Yɔhana 8:21 - Nyaa Shɔɔ Ɓɔɔ Laa a Ɓɛɛ

²¹ Yeesɔ kɔɔ zang ɓɔɔ ri kpalɛ zɔɔ nɛɛ, “N daa kaa tɔ, nɔɔ naa kãa m, nɔɔ vɔ nɛɛ vuu shi kpang manɛ ning. Nɔng ɓɔɔ n daa gn, nɔɔ daa manɛ kpang.”

Yɔhana 8:21 Σταυροειδείς Αναφορές

Matiyu 23:39

N kɔɔ nɔɔ tɔɔ, nɔɔ naa paasɛ m zinang tɔkn, nɔɔ nɛɛ naa kɔɔ tɔ nɛɛ, ‘Laa wu a zang ɓɔɔ a ka nung Kpanti Laa tĩnang tãanang ɓɛɛ.’ ”

Matiyu 25:41

“A naa kɔ̀ɔ́ zang ɓɔɔ ka naa nagang ɓiɓɛ nɛɛ, ‘Zang ɓɔɔ Kpanti Laa ku nɔɔ nyaa tɔ ka bii, ka ruu vuu shi kpang manɛ ɓɛɛ, nɔɔ dita yeti waa ɓɔɔ Laa palɛ ka ruu Kpanti suru shi kpang nɛɛ zang nyaa shonang ɓiɓɛ ɓɛɛ.

Matiyu 25:46

“Ri naa daa ɓarɛ ka nɔng jĩng dannang ɓɔɔ waa nyaa kpang ɓɛɛ. A zang ɓiɓɛ kaɓa, ri naa wàlɛ́ ɓarɛ kaa suru bii ɓɔɔ waa nyaa kpang ɓɛɛ.”

Yɔhana 12:33

Ɓɔɔ kɔɔ naa weɓe, gãsɛ ɓi zɔ̃ng vɔrɔ ɓɔɔ wu naa vɔ ɓɛɛ.

Yɔhana 12:35

Yeesɔ kasɛ ri nyaa tɔɔ, “Nɔng yakɛnang nwàng doo ka teteng manɛ diki bée katɔ tɔkɔlɔng. Nɔɔ rakɛ ta, bɛ̀ɛ́ nɔng yakɛ doo katɔ, nɔng nɛ̀ɛ́ tɔ̀ɔ́yi. Ka ruu ɓɔɔ, nɔng nɛɛ tɔ̀ɔ́ tɔ, zang ɓɔɔ ràkɛ́, zi nɔng ɓɔɔ wu daa ɓɛɛ takpang ɓɛɛ.

Yɔhana 13:33

Wujɛ mɛɛ, n nwang tɔ̀ɔ́ nɛɛ nɔɔ diki wu bee tɔkɔlɔng kpang. Nɔɔ naa kãa m ditɔ. N kɔ̀ɔ nɔɔ doo vuu ɓɔɔ n kɔ̀ɔ zang bang bang zang Yahudi ɓɛɛ kɔ, ‘Nɔng ɓɔɔ n daa ɓɛɛ, nɔɔ zunung daanang kpang.’

Yɔhana 7:34

Nɔɔ naa kãa m, nɔɔ ĩi m kpang. Nɔng ɓɔɔ n daa kagn nɔɔ daa manɛ kpang.”

Yɔhana 7:36

Kɔɔ ka ruu vi nɛɛ ruu naa kãa wu, ruu ĩi wu kpang, a ɓɔɔ ti nɛɛ ruu dàa nɔng ɓɔɔ wu kagn ɓɛɛ kpang viya?”

Yɔhana 8:24

Ka ruu nɔngkɔ, n kɔ̀ɔ́ nɔɔ nɛɛ nɔɔ vɔ nɛɛ vuu shi kpang manɛ ning. Nɔɔ nɛɛ shing danggn nɛɛ nkɔ zang ɓɔɔ n tɔɔ, nkɔ wukɔ kpang, nɔɔ naa vɔ nɛɛ vuu shi kpang manɛ.”

Afisa 2:1

Ɓeleng ka tĩng, bɛ̀ɛ́ nɔɔ nwang manɛ naa zang ɓɔɔ ri vɔlɔ katɔ ɓɛɛ. Ka ruu ɓɔɔ, nɔɔ dũ̀ng nyaa Laa kpang, a nɔɔ ti pálɛ́ vuu shi kpang ɓɛɛ.