Yɔhana 7:39 - Nyaa Shɔɔ Ɓɔɔ Laa a Ɓɛɛ

³⁹ Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.

Yɔhana 7:39 Σταυροειδείς Αναφορές

Matiyu 16:14

A ri kasɛ wu nyaa tɔɔ, zang ɓɔɔ ri kɔɔ ɓarɛ tɔɔ, “Mɔɔ ɓáa Yɔhana ɓɔɔ palɛ zang batizima ɓɛɛ. Zang ɓɔɔ ri ti kɔɔ ɓarɛ nɛɛ mɔɔ ɓáa Iliya. Zang ɓɔɔ ri ti kɔɔ ɓarɛ nɛɛ mɔɔ ɓáa Irimiya. Zang ɓɔɔ ri kɔɔ ɓarɛ nɛɛ mɔɔ ɓáa zang nyaa shonang Laa ɓɔɔ gbete ɓɛɛ.”

Matiyu 21:11

A zang kɔɔ ri tɔɔ, “Wee ɓi Yeesɔ zang nyaa shonang Laa ɓɔɔ a nɛɛ Nazara, ɓɔɔ ka tipi Galili ɓɛɛ kɔ.”

Luka 24:49

N shong nɔɔ nyaa, vuu ɓɔɔ Daa mɛɛ kɔɔyi nɛɛ wu a nɔɔ ɓɛɛ. Nɔ́ɔ nwang ka gari Urushalima ka gbongkarɛ, Suru Laa wu a ka yuu manɛ.”

Luka 3:16

A Yɔhana kasɛ ri nyaa nandon tɔɔ, “N pàlɛ́ nɔɔ batizima m nɛɛ mii, zang ɓɔɔ naa a ka knti mɛɛ, ɓa m bannang katɔ. N daa naa ɓɔɔ n kãlɛ soo koodoo ɓiɓɛ kpang. Wukɔ naa pàlɛ́ nɔɔ batizima nɛɛ Suru Laa nɛɛ waa.

Luka 7:16

Zang ɓɔɔ ri kpalɛ zɔɔ gaagaa ɓɛɛ, ri kaa vɔrɔ kaa nandon. A ri dɔɔ Laa ri tɔɔ, “Zang nyaa shonang Laa ɓɔɔ bang nwang nyaa lɛ̀ɛ́ tɔ ka teteng ɓuru. Laa a lɛ̀ɛ́ tɔ, nɛɛ wu ta yuu zang ɓiɓɛ.”

Yɔhana 1:21

Ri hɛ̃ɛ wu nɛɛ “A mɔɔ ɓu kaa wiya?” “Mɔkɔ Iliya ya?” Yɔhana kasɛ ri nyaa tɔɔ, “Wu nkɔ Iliya kpang.” Ri hɛ̃ɛ wu tɔkn nɛɛ, “A mɔkɔ zang nyaa shonang Laa ɓɔɔ naa a ɓɛɛ ya?” A ti kasɛ ri nyaa nɛɛ, “Ɓi nkɔ kpang.”

Yɔhana 1:25

ri hɛ̃ɛ Yɔhana tɔɔ, “A ka ruu vi mɔɔ pàlɛ́ zang batizima viya? Mɔkɔ nɛɛ Kirisi kpang. Mɔkɔ ti Iliya kpang, a mɔɔ ti zang nyaa shonang Laa ɓɔɔ naa a kpang ɓɛɛ?”

Yɔhana 1:33

N nɛɛ ti zi m kpang nɛɛ wukɔ kpang. Laa ɓɔɔ shɔng m nɛɛ n naa pàlɛ̀ zang batizima nɛɛ mii, wukɔ kɔɔ m tɔɔ, ‘Zang ɓɔɔ mɔɔ zirɛ Suru Laa arɛ naa nwàng ka yuu ɓiɓɛ, zang keɓe kɔ naa pàlɛ́ zang batizima nɛɛ Suru Laa.’

