Luka 1:1 - Nyaa Shɔɔ Ɓɔɔ Laa a Ɓɛɛ

¹ N jee mɔɔ nyaa Dabang Tiyofilu. Mɔɔ zi tɔ nɛɛ zang dɔɔli ri bee vuu ɓɔɔ zang palɛ ka teteng ɓuru tɔ,

Luka 1:1 Σταυροειδείς Αναφορές

Maraku 16:20

A zang ɓɔɔ ri mantɛ vuu ka bii Yeesɔ ri daa kati, ri daa rang yee Laa kaa nɛɛ nɔng piti, piti. A Kpanti Yeesɔ ti palɛ shonang nɛɛ ri ning. Tusu zang nɛɛ yee ɓɔɔ zang ɓɔɔ ri mantɛ vuu ka bii ɓiɓɛ ri rangnɛ, ɓi niizang kɔ nwani. Ka ruu ɓɔɔ, zang zi ka vuu ɓɔɔ ri palɛ ɓɔɔ zang zirɛ zang mã naa ka danggn ɓɛɛ.]

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Rooma 14:5

Zang ɓɔɔ kɔɔ ɓi nɛɛ, diki keɓe ɓa diki ɓɔɔ nimbang katɔ. Zang ɓɔɔ ti kɔɔ ɓi nɛɛ diki piti ɓi gbete. Zang ɓɔɔ wu rɛ̃rɛ ka yeti ɓiɓɛ waasɛ̃, ka yuu vuu ɓɔɔ wu shing gn nɛɛ tɔ̃ɔ ɓɛɛ.

Rooma 4:21

Zi ɓi tɔ gbãng gbãng ka yeti ɓiɓɛ, nɛɛ Laa zunung ɓɔɔ wu palɛ vuu ɓɔɔ wu a nyaa ɓɛɛ katɔ.

Kolosi 2:2

N palɛ nɔngkɔ, tɔ̀ɔ, ń mã ri danggn kati. Tɔ̀ɔ zɔɔ kasɛnang ɓarɛ wu ɓakɛ ri yuu kaa nɔng gbete, tɔ̀ɔ ri zi vuu ɓɔɔ kagn ɓɛɛ kaa nyaa kiiri. Ri ti zi vuu ɓɔɔ Laa waasɛ katɔ keɓe, ɓɔɔ ɓi wukɔ Kirisi ɓɛɛ.

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

1 Tesalonika 1:5

Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔɔ nɔɔ ɓɛɛ, ruu kɔɔ wu nɛɛ nyaa waati kpang. Laa a ruu naa vuu palɛnang ɓiɓɛ tɔ nɛɛ Suru ɓiɓɛ, a ruu ti shing danggn tɔ gbãng gbãng ka yuu Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔ̀ɔ nɔɔ ɓɛɛ. Nɔɔ zi zɔ̃ng nwannang ɓɔɔ ruu nwangnɛ, ɓɔɔ bɛ̀ɛ́ ruu doo nɛɛ nɔɔ ɓɛ̀ɛ́ tɔ. Ruu palɛ vuu keɓe nandon ruu tɔɔ ruu yi nɔɔ naa ka bii.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

2 Timoti 4:17

A Yeesɔ Kirisi yáa m kaa takpang, a m kaka, a n zunung ɓɔɔ n kɔɔrɔ zang Ruu Laa nandon. Tɔ̀ɔ, zang ɓɔɔ ri zang Yahudi kpang, ri tãa kati. A Laa tá m nɛɛ naa zang ɓɔɔ nɛɛ ri nyɔ m vɔrɔ ɓɛɛ.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 6:11

Rùu kasɛ zang ɓu ka teteng manɛ wu shing yuu kagn, diki ɓɔɔ koo waa nyaa wu a nɛɛ mani. Tɔ̀ɔ, wu wàlɛ̀ vuu ɓɔɔ wu shing gn kagn ɓɛɛ kati.