, nɔɔ pálɛ́ vuu ɓɔɔ shingnɛ nɔɔ daa manɛ nɛɛ tĩng kɔ jong ka danggn kɔ nɔɔ shing ka bii Laa ɓee. Suru Laa wu a nɔɔ naa, nɔɔ gaa Laa.