Yɔhana 8:12 - Nyaa Shɔɔ Ɓɔɔ Laa a Ɓɛɛ

¹² A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Yɔhana 8:12 Σταυροειδείς Αναφορές

Matiyu 5:14

“Nɔkɔ nɔng yakɛnang ka koo keɓe. Gãa ɓɔɔ zang mãa ka nɔng dɛɛrɛ, waasɛ bii ɓi jong kpang.

Luka 2:32

Wukɔ naa nwang nɔng yakɛnang ɓɔɔ tusu zang ɓɔɔ ri zi kpang, vuu ɓɔɔ mɔɔ kasɛ ɓɛɛ. Wu ti naa shing zang, zang a zang ɓaaɓɛ Isirela bannang.”

Yɔhana 12:35

Yeesɔ kasɛ ri nyaa tɔɔ, “Nɔng yakɛnang nwàng doo ka teteng manɛ diki bée katɔ tɔkɔlɔng. Nɔɔ rakɛ ta, bɛ̀ɛ́ nɔng yakɛ doo katɔ, nɔng nɛ̀ɛ́ tɔ̀ɔ́yi. Ka ruu ɓɔɔ, nɔng nɛɛ tɔ̀ɔ́ tɔ, zang ɓɔɔ ràkɛ́, zi nɔng ɓɔɔ wu daa ɓɛɛ takpang ɓɛɛ.

Yɔhana 12:36

Wee nɔng yakɛnang doo nɛɛ nɔɔ ɓee, nɔɔ shing danggn ka wu, tɔɔ nɔɔ yakɛ zang nɔng kati.” Yeesɔ kɔɔ vuu keɓe tɔ, a daayi. Waasɛ yuu ɓiɓɛ, zang ri zi wu kaa takpang.

Yɔhana 12:46

N a ka koo keɓe, tɔ̀ɔ n yakɛ zang nɔng, tɔ̀ɔ zang ɓɔɔ nɛɛ shing danggn ka bii mɛɛ wu nwang tɔ̀ɔ́ nɔng ɓɔɔ tɔ̀ɔ katɔ kpang.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 3:19

Laa dɔ̌ng zang ɓɔɔ bɛ̃ɛ Jaa gbete ɓiɓɛ ruu ka ruu ɓɔɔ, Laa shɔng nɔng yakɛnang ka koo, a zang ri kasɛ nɔng ɓɔɔ tɔ̀ɔ katɔ kɔ jong, ɓa nɔng yakɛnang ɓɛɛ. Ka ruu ɓɔɔ, bɛ̀ɛ́ ri pálɛ̀ ɓarɛ vuu shi kpang kɔ nwani ɓɛɛ.

Yɔhana 7:17

Zang ɓɔɔ nɛɛ kasɛ tɔ, nɛɛ wu palɛ vuu ɓɔɔ Laa kasɛ ɓɛɛ katɔ, vuu ɓɔɔ n túsù nɛɛ a nɛɛ bii Laa, zang keɓe nɛ̀ɛ́ zi katɔ. N nɛɛ ti kɔ̀ɔrɔ́ ɓɔɔ yuu mɛɛ, nɛ̀ɛ́ ti zi katɔ kpang ya?

Yɔhana 9:5

Wee n doo ka koo ɓee, nkɔ yakɛ koo.”

Zang Shonang Yeesɔ 13:47

Ka ruu ɓɔɔ, Laa kɔɔ rùu tɔɔ, ‘N shing mɔɔ, mɔɔ nwang vuu ɓɔɔ yakɛ nɔng ka teteng zang ɓɔɔ ri zi Laa kpang ɓɛɛ, tɔ̀ɔ, mɔɔ nwang zang ɓɔɔ shing zang, Laa ta yuu zang ɓɛɛ, ka nɔng ɓɔɔ koo waa nyaa piti.’ ”

Zang Shonang Yeesɔ 26:23

Ri kɔɔyi tɔɔ Kirisi naa dang jĩng ditɔ, wukɔ ti naa yupaa shɔɔnang nɛɛ saa, wu kɔɔ rɛɛ zang Isirela nɛɛ zang ɓɔɔ ri zang Isirela kpang ruu nɔng yakɛnang ɓɔɔ a zang suru bii ɓɛɛ.”

2 Bituru 2:17

Maalang ɓɔɔ ri tusu zang vuu sèé keɓe, ri nwang ɓarɛ naa too mii ɓɔɔ ɔ̃ɔ tɔ ɓɛɛ. Ri nwang naa sãmbong mii ɓɔɔ jasung tantɛ, atɛ mii kpang ɓɛɛ. Laa yaa ri nɔng ɓarɛ kagn ka nɔng ɓɔɔ tɔ̀ɔ katɔ kɔngkɔng ɓɛɛ.

2 Bituru 2:4

Ka tĩng tɛ̃ɛ tɛ̃ɛ, rɛɛ zang nyaa shonang Laa ɓɔɔ ri ka lapa ɓɛɛ, ri palɛ vuu shi kpang, gn ɓarɛ kɔng Laa kpang. Laa yiki ri, vang ri ka nɔng waa. Zang mã̀lɛ̀ ri doo nɛɛ soo saka, ka nɔng waa kaɓa ɓɔɔ tɔ̀ɔ kɔngkɔng ɓɛɛ, tɔ̀ɔ, diki ɓɔɔ zang naa jɛ̃ɛ ri ruu wu a nɛɛ mani.

1 Yɔhana 1:6

Naa ruu kɔɔyi nɛɛ, ruu nwàng nɛɛ wu ka nyaa zɔɔ tɔ̃ɔ tɔ̃ɔ, a ruu ti palɛ vuu ɓɔɔ daa bii kpang, ruu suu sèé, ruu pálɛ̀ vuu ɓɔɔ Laa kasɛ ɓɛɛ kpang.

Yahuza 1:13

Ri nwàng ɓarɛ naa mii waapo ɓɔɔ rãa dɔɔli, a vuu shi kpang ɓɔɔ ri palɛ tusu bii ɓi kaa naa puru ɓɔɔ pu ka yuu mii waapo ɓɛɛ. Ri nwàng ɓarɛ naa sang ɓɔɔ jĩli ka lapa ɓɛɛ. Laa shìng ri nɔng tɔ dòndòng, ka nɔng ɓɔɔ tɔ̀ɔ katɔ kɔngkɔng ɓɛɛ.

Yahuza 1:6

Danggn wu ning nɔɔ kpang. Zang nyaa shonang Laa ɓɔɔ ri ka lapa, ɓɔɔ ri nwáng ka nɔng ɓɔɔ Laa a ri naa kagn ɓɛɛ kpang, ri yáa nɔng nwannang ɓarɛ ɓɛɛ. Zang mã ri doo nɛɛ soo saka ka nɔng ɓɔɔ tɔ̀ɔ kɔngkɔng ka tipi dii, ka nɔng ɓɔɔ Laa shing ri, gã diki bang kaɓa ɓɔɔ wu naa dɔ̌ng ri ruu kagn ɓɛɛ.

Vuu ɓɔɔ zang nwangsɛ Yɔhana 21:24

Zɔ̃ng zang nandon ɓɔɔ ri ka koo ri naa zi nɔng ɓɔɔ ri daa ɓɛɛ nɛɛ nɔng ɓɔɔ yakɛ nɛɛ gari kaɓa kɔ. Rɛɛ kpanti ɓɔɔ ri ka koo ri naa atɛ vuu naa ɓarɛ ka nɔngkɔ.