Luka 10:34 - Nyaa Shɔɔ Ɓɔɔ Laa a Ɓɛɛ

³⁴ A daa ka bii ɓiɓɛ daa sɔɔ wu nyaa vuu waa, nwãa nung kagn, a kãng kati. A tuu wu, shing wu ka dakn seesaa ɓiɓɛ a daa kaa nɛɛ wu ka gãa ɓɔɔ zang zanti ɔ̃sɔ kagn ɓɛɛ, a gãng jĩng ka wu ka nɔngkɔ.

Luka 10:34 Σταυροειδείς Αναφορές

Maraku 14:8

Palɛ ɓi vuu ɓɔɔ wu zunung katɔ ɓɛɛ. Tũuru m ɓi kaa nung ɓɔɔ zang nɛɛ naa tũuru vɔrɔ mɛɛ, tɔ̀ɔ, zang gbãa kati kɔ nwani.

Luka 10:33

“A yɔɔ Samariya ɓɔɔ tɔ̀ɔ wu daa zanti sɔɔ gbalang kaɓa, arɛ naa kpaa jĩng ka wu ka tipi, a gn ɓiɓɛ kɔng wu.

Luka 10:35

Nɔng naa gãntɛ, a sèe saka ɓɔɔ zang ɓaa nɛɛ dinari ɓɛɛ ziti, a zang gãa, a kɔɔ wu tɔɔ, ‘Yi m zang kɔnang keɓe naa jong ka bii. Vuu ɓɔɔ mɔɔ nɛɛ ningsi ka yuu ɓiɓɛ piti, n nɛɛ naa gbãayu tɔ, ń naa sɔ̀ɔrɔ̀ mɔɔ.’ ”

Luka 2:7

a yi jamari ɓiɓɛ kaa zang varɛ, leng wu nɛɛ sɛ̃ɛ fɔ̃ɔrɔ ɓɔɔ zang leng jaa rɛ̃ɛting nɛɛ mani ɓɛɛ. A wɔɔ wu ka yeti vuu ɓɔɔ zang tɛ̃ɛ vuu vaa vuu shaanang kagn ɓɛɛ. Ka ruu ɓɔɔ, ri walɛ gãa ɓɔɔ ri roo kagn ka nɔng ɓɔɔ zang shing zang zanti kpang ɓɛɛ.

Rooma 12:20

Labeenang Laa kɔɔyi tɔɔ, “Nyɔkɔ nɛɛ nyɔ zang ɓɔɔ shing jĩng nɛɛ mɔɔ kpang, a wu ɓaa vuu shaanang kɔ jong. Sutu nɛɛ mãa wu, a wu mii wu ɓooyi. Mɔɔ nɛɛ palɛ tɔ nɔngkɔ, yusɛ̃ɛ tuu wu dɔɔli, kɔng wu naa ɓɔɔ zang tɛ̃̀ɛ wu sheleng waa ka yuu ɓɛɛ”.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.