Luka 1:79 - Nyaa Shɔɔ Ɓɔɔ Laa a Ɓɛɛ

⁷⁹ Wu yakɛ nɔng kati. Tɔ̀ɔ, zang ɓɔɔ ri nwang ka nɔng ɓɔɔ tɔ̀ɔ katɔ, nɛɛ zang ɓɔɔ ri nwang ka nɔng vɔrɔ ɓɔɔ tɔ̀ɔ katɔ, ri zi nɔng kati. Wukɔ naa tusu ruu gbalang ɓɔɔ ruu nwang nɛɛ Laa waasɛ̃ ɓɛɛ.”

Luka 1:79 Σταυροειδείς Αναφορές

Matiyu 4:16

Zang keɓe piti ri nwang ka nɔng ɓɔɔ tɔ̀ɔ katɔ, a ri zi nɔng yakɛnang ɓɔɔ bang tɔ. A zang ɓɔɔ ri kaa vɔrɔ, vɔrɔ diki diki, nɔng yakɛnang nwang nyaa tɔ ka ri.”

Luka 2:32

Wukɔ naa nwang nɔng yakɛnang ɓɔɔ tusu zang ɓɔɔ ri zi kpang, vuu ɓɔɔ mɔɔ kasɛ ɓɛɛ. Wu ti naa shing zang, zang a zang ɓaaɓɛ Isirela bannang.”

Yɔhana 1:9

Wee kɔ, zang ɓɔɔ yàkɛ́ nɔng ɓɔɔ niizang ɓɛɛ kɔ, ɓɔɔ a ka koo naa yàkɛ́ nɔng, tɔ̀ɔ, shɔnzang nandon ri zi vuu kaa waasɛ̃ ɓɛɛ.

Yɔhana 12:46

N a ka koo keɓe, tɔ̀ɔ n yakɛ zang nɔng, tɔ̀ɔ zang ɓɔɔ nɛɛ shing danggn ka bii mɛɛ wu nwang tɔ̀ɔ́ nɔng ɓɔɔ tɔ̀ɔ katɔ kpang.

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Yɔhana 9:5

Wee n doo ka koo ɓee, nkɔ yakɛ koo.”

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Rooma 3:17

Ri zunung ɓɔɔ ri shing zang, zang ri nwang ka nyaa zɔɔ ɓɛɛ kpang.

Afisa 5:8

Ɓeleng bɛ̀ɛ́ nɔɔ nwang ka nɔng ɓɔɔ tɔ̀ɔ katɔ ɓɛɛ, a wee nɔɔ raa zang Kpanti Yeesɔ tɔ ɓee, nɔɔ manɛ kaa nɔng ɓɔɔ yakɛ katɔ ɓɛɛ. Ka ruu nɔngkɔ, nɔɔ nwang nwannang manɛ kaa naa zang ɓɔɔ ri ɓarɛ kaa zang nɔng ɓɔɔ yakɛ katɔ ɓɛɛ.