Yɔhana 8:51 - Nyaa Shɔɔ Ɓɔɔ Laa a Ɓɛɛ

⁵¹ N kɔ̀ɔ́ nɔɔ, ruu ɓɔɔ niizang kɔ nwani, zang ɓɔɔ nɛɛ yiti ruu mɛɛ ka yeti ɓiɓɛ vɔ kpang dòndòng.”

Yɔhana 8:51 Σταυροειδείς Αναφορές

Matiyu 16:28

N kɔɔ nɔɔ ruu ɓɔɔ niizang kɔ nwani, zang dɔɔli ka teteng zang keɓe, ri vɔ kpang. Ri zi naa ɓɔɔ Jaa Shɔnzang naa a ka yeti bannang kpanti roonang ɓiɓɛ ka gbongkarɛ.”

Luka 2:26

Suru Laa ti kɔɔ wu nɛɛ wu zi Kirisi zang ɓɔɔ Laa tɔɔ arɛ naa ta yuu zang ka gbongkarɛ tɔɔ wu vɔrɛ.

Yɔhana 14:23

Yeesɔ kasɛ wu nyaa tɔɔ, “Zang ɓɔɔ nɛɛ kasɛ m katɔ, dũng vuu ɓɔɔ n tusu katɔ. Daa mɛɛ kasɛ wu katɔ. Ruu ti a nɛɛ Daa mɛɛ ka bii ɓiɓɛ ruu nwáng nɛɛ wu.

Yɔhana 15:20

Danggn wu ning nɔɔ vuu ɓɔɔ n kɔɔ nɔɔ ɓee kpang. N kɔɔ nɔɔ nɛɛ, ‘Zang shonang ɓɔɔ ɓa dabang gãa ɓiɓɛ katɔ ɓi kagn kpang.’ Zang ɓɔɔ ri dang m jĩng, ri naa dang nɔɔ jĩng doo katɔ kɔ. Ri nɛɛ ɓaa shoo ka vuu ɓɔɔ n tùsù ri, ri naa ɓaa shoo katɔ ka ɓɔɔ manɛ kɔ doori.

Yɔhana 17:6

“N tùsù zang ɓɔɔ mɔɔ a m ri ka teteng zang ɓɔɔ ka koo keɓe, mɔɔ tɔ. Ri ɓarɛ zang ɓaaɓɛ, a mɔkɔ a m ri kati. Ri dũng ruu ɓaaɓɛ tɔ.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Yɔhana 6:50

Borodi ɓɔɔ a nɛɛ lapa keɓe, naa zang ɓɔɔ shaayi, vɔ takpang.

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Yɔhana 8:52

Ɓɔɔ zang Yahudi ri tãa naa weɓe, ri tɔɔ, “Ruu zi tɔ kati, suru shi kpang kagn bii ɓaaɓɛ. Ibirayi vɔ tɔ, nɛɛ rɛɛ zang nyaa shonang Laa piti, mɔɔ kɔɔ ruu ɓáa nɛɛ zang ɓɔɔ nɛɛ yiti ruu ɓaaɓɛ ka yeti ɓiɓɛ, vɔ kpang ya?

Yɔhana 8:55

Nɔɔ zi wu gngn kpang, n zi wu m tɔ. Naa n kɔɔyi nɛɛ n zi wu kpang, n nwáng kaa zang sèé naa nɔkɔ. N zi wu m tɔ, n ti ta nyaa ɓiɓɛ kpang.

Yahudi 11:5

Danggn shinnang Ɛnɔk shingnɛ, Laa tuu wu nɛɛ koo keɓe ningkãari, daa nɛɛ wu ka lapa. A zang ĩi wu kaa takpang, ka ruu ɓɔɔ, Laa tuu wu tɔ ɓɛɛ. Ka ɓɔɔ bɛ̀ɛ́ zang tuu wu gn kpang, zang kɔɔ ruu tɔ̃ɔ ka yuu ɓiɓɛ nɛɛ Laa tãa tĩnang ɓiɓɛ katɔ.

Yahudi 2:9

A ruu zirɛ, Yeesɔ ɓɔɔ zang shíng wu zang nyaa shonang Laa ɓɔɔ ri ka lapa ri ɓá wu, a diki bee kaa takpang ɓee, zang a wu bannang nɛɛ dɔɔnang ka ruu jĩng ɓɔɔ wu dangnɛ a vɔrɛ ɓɛɛ. Vuu keɓe piti ɓi ka ruu tɔ̃ɔ ɓɔɔ Laa palɛ zang ɓɛɛ, shingnɛ Yeesɔ tãa naa ɓɔɔ vɔrɔ nwang ɓɛɛ ka nung zang piti.