Yɔhana 9:3 - Nyaa Shɔɔ Ɓɔɔ Laa a Ɓɛɛ

³ Yeesɔ kɔɔ ri tɔɔ, “Wu yɔɔ kɔ palɛ vuu shi kpang, kpang, wu ti rɛɛ zang ɓɔɔ ri yi wu ɓɛɛ kpang. Zang yi wu jĩng ringtang, tɔ̀ɔ, zang zi naa vuu palɛnang Laa, ka ɓɔɔ palɛ shonang ka bii yɔɔ ɓɛɛ.

Yɔhana 9:3 Σταυροειδείς Αναφορές

Matiyu 11:5

Zang jĩng ringtang ri zi nɔng kana, zang ɓɔɔ kàa katɔ ri ti ra kana, a kɔnang zang vuu bii ti yaa ri nɔng kana. Zang ɓɔɔ shoo gbooto ri ti tãa nɔng kana, n ti wisi zang ɓɔɔ ri vɔlɔ ɓɛɛ paa kana. Zang ti rǎng zang ɓɔɔ vuu ka naa kpang Ruu Tɔ̃ɔ Laa kana.

Yɔhana 11:4

Ɓɔɔ Yeesɔ tãa ruu keɓe, kɔɔyi tɔɔ, “Kɔnang keɓe nyɔ wu vɔrɔ kpang. Vuu keɓe pálɛ̀ nɔngkɔ, tɔ̀ɔ, wu tusu zang bannang Laa, wu ti tusu zang bannang Jaa Laa kaa jong.”

Yɔhana 11:40

Yeesɔ kɔɔ wu tɔɔ, “N kɔɔ mɔɔ kpang nɛɛ, naa mɔɔ shing danggn mɔɔ zi bannang Laa katɔ kpang ya?”

Zang Shonang Yeesɔ 28:4

Ɓɔɔ zang gari Malita ri zi sɔkɔ ka naa Bulu, ri kɔɔrɔ zɔɔ tɔɔ, “Yɔɔ kaɓa zang ɓɔɔ nyɔkɔ zang vɔrɔ ɓɛɛ. Wɔ tɔ nɛɛ waapo, shi kpang ɓɔɔ wu palɛ zang dṹng wu doo naa, vɔ ditɔ nɛɛ mani.”

Zang Shonang Yeesɔ 4:21

Zang ɓɔɔ ri jɛ̃ɛ zang ruu, ri dàng ri nyaa gbãng gbãng, a ri yaa ri naa. Ri zi vuu ɓɔɔ ri dang ri jĩng kagn kpang, ka ruu ɓɔɔ, zang nandon ri dɔɔ Laa kana ka ruu vuu ɓɔɔ Laa palɛ ɓɛɛ.

1 Yɔhana 4:16

Ruu zi naa ɓɔɔ Laa kasɛ ruu tɔ ka yeti ɓuru, a ruu ti shing gn ka ruu zang kasɛnang ɓiɓɛ keɓe katɔ. Kasɛ ruu zang ɓi katɔ. Zang ɓɔɔ kasɛ ruu zang katɔ sasak, nwàng ɓi nɛɛ Laa, a Laa ti nwàng ɓi kagn yeti ɓiɓɛ.

1 Yɔhana 4:9

Laa tusu ruu naa ɓɔɔ wu kasɛ ruu ɓuru ka Jaa gbete ɓiɓɛ ɓɔɔ wu shong ka koolaa ɓɛɛ. Laa shong wu nɛɛ tɔɔ ruu walɛ suru bii ɓɔɔ waa nyaa kpang ka bii ɓiɓɛ.