Yɔhana 7:26 - Nyaa Shɔɔ Ɓɔɔ Laa a Ɓɛɛ

²⁶ A wee rang yee ka dalɛ waati ɓee. Zang ti ãa wu nyaa tɔɔ bii kpang. Zang bang bang zang Yahudi ri kasɛ tɔ kati, nɛɛ wukɔ Kirisi ya?

Yɔhana 7:26 Σταυροειδείς Αναφορές

Matiyu 22:16

A ri shong zang ɓɔɔ ri mantɛ vuu ka bii ɓarɛ nɛɛ zang ɓɔɔ dũng knti Kpanti Hiridu tɔɔ, ri daa kɔɔ Yeesɔ nɛɛ, “Maalang, ruu zi tɔ, mɔɔ suu see ɓáa kpang. Mɔɔ tùsú zang ɓáa vuu ɓɔɔ niizang, ɓɔɔ Laa kasɛ nɛɛ zang wu palɛ ɓɛɛ. Ruu ɓaaɓɛ hãa ɓi kagn nɛɛ vuu ɓɔɔ shɔnzang rɛ̃rɛ ɓɛɛ kpang, ka ruu ɓɔɔ, mɔɔ ti shɛ̃ɛrɛ zang ɓáa kpang ɓɛɛ.

Luka 23:13

Bilatu ɓaa nyaa tɔkn ka zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri doo zang bang zang kɔ, nɛɛ rɛɛ zang ɓɔɔ kpalɛ zɔɔ ka nɔng ɓɛɛ.

Luka 7:30

A zang Farisi nɛɛ zang ɓɔɔ ri zi labeenang Laa dɔɔli, ri bɛ̃ɛ vuu ɓɔɔ Laa kasɛ nɛɛ ri palɛ ɓɛɛ tɔ nɛɛ Yɔhana wu pàlɛ̀ ri batizima kpang.

Yɔhana 12:42

A zang bang bang zang Yahudi dɔɔli, ri shing danggn ka bii Yeesɔ. A ri nwangsɛ yuu ɓarɛ kaa takpang, ka ruu ɓɔɔ, ri kaa vɔrɔ zang Farisi ɓɛɛ. Ri kasɛ nɛɛ zang zãa ri gãa zɔɔ kpalɛnang daanang kpang.

Yɔhana 18:20

Yeesɔ kasɛ wu nyaa tɔɔ, “N waa m katɔ n tùsù zang koo vuu kpang. Vuu ɓɔɔ n tusu piti, n tusu m ka gãa zɔɔ kpalɛnang, a ɓɔɔ ka yeti Gãa Laa. Nɔng ɓɔɔ zang Yahudi nandon ri kpalɛ kagn ɓɛɛ. N kɔ̀ɔ vuu ɓɔɔ m gngn nɛɛ nwĩiri kpang.

Yɔhana 3:1

Yɔɔ zang Farisi ɓɔɔ kagn zang ɓaa wu nɛɛ Nikodimu. Nikodimu ɓi ka teteng, zang bang bang zang Yahudi.

Yɔhana 4:29

“Nɔɔ arɛ nɔɔ zi yɔɔ ɓɔɔ kɔɔ m vuu ɓɔɔ n pálɛ́ ka tĩng ɓɛɛ nandon. Naa ɓu bɛ̀ɛ́ Kirisi kɔ ya?”

Yɔhana 7:25

A zang ɓɔɔ ka teteng zang Urushalima ri hɛ̃ɛyi nɛɛ, “Wee ɓi yɔɔ ɓɔɔ zang kãayi nɛɛ zang nyɔ wu vɔrɔ kpang ya?

Yɔhana 7:31

Zang dɔɔli ka teteng zang ɓɔɔ ri kpalɛ zɔɔ ri shing danggn ka bii ɓiɓɛ. A ri kɔɔrɔ nɛɛ, “Naa Kirisi arɛ, naa palɛ vuu ɓɔɔ zang zirɛ zang mã naa ka danggn ɓa ɓɔɔ yɔɔ keɓe ɓu katɔ ya?”

Yɔhana 7:48

Nɔɔ zi zang bang bang zang Yahudi tɔ nɛɛ zang Farisi ri shing danggn ka bii ɓiɓɛ gbete ya?

Yɔhana 9:22

Rɛɛ zang ɓɔɔ yi yɔɔ ri kasɛ nyaa nɔngkɔ, ka ruu ɓɔɔ, ri kaa vɔrɔ zang Yahudi bii katɔ ɓɛɛ. Rɛɛ zang Yahudi ri kɔɔ tɔ nɛɛ, zang ɓɔɔ nɛɛ kɔɔyi nɛɛ, wu kasɛ tɔ nɛɛ Yeesɔ kɔ Kirisi, ri zãa wu gãa zɔɔ kpalɛnang daanang katɔ.

Zang Shonang Yeesɔ 4:13

Zang ɓɔɔ ri jɛ̃ɛ zang ruu, ri zi naa ɓɔɔ Bituru nɛɛ Yɔhana ri rang yee ri kaa vɔrɔ kpang ɓɛɛ. A zang ti kɔɔ ri nɛɛ Bituru nɛɛ Yɔhana ɓarɛ zang waati, ri bee laa gngn kpang ɓɛɛ, ri mã naa ka danggn. Ri naa zi kati nɛɛ zang keɓe ri nwáng ɓarɛ nɛɛ Yeesɔ.

Filipi 1:14

Mãnang kɔ zang mã m ka sãa ɓee, mã̀ rɛɛ manzung mɛɛ ɓɔɔ ri dũng doo Laa kɔ danggn tɔ ka gbalang kpanti Yeesɔ. Ri kɔɔrɔ zang Ruu Laa kana gbãng gbãng ri kaa vɔrɔ takpang.