Luka 10:7 - Nyaa Shɔɔ Ɓɔɔ Laa a Ɓɛɛ

⁷ Nɔɔ nwang ka gãa gbete kaɓa kɔ, nɔ́ɔ shaa vuu, nɔ́ɔ ti ɓoo mii ɓoonang ɓɔɔ ri a nɔɔ ɓɛɛ. Ka ruu ɓɔɔ, zang sɔ̀ɔrɔ́ zang shonang doo ɓi katɔ ɓɛɛ. Nɔ́ɔ dɔ̃sɔ gãa kpang.

Luka 10:7 Σταυροειδείς Αναφορές

Maraku 6:10

A ti kɔɔ ri tɔɔ, “Gãa ɓɔɔ nɔɔ nɛɛ daa kagn piti, nɔ́ɔ nwang ka nɔngkɔ, diki ɓɔɔ nɔɔ seepaa nɛɛ nɔng kaɓa wu a nɛɛ mani.

Luka 10:6

Naa zang ɓɔɔ shing jĩng ka nwannang tɔ̃ɔ nɛɛ kagn gãa kaɓa, naa nwang ditɔ naa ɓɔɔ nɔɔ kɔɔ ɓɛɛ. Naa zang kaɓa kagn kpang naa nwang nɔngkɔ kpang.

Luka 9:4

Gãa ɓɔɔ nɔɔ hãa nyaa kagn, nɔɔ nwang ka nɔngkɔ, diki ɓɔɔ nɔɔ dɔ̃sɔ ka nɔng ɓɔɔgn wu a nɔng.

Zang Shonang Yeesɔ 16:15

Zang palɛ wu batizima tɔ, nɛɛ zang ɓɔɔ ri ka gãa ɓiɓɛ, a gaa ruu nɛɛ, “Nɔɔ nɛɛ zi tɔ nɛɛ n zang ɓɔɔ shing danggn tɔ ka bii Laa, nɔɔ a ta ka gãa mɛɛ nɔɔ nwang ka nɔng.” Yi ruu tĩng ka bii, a ruu kasɛ kati.

Zang Shonang Yeesɔ 16:34

A see Bulu nɛɛ Siila daa nɛɛ ri ka gãa ɓiɓɛ. Daa a ri vuu shaanang nɛɛ ri shaayi. Wu nɛɛ zang ɓɔɔ ka gãa ɓiɓɛ nandon, ri tãa tĩnang dɔɔli, ka ruu ɓɔɔ, ri shing danggn tɔ, ka bìí Laa ɓɛɛ.

Zang Shonang Yeesɔ 16:40

Bulu nɛɛ Siila ri nwangnɛ yeti sãa ri daa ka gãa Lidiya. Ri ĩi zang ɓɔɔ ri dũng Laa ka nɔng, a ri rang zang ruu ɓɔɔ mã ri danggn ɓɛɛ, a ri daa kati.

Galati 6:6

Zang ɓɔɔ zang kpɛ̃̀ɛrɛ́ wu ruu gbalang Laa dũnnang, wu basɛ vuu tɔ̃ɔ ɓɔɔ ka naa ɓiɓɛ nɛɛ zang ɓɔɔ kpɛ̃ɛrɛ wu ɓɛɛ.

1 Timoti 5:13

Naa ti nɔngkɔ kpang, ri si kaa rang, ri kɔng kaa bii ɓɔɔ ri rakɛ ka gãa gãa ɓɛɛ. Bɛ̀ɛ́ ri gaa kaa yuu zang rannang, ri ti ràngkɛ́ yee kaa yuu vuu ɓɔɔ ruu ɓarɛ hãa kagn kpang ɓɛɛ.

2 Timoti 2:6

Zang ɓɔɔ lang jaa, ɓɔɔ palɛ shonang gbãng gbãng, zang wu a wukɔ vuu shaanang ɓɔɔ zang walɛ ka jaa, shɔɔnang.