Yɔhana 8:26 - Nyaa Shɔɔ Ɓɔɔ Laa a Ɓɛɛ

²⁶ Vuu ɓɔɔ n kɔ̀ɔ́ ka yuu manɛ kagn dɔɔli, ɓɔɔ n dɔng nɔɔ ruu ka yuu ɓiɓɛ ɓɛɛ. Zang ɓɔɔ shong m suu sèé ɓi kpang, n ti kɔɔ zang koo keɓe m vuu ɓɔɔ n tãa ka nyaa ɓiɓɛ ɓɛɛ.”

Yɔhana 8:26 Σταυροειδείς Αναφορές

Yɔhana 15:15

N ɓàa nɔɔ tɔ̀ɔ́ nɛɛ nɔɔ zang ɓɔɔ ri pàlɛ́ m shonang kpang, ka ruu ɓɔɔ, zang ɓɔɔ pàlɛ́ zang shonang zi vuu ɓɔɔ dabang gãa ɓiɓɛ palɛ kpang ɓɛɛ. N ɓáa nɔɔ nɛɛ, rɛɛ masang, ka ruu ɓɔɔ, n kɔ̀ɔ nɔɔ vuu ɓɔɔ n tãa ka nyaa Daa mɛɛ tɔ nandon ɓɛɛ.

Yɔhana 16:12

“Vuu ɓɔɔ n nɛɛ kɔ̀ɔ́ nɔɔ doogn dɔɔli, nɔɔ zunung danggn mãnang gn naa ɓɔɔ nɔɔ ta ɓɛɛ kpang.

Yɔhana 17:8

N kɔɔ ri nyaa ɓɔɔ mɔɔ shong m nɛɛ mani tɔ, a ri ti ta tɔ. Ri zi tɔ kati nɛɛ n a nɛɛ bii ɓaaɓɛ kɔ niizang. A ri ti shing danggn tɔ nɛɛ mɔkɔ shong m.

Yɔhana 18:20

Yeesɔ kasɛ wu nyaa tɔɔ, “N waa m katɔ n tùsù zang koo vuu kpang. Vuu ɓɔɔ n tusu piti, n tusu m ka gãa zɔɔ kpalɛnang, a ɓɔɔ ka yeti Gãa Laa. Nɔng ɓɔɔ zang Yahudi nandon ri kpalɛ kagn ɓɛɛ. N kɔ̀ɔ vuu ɓɔɔ m gngn nɛɛ nwĩiri kpang.

Yɔhana 3:11

N kɔ̀ɔ́ mɔɔ ruu ɓɔɔ niizang kɔ nwani, rùu ráng yee ɓuru, ka yuu vuu ɓɔɔ ruu zi tɔ ɓɛɛ. Ruu ti kɔ̀ɔ́ ɓuru vuu ɓɔɔ ruu zi nɛɛ jĩng ɓuru ɓɛɛ, a mɔɔ ta vuu ɓɔɔ ruu kɔɔ ɓɛɛ kpang.

Yɔhana 7:16

Yeesɔ kɔɔ ri tɔɔ, “Vuu ɓɔɔ n tusu keɓe, ɓi ɓɔɔ yuu mɛɛ kpang, a ɓi nɛɛ bii Laa ɓɔɔ wukɔ shong m ɓɛɛ.

Yɔhana 7:28

Yeesɔ tusu zang vuu kana ka Gãa Laa, a mɛɛ nyaa ka lapa nɛɛ, “Nɔɔ zi m tɔ, a nɔɔ ti zi nɔng ɓɔɔ n a nɛɛ mani tɔ. N a m anang yuu mɛɛ kpang. Zang ɓɔɔ shong m ɓi niizang kɔ nwani. Nɔɔ zi wu kpang.

Yɔhana 8:25

Ri hɛ̃ɛ wu nɛɛ, “Mɔkɔ ɓu wiya?” Yeesɔ kɔɔ ri tɔɔ, “Nkɔ zang ɓɔɔ n kɔɔ nɔɔ doo ka tĩng nɛɛ nkɔ wukɔ ɓɛɛ.

Yɔhana 8:27

Ri zi ɓarɛ kpang nɛɛ Yeesɔ rang ri yee ɓi ka yuu Laa ɓɔɔ wukɔ Daa ɓɛɛ kpang.

Yɔhana 8:40

Kãntang keɓe, nɔɔ kãa gbalang nɛɛ nɔɔ nyɔ m vɔrɔ, ɓɔɔ nkɔ zang ɓɔɔ kɔɔ nɔɔ ruu ɓɔɔ niizang ɓɔɔ n tãa ka nyaa Laa ɓɛɛ. Ibirayi pálɛ̀ rɛɛ vuu ɓɔɔ naa weɓe ɓi kpang.

2 Koranti 1:18

Nɔɔ zi tɔ nɛɛ Laa suu sèé ɓi kpang. Doo nɔngkɔ, ruu ɓɔɔ ruu kɔ̀ɔ nɔɔ, ɓi ruu ɓɔɔ zang kɔɔ nɛɛ, “Nn” zang ti kɔ̃sɔ nyaa nɛɛ, “Kpang” ka làa gbete kpang.