Yɔhana 12:16

Bɛɛ rɛɛ zang ɓɔɔ ri mantɛ vuu ka bii ɓiɓɛ, ri zi vuu ɓɔɔ zang bee keɓe gn kpang. Ri naa zi kaa nɛɛ knti ka ɓɔɔ bɛ̀ɛ́ zang wisi Yeesɔ paa tɔ, Laa ti a wu bannang tɔ ɓɛɛ. Ri naa kpaa danggn kati nɛɛ zang bee vuu keɓe katɔ ka yuu ɓiɓɛ, a zang ti pàlɛ̀ wu vuu bìí tɔ.

Yɔhana 12:23

Yeesɔ kasɛ ri nyaa tɔɔ, “Diki ɓɔɔ zang a Jaa Shɔnzang bannang kagn a tɔ.

Yɔhana 14:13

N ti pàlɛ́ nɔɔ vuu piti ɓɔɔ nɔɔ gàá nɛɛ nung mɛɛ katɔ, tɔ̀ɔ, zang a Daa bannang kati ka ruu Jaa.

Yɔhana 14:26

Suru Laa ɓɔɔ Daa naa shong wu ka nung mɛɛ, naa tusu nɔɔ vuu ditɔ nandon. Wu ti kpaa nɔɔ danggn vuu ɓɔɔ n kɔ̀ɔ nɔɔ ɓɛɛ nandon.

Yɔhana 16:14

Shing zang, zang a m bannang, ka ruu ɓɔɔ, tuu vuu ɓɔɔ n kɔɔ ɓɛɛ, wu naa nwangsɛ nɔɔ dĩiri ɓiɓɛ ɓɛɛ.

Yɔhana 16:7

N kɔ̀ɔ́ nɔɔ ruu ɓɔɔ niizang kɔ nwani, daanang mɛɛ kɔ tɔ̃ɔ, ka ruu ɓɔɔ, naa n daa kpang, zang ɓɔɔ naa yi nɔɔ naa ka bii ɓɔɔ wukɔ Suru Laa, a nɔng manɛ kpang. N nɛɛ daa tɔ, n shong wu kati wu a kaa nɔng manɛ.

Yɔhana 17:1

Yeesɔ hangsɛ nyaa ruu keɓe tɔ, a tuu jĩng ka lapa, a gàa Laa tɔɔ, “Daa, laa a tɔ. Zang ri zi bannang mɛɛ ta, ɓɔɔ n Jaa ɓaaɓɛ, tɔɔ zang ri zi bannang ɓaaɓɛ kaa bii mɛɛ.

Yɔhana 17:5

Ka ruu nɔngkɔ, Daa, tuu m ta, mɔɔ daa nɛɛ n ka nɔng ɓɔɔ mɔɔ kagn ɓɛɛ. Mɔɔ a m bannang naa ɓɔɔ mɔɔ a m bɛ̀ɛ́ zang mãa koo gn kpang ɓɛɛ.”

Yɔhana 20:22

Kɔ̀ɔ́ tɔ naa weɓe, a sha ɔ̃kɔnang ɓiɓɛ nɛɛ nyaa ka bii ɓarɛ, a kɔɔyi tɔɔ, “Nɔɔ ta Suru tɔ̃ɔ Laa ta.

Yɔhana 6:14

Ɓɔɔ zang ri zi vuu ɓɔɔ zang zirɛ zang mã naa ka danggn ɓɔɔ Yeesɔ palɛ, ri kɔɔrɔ nɛɛ, “Niizang, wee zang nyaa shonang Laa ɓɔɔ naa a ka koo ɓɛɛ kɔ.”

Yɔhana 7:12

Zang ɓɔɔ ri kpalɛ zɔɔ ri rangkɛ yee nɛɛ nwĩiri ka yuu ɓiɓɛ dɔɔli. Zang ɓɔɔ ri kɔɔyi nɛɛ, “Yɔɔ keɓe yɔɔ tɔ̃ɔ.” Zang ɓɔɔ ri kɔɔ ɓarɛ nɛɛ, “Yɔɔ keɓe nwãarɛ zang katɔ.”

