Yɔhana 7:30 - Nyaa Shɔɔ Ɓɔɔ Laa a Ɓɛɛ

³⁰ Ka ruu nɔngkɔ, ri kãa gbalang nɛɛ ri yi wu katɔ, a zang ɓɔɔ lee wu naa kaa tɔ̀ɔ́ bii kpang. Ka ruu ɓɔɔ laa ɓiɓɛ yaa doogn ɓɛɛ.

Yɔhana 7:30 Σταυροειδείς Αναφορές

Matiyu 12:14

A zang Farisi ri nwangkɛ, ri daa tɔ̀ng zɔɔ kaa naa ɓɔɔ ri naa nyɔ wu vɔrɔ ɓɛɛ.

Matiyu 21:46

Ka ruu nɔngkɔ, ri nɛɛ ri yi Yeesɔ katɔ, a ri kaa vɔrɔ zang. Ka ruu ɓɔɔ zang dɔɔli shing danggn nɛɛ Yeesɔ ɓi zang nyaa shonang Kpanti Laa ɓɛɛ.

Maraku 11:18

A zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri tãayi, a ri gaa tɔɔsung gbalang ɓɔɔ ri naa nyɔ wu vɔrɔ ɓɛɛ kãanang kati. Ri kaa vɔrɔ Yeesɔ ka ruu ɓɔɔ, zang ɓɔɔ ri kpalɛ zɔɔ piti, ri mã naa ka danggn, ka ruu vuu ɓɔɔ wu tusu ɓɛɛ.

Luka 20:19

Zang ɓɔɔ ri zi labeenang Laa dɔɔli, nɛɛ zang bang bang zang ɓɔɔ ri dɔɔ vuu ka Gãa Laa ɓɔɔ ri tãa ruu keɓe, nɛɛ ri yi Yeesɔ kaa tɔ tantɛnang, ka ruu ɓɔɔ, ri zi tɔ nɛɛ Yeesɔ kɔɔ ruu keɓe ka yuu ɓarɛ kɔ ɓɛɛ. Ri yi wu kaa takpang, ka ruu ɓɔɔ, ri kaa vɔrɔ zang ɓɔɔ ka nɔng ɓɛɛ.

Luka 22:53

N nwáng nɛɛ nɔɔ diki diki ka yeti Gãa Laa, nɔɔ tɔɔ kpang nɛɛ nɔɔ yi m kpang. Lɛɛkɔ làá manɛ kɔ arɛ, nɛɛ làá zang ɓɔɔ ri nwang ka nɔng tĩiri ɓɛɛ.

Yɔhana 10:31

A zang Yahudi ri daa yakɛ tari tɔkn, nɛɛ ri luku wu nɛɛ mani.

Yɔhana 10:39

Ri tɔɔ ri yi wu kaa tɔ tɔkn, a nwangnɛ nwĩiri daayi.

Yɔhana 11:57

Rɛɛ zang bang bang zang ɓɔɔ ri dɔɔ vuu ka Gãa Laa nɛɛ rɛɛ zang Farisi, ri kɔɔ zang nɛɛ, zang ɓɔɔ nɛɛ zi nɔng ɓɔɔ Yeesɔ kagn tɔ, wu naa kɔɔ ri, ri daa yi wu.

Yɔhana 7:19

Wu Musa kɔ a nɔɔ nyaa dannang Laa kpang ya? Zang ɓɔɔ dũng nyaa dannang bìí kagn teteng manɛ gbete kpang? Nɔɔ nɛɛ nɔɔ nyɔ m vɔrɔ ka ruu viya?”

Yɔhana 7:32

Zang Farisi ri tãa naa ɓɔɔ zang ri rangkɛ yee keɓe nɛɛ nwĩiri ka yuu Yeesɔ ɓɛɛ. A ri nɛɛ rɛɛ zang bang zang ɓɔɔ ri dɔɔ vuu ka Gãa Laa ɓɛɛ, ri shong zang ɓɔɔ ka teteng zang ɓɔɔ ri gã Gãa Laa nɛɛ ri daa yi wu.

Yɔhana 7:6

Yeesɔ kɔɔ ri tɔɔ, “Làá mɛɛ a gn kpang gbongkarɛ. Ɓɔɔ manɛ, laa piti daa nɔɔ manɛ katɔ.

Yɔhana 7:8

Nɔɔ daa nɔng nyaalaa manɛ ta. N daa nɔng nyaalaa keɓe m kpang, ka ruu ɓɔɔ, laa ɓɔɔ n daayi a gn kpang ɓɛɛ.”

Yɔhana 8:20

Kɔɔ ruu keɓe, bɛ̀ɛ́ tusu zang vuu ka yeti Gãa Laa, naabm nɛɛ nɔng ɓɔɔ zang tɛ̃ɛ saka ɓɔɔ zang á Laa ɓɛɛ. A zang ɓɔɔ yi wu kaa takpang, ka ruu ɓɔɔ, laa ɓiɓɛ à gn kpang ɓɛɛ.

Yɔhana 8:37

N zi tɔ nɔɔ manɛ zɔ̃ng Ibirayi. A ka ruu vi nɔɔ kãa gbalang nɛɛ nɔɔ nyɔ m vɔrɔ viya? Ka ruu ɓɔɔ, nɔɔ ta ruu mɛɛ ka yeti manɛ kpang ɓɛɛ.

Yɔhana 8:59

Ka ruu nɔngkɔ, ri yakɛ tari nɛɛ ri luku wu kaa tɔ. Waasɛ yuu ɓiɓɛ, nwang nɛɛ nwĩiri yaa Gãa Laa.

Yɔhana 9:4

Rúu palɛ shonang zang ɓɔɔ shong m ɓɛɛ, bɛ̀ɛ́ doo nɔng laagɛ̃. Nɔng zĩi a kana ɓɔɔ zang palɛ shonang tɔ̀ɔ́ gbete kpang ɓɛɛ.