Yɔhana 9:5 - Nyaa Shɔɔ Ɓɔɔ Laa a Ɓɛɛ

⁵ Wee n doo ka koo ɓee, nkɔ yakɛ koo.”

Yɔhana 9:5 Σταυροειδείς Αναφορές

Matiyu 4:16

Zang keɓe piti ri nwang ka nɔng ɓɔɔ tɔ̀ɔ katɔ, a ri zi nɔng yakɛnang ɓɔɔ bang tɔ. A zang ɓɔɔ ri kaa vɔrɔ, vɔrɔ diki diki, nɔng yakɛnang nwang nyaa tɔ ka ri.”

Matiyu 5:14

“Nɔkɔ nɔng yakɛnang ka koo keɓe. Gãa ɓɔɔ zang mãa ka nɔng dɛɛrɛ, waasɛ bii ɓi jong kpang.

Luka 2:32

Wukɔ naa nwang nɔng yakɛnang ɓɔɔ tusu zang ɓɔɔ ri zi kpang, vuu ɓɔɔ mɔɔ kasɛ ɓɛɛ. Wu ti naa shing zang, zang a zang ɓaaɓɛ Isirela bannang.”

Yɔhana 12:46

N a ka koo keɓe, tɔ̀ɔ n yakɛ zang nɔng, tɔ̀ɔ zang ɓɔɔ nɛɛ shing danggn ka bii mɛɛ wu nwang tɔ̀ɔ́ nɔng ɓɔɔ tɔ̀ɔ katɔ kpang.

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Zang Shonang Yeesɔ 13:47

Ka ruu ɓɔɔ, Laa kɔɔ rùu tɔɔ, ‘N shing mɔɔ, mɔɔ nwang vuu ɓɔɔ yakɛ nɔng ka teteng zang ɓɔɔ ri zi Laa kpang ɓɛɛ, tɔ̀ɔ, mɔɔ nwang zang ɓɔɔ shing zang, Laa ta yuu zang ɓɛɛ, ka nɔng ɓɔɔ koo waa nyaa piti.’ ”

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Zang Shonang Yeesɔ 26:23

Ri kɔɔyi tɔɔ Kirisi naa dang jĩng ditɔ, wukɔ ti naa yupaa shɔɔnang nɛɛ saa, wu kɔɔ rɛɛ zang Isirela nɛɛ zang ɓɔɔ ri zang Isirela kpang ruu nɔng yakɛnang ɓɔɔ a zang suru bii ɓɛɛ.”

Afisa 5:14

Ka ruu ɓɔɔ, vuu ɓɔɔ zang zi katɔ piti, nwang ɓi naa nɔng yakɛnang ɓɛɛ. Ka ruu nɔngkɔ, zang kɔɔyi nɛɛ, “Hingsi jĩng, zang ɓɔɔ roo katɔ ɓɛɛ, a mɔɔ yupaa ka vɔrɔ, Kirisi wu yakɛ nɔng ka yuu ɓaaɓɛ.”

Vuu ɓɔɔ zang nwangsɛ Yɔhana 21:23

Ruu zang gari kaɓa hãa ɓi kagn nɛɛ laa nɛɛ shala kpang, ka ruu ɓɔɔ, bannang Laa yakɛ nɔng ka nɔng kaɓa a Jaa Mɛ̀ɛrɛ́ ti nwang naa waa zàáng sɔɔ ɓɔɔ yakɛ gari kaɓa ɓɛɛ.