Yɔhana 8:54

Yeesɔ kasɛ ri nyaa tɔɔ, “Naa n á yuu mɛɛ bannang, bannang keɓe ɓi ɓɔɔ waati ɓɛɛ. Zang ɓɔɔ a m bannang ɓi Daa mɛɛ, zang ɓɔɔ nɔɔ tɔɔ wukɔ Làá manɛ ɓɛɛ.

Zang Shonang Yeesɔ 19:2

a hɛ̃ɛ ri nɛɛ, “Ka ɓɔɔ nɔɔ shing danggn ka bii Laa ɓɛɛ, Suru ɓiɓɛ a katɔ ka bii manɛ ya?” Ri kasɛ wu nyaa tɔɔ, “Kpang, ruu tãa ruu Suru Laa gngn kpang.”

Zang Shonang Yeesɔ 2:17

“ ‘Laa kɔɔyi tɔɔ, “Ka rɛɛ diki ɓɔɔ koo waa nyaa ɓɛɛ, N naa a shɔnzang piti Suru mɛɛ. Wujɛ manɛ zang soro nɛɛ zang varɛ, ri naa kɔɔrɔ ruu naa ɓɔɔ zang nyaa shonang Laa kɔɔ ɓɛɛ. Wujɛ jasang manɛ, ri naa zili vuu ɓɔɔ Laa tusu zang ɓɛɛ. Rɛɛ dabang manɛ, ri naa rɔ̃kɔ rɔ̃kɔnang.

Zang Shonang Yeesɔ 2:33

Laa wisi wu paa, a shing wu tɔ ka nakn ɓiɓɛ, a á wu suru ɓɔɔ bɛ̀ɛ́ a ruu nyaa nɛɛ wu naa a ruu ɓɛɛ. Vuu ɓɔɔ nɔɔ zirɛ, nɔɔ ti tãa kãntang keɓe, ɓi vuu ɓɔɔ Laa tɔɔ wu a ruu ɓɛɛ kɔ.

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

Zang Shonang Yeesɔ 3:13

Làá rɛɛ dabang ɓuru Ibirayi, nɛɛ Ishaaku, nɛɛ Yakubu kɔ a zang shonang ɓiɓɛ Yeesɔ bannang ɓɔɔ waa nyaa kpang ɓɛɛ. A nɔɔ a zang bang bang Yahudi wu nɛɛ zang nyɔ wu vɔrɔ. Nɔɔ bɛ̃ɛ wu ka tĩng kpanti Bilatu, ka ɓɔɔ Bilatu kɔ̀ɔ́yi tɔ nɛɛ wu yaa wu naa kaa tɔ ɓɛɛ.

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Rooma 8:9

Nɔɔ nwàng manɛ tɔ̀ɔ́ naa ɓɔɔ bii manɛ kɔɔ nɔɔ ɓɛɛ kpang, naa Suru Laa nɛɛ nwang kagn niizang ka yeti manɛ ɓɛɛ. Zang ɓɔɔ Suru Kirisi nɛɛ kagn ka yeti ɓiɓɛ kpang, ɓi zang Kirisi kpang.

2 Koranti 3:8

Bannang Laa nɛɛ tusu bii, ka ɓɔɔ Laa a zang nyaa dannang ɓɔɔ nyɔ zang vɔrɔ katɔ ɓɛɛ naa weɓe. A bannang ɓɔɔ tusu bii ka ɓɔɔ zang nwangsɛ nyaa dannang shɔɔ keɓe, ɓa ɓɔɔ tĩng shɔɔnang kaɓa bannang katɔ kpang ya?

Afisa 4:30

Nɔ́ɔ lasɛ Suru Laa yeti kpang, ka ruu ɓɔɔ, Suru Laa kɔ tusu nɛɛ nɔɔ manɛ zang Laa ɓɛɛ. Suru keɓe kɔ tusu zang nɛɛ diki a ditɔ, ɓɔɔ Laa naa ta yuu manɛ ɓɛɛ.