Luka 1:46 - Nyaa Shɔɔ Ɓɔɔ Laa a Ɓɛɛ

⁴⁶ A Marayamu kɔɔyi tɔɔ, “N dɔɔ Kpanti Laa kana yeti mɛɛ.

Luka 1:46 Σταυροειδείς Αναφορές

Rooma 5:11

Wu wee kɔ shɛ̃ɛning kpang. Laa shingnɛ nɛɛ, ruu tãa tĩnang nɛɛ bii Kpanti ɓuru Yeesɔ Kirisi ɓɔɔ shing ruu tɔ kãntang ruu kaa wusang Laa ɓee.

1 Koranti 1:31

Ka ruu nɔngkɔ, naa ɓɔɔ zang bee ka yeti labeenang Laa nɛɛ, “Zang ɓɔɔ nɛɛ tɔɔ wu rangkɛ yee bang bang ka yuu ɓiɓɛ, wu rangkɛ yee bang bang ka yuu vuu ɓɔɔ Laa palɛ ɓɛɛ.”

2 Koranti 2:14

Ruu zãa Laa tɔ, ka ruu ɓɔɔ, sɔ̀ɔ́ ruu tĩng diki diki, a ruu ɓa Sheetang yuu tɔ, ka ruu ɓɔɔ, ruu ɓakɛ yuu tɔ nɛɛ Yeesɔ Kirisi ɓɛɛ. A ti shingnɛ, zang tãlɛ yee ɓiɓɛ nɛɛ nɔng piti piti nɛɛ bìí ɓuru, naa ɓɔɔ vuu ɓɔɔ á sɛ̃ɛ tɔ̃ɔ, tálɛ̀ nɔng ɓɛɛ.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Filipi 4:4

Nɔɔ ɓɔɔ nɔɔ ɓakɛ yuu tɔ nɛɛ Kirisi ɓɛɛ, nɔɔ tãa tĩnang diki diki. N paasɛ nɔɔ kɔɔnang tɔkn, nɔɔ tãa tĩnang.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

1 Bituru 1:8

Nɔɔ zi Yeesɔ gngn nɛɛ jĩng manɛ kpang, nɔɔ kasɛ ruu ɓiɓɛ doo nɛɛ mani, a nɔɔ ti shing danggn tɔ ka bii ɓiɓɛ, ka ruu nɔngkɔ, nɔɔ tã̀a tĩnang ka yeti manɛ dɔɔli ɓa ɓɔɔ zang kɔ̀ɔ́ nɛɛ nyaa ɓɛɛ katɔ.