Yɔhana 7:31 - Nyaa Shɔɔ Ɓɔɔ Laa a Ɓɛɛ

³¹ Zang dɔɔli ka teteng zang ɓɔɔ ri kpalɛ zɔɔ ri shing danggn ka bii ɓiɓɛ. A ri kɔɔrɔ nɛɛ, “Naa Kirisi arɛ, naa palɛ vuu ɓɔɔ zang zirɛ zang mã naa ka danggn ɓa ɓɔɔ yɔɔ keɓe ɓu katɔ ya?”

Yɔhana 7:31 Σταυροειδείς Αναφορές

Matiyu 12:23

Zang piti ri mã naa ka danggn, ri tɔɔ “Zang keɓe ɓu Jaa zɔ̃ng Dawuda ka ya?”

Luka 8:13

Jĩng vuu ɓɔɔ shili ka yuu tipi pɛngkɛ, nwang naa zang ɓɔɔ ri tãa Ruu Laa, a ri ta nɛɛ yeti gbete ɓɛɛ. A ri nwang ɓarɛ naa jĩng vuu ɓɔɔ ɓaa dĩiri tɔ̃ɔ tɔ̃ɔ kpang ɓɛɛ. Ri shing danggn ɓarɛ ka naa lapa kɔ shɛ̃ɛning. Ri yaa gbalang Laa ka diki ɓɔɔ zang gãsɛ danggn ɓarɛ ɓɔɔ ri shing ka bii Laa ɓɛɛ.

Yɔhana 11:45

A zang Yahudi dɔɔli ɓɔɔ ri arɛ nɛɛ ri jee Marayamu nyaa ɓɛɛ. Ri zi vuu ɓɔɔ Yeesɔ palɛ, a ri shing danggn ka bii ɓiɓɛ.

Yɔhana 12:11

Ka ruu ɓɔɔ, zang Yahudi dɔɔli, ri yaa ri kana, ri shing danggn kaa bii Yeesɔ ka ruu Liyazaru kɔ ɓɛɛ.

Yɔhana 12:42

A zang bang bang zang Yahudi dɔɔli, ri shing danggn ka bii Yeesɔ. A ri nwangsɛ yuu ɓarɛ kaa takpang, ka ruu ɓɔɔ, ri kaa vɔrɔ zang Farisi ɓɛɛ. Ri kasɛ nɛɛ zang zãa ri gãa zɔɔ kpalɛnang daanang kpang.

Yɔhana 2:11

Wee vuu ɓɔɔ zang zirɛ zang mã naa ka danggn ɓɔɔ Yeesɔ gaayu palɛnang ɓɛɛ kɔ, ka gari Kaana ɓɔɔ ka tipi Galili ɓɛɛ. Tusu zang bannang ɓiɓɛ kaa nɔngkɔ, a zang ɓɔɔ ri mantɛ vuu ka bii ɓiɓɛ ri shing danggn kaa bii ɓiɓɛ gbãng gbãng.

Yɔhana 3:2

Yɔɔ keɓe, diki ɓɔɔ kagn daa ka bìí Yeesɔ nɛɛ zĩi. Kɔɔ Yeesɔ tɔɔ, “Maalang, ruu zi ɓuru tɔ nɛɛ mɔɔ ɓaa maalang ɓɔɔ a nɛɛ bii Laa ɓɛɛ, ka ruu ɓɔɔ, naa wu zang ɓɔɔ Laa nɛɛ wu kpang, zang ɓɔɔ zunung vuu ɓɔɔ zang zirɛ zang mã naa ka danggn kɔ mɔɔ pálɛ̀ ɓɛɛ gbete kpang.”

Yɔhana 4:29

“Nɔɔ arɛ nɔɔ zi yɔɔ ɓɔɔ kɔɔ m vuu ɓɔɔ n pálɛ́ ka tĩng ɓɛɛ nandon. Naa ɓu bɛ̀ɛ́ Kirisi kɔ ya?”

Yɔhana 4:39

Zang Samariya dɔɔli ka gari kaɓa, ri shing danggn ka bìí Yeesɔ ka ruu vuu ɓɔɔ jaa soro kɔɔyi tɔɔ, “Kɔɔ m vuu ɓɔɔ n pálɛ́ ka tĩng nandon” ɓɛɛ.

Yɔhana 6:2

Zang dɔɔli ri dũng wu, ka ruu ɓɔɔ, ri zi vuu ɓɔɔ zang zirɛ zang mã naa ka danggn ɓɔɔ wu palɛ, ka ɓɔɔ wu masɛ zang ɓɔɔ vuu palɛ ri katɔ ɓɛɛ.

Yɔhana 7:26

A wee rang yee ka dalɛ waati ɓee. Zang ti ãa wu nyaa tɔɔ bii kpang. Zang bang bang zang Yahudi ri kasɛ tɔ kati, nɛɛ wukɔ Kirisi ya?

Yɔhana 9:16

Ka teteng zang Farisi bìí, zang ɓɔɔ ri kɔɔyi nɛɛ, “Yɔɔ ɓɔɔ palɛ vuu keɓe, a ɓi nɛɛ bii Laa kpang, ka ruu ɓɔɔ dũng nyaa ɓɔɔ zang dang ka yuu Diki Ɔ̃sɔnang ɓi kpang ɓɛɛ.” Zang ɓɔɔ ri ti kɔɔ ɓarɛ, nɛɛ, “Naa yɔɔ keɓe nɛɛ zang ɓɔɔ palɛ vuu shi kpang, nɛɛ zunung ɓɔɔ wu palɛ rɛɛ vuu ɓɔɔ zang zirɛ, zang mã naa ka danggn, naa rɛɛ wee wu pálɛ̀ ɓee kpang.” A ri basɛ zɔɔ kaa nɔ́ngkɔ̀.

Zang Shonang Yeesɔ 8:13

Siman nɛɛ yuu ɓiɓɛ shing danggn jong ka knti ɓɔɔ zang palɛ wu batizima tɔ, ràkɛ́ kaa nɛɛ Filibu diki diki. Siman mã naa ka danggn, ka ruu vuu ɓɔɔ zang zirɛ zang mã naa ka danggn ɓɔɔ wu zìlí Filibu palɛ ɓɛɛ.

Yakubu 2:26

Ka ruu nɔngkɔ, naa ɓɔɔ Suru nɛɛ ka bii kpang, bii ɓi kaa vɔrɔ. Mɔɔ nɛɛ palɛ shonang ɓɔɔ tusu zang nɛɛ mɔɔ shing danggn ka bii Laa kpang, danggn shinnang ɓaaɓɛ vɔ ɓi doo katɔ kɔ.