Luka 1:3 - Nyaa Shɔɔ Ɓɔɔ Laa a Ɓɛɛ

³ Ka ruu nɔngkɔ, n pɛ̃ɛrɛ, n tɔɔ naa n bèé mɔɔ vuu keɓe, gbete, gbete, tɔ̃ɔ tɔ̃ɔ, wukɔ tɔ̃ɔ, ka ruu ɓɔɔ, n tãa tɔ, n ti kãa dĩiri ruu keɓe tɔ tɔ̃ɔ tɔ̃ɔ ɓɛɛ.

Luka 1:3 Σταυροειδείς Αναφορές

Luka 1:1

N jee mɔɔ nyaa Dabang Tiyofilu. Mɔɔ zi tɔ nɛɛ zang dɔɔli ri bee vuu ɓɔɔ zang palɛ ka teteng ɓuru tɔ,

Zang Shonang Yeesɔ 1:1

Dabang Tiyofilu, ka yeti labeenang mɛɛ ɓɔɔ tĩng shɔɔnang, n bée vuu ka yuu vuu ɓɔɔ Yeesɔ pálɛ́ a ti tusu ɓɛɛ nandon. N gaayu nɛɛ vuu ɓɔɔ wu gaayu palɛnang,

Zang Shonang Yeesɔ 11:4

A Bituru kɔɔ ri ruu bìí kaa nandon nɛɛ naa ɓɔɔ gaayu ɓɛɛ tɔɔ:

Zang Shonang Yeesɔ 15:19

“Ka ruu nɔngkɔ, n kɔɔ nɔɔ, rúu kpãa zang ɓɔɔ ri zang Isirela kpang, ɓɔɔ ri a ka bii Laa ɓɛɛ kpang.

Zang Shonang Yeesɔ 15:25

Ka ruu nɔngkɔ, ruu kpalɛ zɔɔ, a nyaa ɓuru daa gbete, nɛɛ ruu shɛ̃ɛrɛ zang, ruu shong ri ka bii manɛ. Ri daa nɛɛ rɛɛ wusang ɓuru Baranaba nɛɛ Bulu,

Zang Shonang Yeesɔ 15:28

Nyaa ɓuru daa gbete nɛɛ Suru Laa nɛɛ ruu gisi nɔɔ vuu ɓɔɔ tɔ̀ɔ́ ka yuu rɛɛ vuu ɓɔɔ daa naa ɓɔɔ nɔɔ palɛ katɔ ɓɛɛ kpang.

Zang Shonang Yeesɔ 18:23

Nwang tɔ ka nɔngkɔ, diki bee tɔ tɔkɔlɔng a yaa nɔng kaɓa, daa ka rɛɛ tipi Galati nɛɛ tipi Fijiya, dàa mã rɛɛ zang ɓɔɔ ri dũng Laa danggn.

Zang Shonang Yeesɔ 23:26

Nkɔ Kaladiyu Lisiya, n bee mɔɔ zang bang Gɔmna Filiku labeenang keɓe. N jee mɔɔ nyaa.

Zang Shonang Yeesɔ 24:3

Zang tipi keɓe ri ta vuu keɓe tɔ ka nɔng piti piti. Ruu kɔɔrɔ ruu vuu keɓe diki diki, a ruu ti zã̀a mɔɔ tɔ gbãng gbãng.

Zang Shonang Yeesɔ 26:25

A Bulu kasɛ Fesitu nyaa tɔɔ, “Zang bang, yuu mɛɛ risi ka takpang, ruu kɔ n kɔɔ ɓee ɓi niizang kɔ nwani.

1 Koranti 16:12

Ka ruu jaa nàá ɓuru Apolo, n gàarɛ́ wu gbãng gbãng nɛɛ wu dũng zang ɓɔɔ ri dũng Laa, wu naa leng jĩng ka nɔɔ. A pɛ̃ɛrɛ ka jĩng ɓiɓɛ nɛɛ daa naa ɓɔɔ wu a kãntang gn kpang. Nɛɛ walɛ gbalang tɔ, a ditɔ ka nɔng manɛ.

1 Koranti 7:40

Ɓɔɔ n zi ka yeti mɛɛ, naa jaa soro kaɓa gee varɛ ɓɔɔ kpang, tãa tĩnang ɓa ɓɔɔ wu nɛɛ gee varɛ ɓɔɔgn katɔ. N zi tɔ, Suru Laa kɔ tusu m vuu kɔ n kɔɔ ɓee.

1 Timoti 4:6

Naa mɔɔ kɔɔ rɛɛ ɓaazung, ɓɔɔ ri dũng doo Laa kɔ ruu keɓe diki diki, mɔɔ nwang zang shonang tɔ̃ɔ ɓɔ̀ɔ́ Yeesɔ Kirisi. Mɔɔ ti alɛ ɓaa suru bii ɓaaɓɛ ruu niizang ɓɔɔ zang kɔ̀ɔ́ ka yuu danggn shinnang, nɛɛ vuu ɓɔɔ zang tùsù mɔɔ, a mɔɔ yiti gbãng gbãng ɓɛɛ.